^
ROMANOS
Roma huaknopo̱e̱ʼeriomeytaj Pabloa oʼmanigmadoyaʼuyate.
Pabloa Romayo huaknopo̱e̱ʼeritaj eʼbataʼhuade̱ʼdetaʼ oʼpakuyate.
Jesucristoen huadak huaʼa aratbut eknopo̱e̱ʼnayo Diosa dakhueaʼ eʼkaʼ manopoʼyareaʼdik o̱ʼe̱.
Aratbuta Diostaj pakhueʼ o̱ʼnepo kenpaʼda dakhueaʼnada o̱gkikaʼ.
“Dakhueaʼ oʼkaʼuy.” Betapiʼ Diosa eʼhuaaʼnayo buttida oʼbahuaaʼ.
Judío aratbut Moisésenbaʼ eʼmanmadikikaʼada nigpe̱e̱hueʼda o̱ʼnikaʼ.
Ayaʼada dakhueaʼ huakaʼeri o̱ʼe̱ne.
“Okkahueaʼdepo huadakda moʼe̱ne.” Jesucristoen huaknopo̱e̱ʼeritayoʼda Diosa manaʼdik o̱ʼe̱.
Abrahama Diostaj oknopo̱i̱kaʼuyatenok “Abraham huadakda meʼta̱e̱ne.” Diosa oaʼuyate.
Abraham doʼtaj oknopo̱i̱kaʼnok “ayaʼ huadari ontaj o̱ʼnen huayayotaere ijbayokapoy, Abraham,” Diosa onaʼuyate.
Diosa moʼtinepahuiʼpo oroʼomey huaknopo̱e̱ʼeritaj dakhueaʼ eʼkaʼ bokkahueaʼpo “huadakda moʼe̱ne,” monaʼpo moʼdurugpakikaʼne kenpaʼti nogda nogda huadakda mogkikaʼne.
Adán huakkuruda Diostaj nigpe̱e̱hueʼ o̱ʼu̱yate. Jesucristoanayo Diostaj oʼnigpe̱e̱po moʼnopoʼyarikaʼne.
Oroʼomey Jesucristotaj huaknopo̱e̱ʼeri konig eʼbueyonig dakhueaʼ kahueʼdik o̱ʼi̱kaʼne. Jesucristoere oʼnoikaʼpo huadakyoʼ oʼkikaʼne.
Aʼnen kenpaʼda dakhueaʼ oʼkikaʼuynigʼa huadakaʼ kikahueʼdik e̱ʼe̱a̱da oynayo Jesucristotaj oknopo̱e̱po dakhueaʼ kikahueʼ o̱ʼe̱po Jesucristotaj oʼnigpe̱i̱kaʼne.
Ettoneʼen hua̱to̱e̱ eʼbueydeʼte nogtaj to̱e̱pakdik o̱ʼe̱po huabo hua̱to̱e̱ʼtaj nigpe̱i̱kaʼdik o̱ʼe̱. Ken konig Jesucristotaj oknopo̱e̱depo onteʼti Moisésenbaʼtaj nigpe̱i̱kahueʼdik o̱ʼe̱po Jesucristotayoʼda oʼnigpe̱i̱kaʼne.
Moisésenbaʼ nigpe̱i̱kahueʼdik o̱ʼe̱po dakhueaʼ huakaʼeri o̱ʼe̱ne Moisésenbaʼa moʼnopo̱e̱a̱ʼuyne.
Diosen Noki̱re̱ga̱ moʼnopoʼto̱e̱nok Diosen ʼuruaʼda kikaʼdik o̱ʼi̱kaʼapet.
Paiʼnanada eʼnopoʼunhuahuaʼpiʼ Cristoa boʼtihuapokaponok boʼteyyaʼaponok oknopo̱e̱po batikhueʼda Diosen ʼuruaʼda oʼkikaʼapone.
Israel aratbuttaj Diosa oʼbaktieʼeaʼuyate.
Diosa dakhueaʼ eʼkaʼ bokkahueʼpo Israel aratbuta Jesucristotaj eknopo̱e̱ʼtaʼ pakhueʼ o̱ʼnikaʼ.
Suhueʼtada Israel aratbuttaj aʼmanopoʼyareayaʼpo aʼmanoeanhuahuikayaʼpo Diosa diʼ oʼmaepo oʼmatinepahuiʼpo oʼbaktieʼeaʼuyate.
Nog aratbuttaj Diosa dakhueaʼ eʼkaʼ oʼbakkahueaʼpo oʼmanoeanhuahuikaʼapo.
Israel aratbuttaj Diosa dakhueaʼ eʼkaʼ oʼbakkahueaʼpo oʼmanopoʼyareaʼpo oʼmanoeanhuahuikaʼapo.
Diostayoʼda monʼnigpe̱i̱kaʼpo mogkikaʼ.
Cristotaj oknopo̱e̱po Diosen ʼuruaʼnanada mogkikaʼ.
Nog huamaʼbuy nogpaʼda kikaʼdik o̱ʼne eʼmatinopo̱e̱ʼada dakhueʼ o̱gkikaʼ bahuaahueʼ moʼnikaʼ.
Huamaʼbuytaj dakhueaʼ tokahueʼ a̱ʼe̱ya̱ʼpo dakaʼ monʼnopo̱e̱po huadakyoʼ mogkikaʼ.
Huamaʼbuy nogi̱ti kanoknopo̱i̱keʼpo monʼbatihuapokikaʼ. Oroʼenda oʼpakpo kikahueʼ moʼnikaʼ.
“Yanʼnopoʼkoreaʼ Cristotaj yanoknopo̱e̱ʼ.” Pablo Cristoen huataʼmoneria judío ehueʼ hua̱e̱ʼeritaj oʼmanbatiaʼpakikaʼuyate.
Romayo ijhuaʼapoy, Pabloa oʼnopo̱e̱ʼuyate.
Saludos oʼmanigdiktaʼmonaʼuyate.
Diostaj Jesucristotaere dakiti moʼdaʼikaʼ Pabloa oaʼuyate.

© 2008 WBT