12
1 Na yami kayowiikomerowana gabudaridiye,
na kami berabera wawayina konoghotaboga,
muriye da piropiro gabudaridi sinapiika bi bodu sinapiika
na noko raghanine konawona bo
“Yawa kata geiyamiise kamoghana,”
2 muriye da noko raghanina na gabudara, matu
da kewokewo yeghanidi sinarusowa tami biiyadi,
bi kiyara uuwadi dumadumadi gemeyani sinanaghotaveyanana,
3 raghanina bare koyakoyagha sinakiroro* Mmkona miiba sisiyina wawaya tubuyina yisisiyeni raghanina inamorabana, bi
tomotomogha maragasidi sinaturayoudi,† Mmkona wawaya kayena yimiibeyeni,
raghanina gudaguda‡ Mmkona wawaya nighona yimiibeyeni, siniraborabobo basuna toudi gepeyaridi, bi
nokodi kitawiiverama§ Mmkona wawaya matana yimiibeyeni, sinakitakita na sinarusowa.
4 Tainam sinapotepoteyana
da kwaritu kedae gekunawaiyanana.
Tami kate gerubana da parawa kana gudaguda kwarituna konawaiyaneni,
bi bada gerubana manu gamodi kenama sinakasikasi wiimatakim bi kunawaiyana.
5 Tami gawara kiidamo kirakiidi konanagharedi,
bi kedae pepewa na sinikumakumararayina.
Raghanina almond** Almond touna kii tana bi Isrel kubure yagogogo bi yanunu raghanidiye na yapopo da poepoena. kiina yapopona;
bi tatata tounamani yatayinakwaro mayeni - miimiikiidigha yatete yanagho,
bi wiina tupadi na sinamomogha.
Kiiravine wawaya na sanono yadi wiiyawiitaveyana gawarina makewaghawaghasine,
wasina bi nama kedae na duudu inaghaaghari iiyawogha sirabobo na kiiravidiye.
6 Bi kwaro silvama siberana inatamoyaragha,
bi kaboma gouldma beraberana inagawowori;
bi kiyabu wusire makamakena inatamogawowora;
bi kwaro doguve yarororoga na inatamoyaragha;
bo wil doguve inatamorika.
7 Bi popoku sinaveramagha sinidobodobo mema sipiikana,
bi yawa yawiina na inaveramagha God biidi, iiyabo iveredana.
8 Abawiiyeveveyana iwona da, “Sawara tupadi basudi gegha,
parapa basudi gegha!”
God metagha iwonemina naboni kobera
9 Abawiiyeveveyana na geakakovina kawagha bi gegha da touna nonowa wawaya bada akowa kiiravine iyiiyevevedi. Touna wona kayowiiwiiyaka igirumeyana da yadi wiisuwona ikabirubatabatadi bi iriri yapoyaporidi. 10 Abawiiyeveveyana ivimatipo da sisiya waghata iyabanana bi iyagiruma da wiisuwona iyimaghatara yapori.
11 Wawaya nuwagiura kirakiina yana sisiya na ware kii gamgamna naboni meko sip bodaboda sakabi da sip situwiitetedina, bi yadi wonawiiyoyowana na ware kii ere tutuna gamgamna damone meko amama sarouwiimasiyeni yayowogha na naboni. 12 Iikatayim natugu, kuberawiimasi da wiiyeveveyana mududi gwabidima kumiiritaveyana. Buka girumidi na getana meme damodina, bi akowa kabikirakiiyenina na inabera da tubuyim inamameyeni.
13 Mmkodi bera murine,
na sawara tanagha anawoneni:
God kumararayenina bi yana sisiya bagibagidi kunakabisisiredi,
basuna wawaya situbugha na mmkodi bera tupadi kiiravidiye.
14 Sawara tupadi taberabera na kiiravidiye, God kate inageghomiiri da initupawamiwamireda,
memeda miisena bo berona,
bo meboda wiikowoye bera situbugha na kiiravidiye.
*12:3: Mmkona miiba sisiyina wawaya tubuyina yisisiyeni raghanina inamorabana,
†12:3: Mmkona wawaya kayena yimiibeyeni,
‡12:3: Mmkona wawaya nighona yimiibeyeni,
§12:3: Mmkona wawaya matana yimiibeyeni,
**12:5: Almond touna kii tana bi Isrel kubure yagogogo bi yanunu raghanidiye na yapopo da poepoena.