8  Bada, Moses kurina i sisiya i wona, “Pipiya au Tabernacle sina bowai kata yauku kamosi yai yabata kana mana. 9 Niko Tabernacle kona bowai wai sawarina ereonowana mekabage ani beyim wai nanakasike kona wosei.”

10 “Pipiya ke kinanisi, kata acacia keyaminai Bidamanina Maragasina Dedewagina sina bowai, ana veoroma 110 cm rubana, ba ana nabanaba 66 cm rubana, ba ana kaidagima wai 66 cm rubana. 11 Ereonowana kamona ba kupuna gold wata kona pasi koni subibiri. 12 Kapi asi bata gold yai ko kapuni ba ko wosei kata, ruwamo kaena sepinai ba yebo ruwamo sepinai koi karapasipasi. 13 Ba pawo acacia keyaminai ko wosei ba gold yai ko pasibibiri. 14 Bidamanina Maragasina Dedewagina kabarina kairavina wai pawo koi tupasusurana ku kapi kamona ba kona kabari. 15 Nikosi pawo kapi kamonai sina mana wai kega meyana kona botavetaveyana. 16 Au bi damanina maragasina akimai a kiruma wai, ba ana berimi wai ku Bidamanina Maragasina Dedewagina ku kamona ko terei.

17 Ba piragagoyo pupuna taveyina gawarina kana sowo wai, gold yai wata, kona wosei, ana veoroma 110 cm rubana, ba ana nabanaba 66 cm rubana. 18 Cherubim* Cherubim wai aba koyakoyaga aneaneya. ruwamo gold yai ko gudai ba kana sowo pusirisi yai ko taura.* Hebrews 9:5 19 Ba cherubim kesana sowona damonai ko terei, ba yebo kesana sepinai ko terei. Kata sowo ba cherubim sina wosei wai kesanina. 20 Ba mapemapesiyai sina sowoi ba sina bo papari. Kosi sini nao bereyana ba sini genara ku piragagoyo pupuna taveyina kana ku sowo. 21 Ba kaobiyiyibana maragasina dedewagina kana sowo ai ke kasi tawani ba au bi damanina maragasina akimisi ana berim wai ku kamona ki uwani. 22 Ba namai ana pananim ba au kaotunetune maragasina ereonowana ana berim Israel biyisi kairavisi.”