1 Yi ko qui xomij Kajcaw ske'j yi na ko'c tan banle'n jun ca'l, qui'c na tak' cyakil yi e'chk ak'un yi na chiban yi e' bnol tetz.

Mpe chumbalaj nink e' tan banle'n yi e'chk ak'una'tz, qui'c xac sbne'.

Ncha'tz yi ko qui'c Kajcaw tan q'uicy'le'n jun tnum, qui'c na tak' mpe ate'-k q'uicy'lom tetz.

2 Ncha'tz ko qui k'uklij kac'u'l te Kataj,

qui'c na tak' sketz pe nink tz'el kawatl jalchan cunin tan ak'un,

nin yil kak'uj jalen benak k'ej tan xtx'acle'n jamel kawa',

na na oc i' tan quich'eye'n yi e' yi xomche' te tetz tajbil, nin na tak' i' chiwatl.

3 Je junt xtxolbile'j:

4 Ej nin yi e' kanitxa' yi na chijal yi o' ac'aje't, ni'cu'n tu flech yi at tk'ab jun ajtxuquinl.

5 Ba'n cyeri e' yi at jun c'oloj yi e'chk flecha'tz ẍchik'ab. Na quil tz'el chik'ej tan chicontr.

Nin yi e' pujul xtisya', chixobok cyetz na xomche' jun c'oloj q'uicy'lom cyetz.