11
Asa'ron Kon Ekamanin Nan
1 I'tuto' yʉi ke urepa'pʉ. Mɨrɨ yau, main eta'pʉ uya, “Enta Papa ena' use'man nɨto' iwʉ' mɨrɨ awonsi'kɨ use'man nɨto' apon, mɨrɨ awonsi'kɨ itau tʉwɨpʉremasan tu'kanoro mi'tui',” tawon. Isi'kiyerʉ 40:3; Sakaraya 2:1-2 2 “Ipʉrorooi rɨken kʉsi'tui, apʉne pʉra Esuwerʉ amʉ' pen ena' iye'tʉsa' mɨrɨ, mɨrɨpan kon uya Wakʉ Pata* Wakʉ Pata - Serɨ serɨ esi Surusiran ekamanin pe. wasa'pɨ'to' oton 42 kaisa rɨ kapʉi yau. Ʉru' 21:24 3 Asa'ron kon uyekamanin nan enno'to' uya oton pon isa'ka'si ya' to' epontɨpɨ'sa', mɨrɨpan kon usauro'to' oton pu'kena' amʉ' pe 1,260 kaisa rɨ wʉi.” 4 Asa'ron kon uyekamanin nan esi mɨrɨ asa'ron are' e' mɨrɨ awonsi'kɨ asa'ron raan'pu amʉ', Itepuru, non esa' piyau te'san. Sakaraya 4:3, 11-14 5 Ɨnʉ' rɨ esi to' ma'tanʉkʉ i'se a'tai, apo' epa'ka mɨrɨ to' mʉta yai to' eyaton non ma'tanʉ'se'na. Serɨ kasa ɨnʉ' rɨ to' anma'tanʉ'paino nerikʉi. 6 To' pana'pano e'to' oton ka' a'konin pe tuna uyepʉ namai' Papa Maimu ekama pɨ' to' esi koro'tau. To' meruntɨrʉ e'to' oton tuna ra'tɨnin pe mʉn pe, mɨrɨ awonsi'kɨ non pona ti'tui' pʉra rɨ paran ne'to' oton to' uya inke i'se te'to' kon awɨrɨ rɨ. E'sotas 7:17-19; 1 Sanwerʉ 4:8; 1 Kin Amʉ' 17:1
7 Unkupʉ'pʉ ekama to' uya u'ma'sa' a'tai, ene, iya'mu pʉn iteuta yapai iyepa'kasa' uya to' ewa'nomato' oton. To' entai iye'to' oton, mɨrɨpan uya to' wɨto' oton. Taniyerʉ 7:7, 21; Isenpoikasa' 13:5-7; 17:8 8 To' ekepu nonkasa' e'to' oton eke pata e'ma tau, kurusu' pona tepuru kon pokapɨtʉ'pʉ yau. Mɨrɨ pata ese' ekamanin pe to' nesakʉ'pʉ esi Satan mɨrɨ awonsi'kɨ Isi'. Aisaya 1:9-10 9 Ka'pon amʉ', tanporo tʉponaron kon, rʉko' amʉ', tʉmaimuron kon mɨrɨ awonsi'kɨ tʉpataron kon koro'tapaino kon uya to' ekepu enpɨ'to' oton osorʉwau wʉi mɨrɨ awonsi'kɨ pʉre'po'si pʉ'kʉ pona iyema'sa' yau, to' ekepu u'na'tɨ to' uya i'se pʉra to' e'to' oton. 10 Ka'pon amʉ' non pon kon e'to' oton pori' pe pʉsamoro asa'ron kon eri'sa' pɨ'. To' uta're'tɨpɨ'to' oton mɨrɨ awonsi'kɨ tʉtonpa kon amʉ' repapɨ'to' oton to' uya, apʉne pʉra kamoro asa'ron kon pu'kena' amʉ' uya ɨsɨ ne'sa' pɨ' ka'pon amʉ' pona.
11 Osorʉwau wʉi mɨrɨ awonsi'kɨ pʉre'po'si pʉ'kʉ pona iyesi tʉpo, use'netu'kan nɨto' uyee'pʉ Papa winɨpai, mɨrɨpan ewomʉ'pʉ to' ya', mɨrɨpan kon e'mʉ'sa'ka'pʉ. Tanporon kon to' ennin nʉ'san usi'nʉkʉ'pʉ ipan pe. Isi'kiyerʉ 37:10 12 Mɨrɨ a'tai, asa'ron kon pu'kena' amʉ' uya main eta'pʉ Epʉn winɨpaino, “Ɨsi'tɨ' serɨ ya',” tawon. To' eyaton non uya to' enpɨtʉ koro'tau, to' enuku'pʉ Epʉn pona kapuru' yau. 2 Kin Amʉ' 2:11
13 Mɨrɨ a'tai kuru rɨ, ɨsɨ pe tʉrʉ'pʉnʉ esi'pʉ. 1/10 kaisa rɨ eke pata uta'morʉka'pʉ, mɨrɨ awonsi'kɨ 7,000 kaisa rɨ ka'pon amʉ' wɨnɨ'pʉ tʉrʉ'pʉnʉ uya. Ka'pon amʉ' tonpa'san enari'nʉmʉ'pʉ ipan pe, mɨrɨpan kon uya eke pe Papa, Epʉn pon e'to' apurɨpɨtʉ'pʉ. Isenpoikasa' 6:12; 16:18
14 Itisakon ɨsɨ, nari' kuru utɨka'sa' e'tane; enkɨ, itosorʉwano rʉ'pʉ ɨsɨ, nari' kuru uye'nɨ pɨ' man serɨ pe rɨ marɨ.
7 Pe Iku'nin Tʉronpi'
15 7 pe inserʉ amʉ' ku'nin uya wai, tʉronpi' turunpa'pʉ. Mɨrɨ yau, eke pe main useta'pʉ Epʉn po:
“Serɨ non esa' pe Itepuru mɨrɨ awonsi'kɨ Kʉrai esi weyu e'seposa' man,
mɨrɨpan uko'manto' oton itesa' pe inke rɨ, inke rɨ,”
tawon. E'sotas 15:18; Taniyerʉ 2:44; 7:14, 27 16 Mɨrɨ a'tai 24 kaisaron kon itepuru ton tapon kon po iyereutasa' kon Papa piyau uta'mo'ka'pʉ temʉ' kon po, mɨrɨpan kon uya Papa apurɨpɨtʉ'pʉ. 17 Se kasa ta'pʉ to' uya:
“Itepuru Papa Meruntɨ pe kuru te'sen ye', moro na'ne', moro iye'sa' rʉ'pʉ;
tenki ta pɨ' ina man
apana'pano apurɨsa' auya pɨ',
mɨrɨ awonsi'kɨ esa' pe ɨwesi pa ɨye'sara'tɨsa' pɨ'.
18 Tʉpataron kon ka'pon amʉ' usakorotasa'; kota'man nɨto' auya weyu e'seposa' pɨ',
mɨrɨ awonsi'kɨ iyeri'pɨ'sa' kon eseru aimenkato' auya.
Ɨpoitorʉ ton pu'kena' ton e'mato' auya weyu e'seposa',
mɨrɨ awonsi'kɨ wakʉ ton ɨpoitorʉ ton mɨrɨ awonsi'kɨ kamoro ɨyese' namanin nan, eke ton mɨrɨ awonsi'kɨ aiko ton,
kamoro non ma'tanʉ'nin nʉ'san ma'tanʉ'to' auya pe man,” Eren 2:5; 110:5; 115:13
ta'pʉ to' uya.
19 Papa ena' use'man nɨto' iwʉ' uta'koka'pʉ Epʉn po, mɨrɨ awonsi'kɨ ekonekan nɨsa' en† ekonekan nɨsa' en - ark of the covenant ta e'kwa pe. Serɨ esi'pʉ 10 apiyontɨto' en mɨrɨ awonsi'kɨ Papa esi se yau tato' ekamanin pe. usene'pʉ mɨrɨ tau. Mɨrɨ yau, kamiri' esi'pʉ, ta'merunsen esi'pʉ, korʉme e'toi'pɨtʉ esi'pʉ, tʉrʉ'pʉnʉ mɨrɨ awonsi'kɨ eke pe tuna tɨ'mooi ton uta'pokʉ esi'pʉ. 2 Ma'kapis 2:4-8; Isenpoikasa' 8:5; 16:18, 21
11:1 Isi'kiyerʉ 40:3; Sakaraya 2:1-2
*11:2 Wakʉ Pata - Serɨ serɨ esi Surusiran ekamanin pe.
11:2 Ʉru' 21:24
11:4 Sakaraya 4:3, 11-14
11:6 E'sotas 7:17-19; 1 Sanwerʉ 4:8; 1 Kin Amʉ' 17:1
11:7 Taniyerʉ 7:7, 21; Isenpoikasa' 13:5-7; 17:8
11:8 Aisaya 1:9-10
11:11 Isi'kiyerʉ 37:10
11:12 2 Kin Amʉ' 2:11
11:13 Isenpoikasa' 6:12; 16:18
11:15 E'sotas 15:18; Taniyerʉ 2:44; 7:14, 27
11:18 Eren 2:5; 110:5; 115:13
†11:19 ekonekan nɨsa' en - ark of the covenant ta e'kwa pe. Serɨ esi'pʉ 10 apiyontɨto' en mɨrɨ awonsi'kɨ Papa esi se yau tato' ekamanin pe.
11:19 2 Ma'kapis 2:4-8; Isenpoikasa' 8:5; 16:18, 21