4
Pita ko Jon Judan kotɨn iti
1 Lu 22:4, 22:52 Luk 22:4; 22:52Pita ko Jon gumazamizibav gɨavɨra itima, ofa gamir gumaziba ko Godɨn Dɨpenimɨn garir gumazibar gumazir dapanim ko Sadyusiba, me izava aning bato.* Godɨn Dɨpenimɨn garir gumazibar ekiam, a ofa gamir gumazir mam. A Livain gumaziba, a me gativagha men garima, me Godɨn Dɨpenimɨn mɨriamɨn ingara bizibar gara polismanɨn ingangarim gami. 2 Mt 22:23, Ap 23:8 Matyu 22:23; Aposel 23:8Egha me fo, Pita ko Jon Iesus aremegha ua dɨkavizir bizir kamɨn gun gumazamizibav gei. Kamaghɨn amizɨ, gumazir dapanibar naviba aning bagha bar ikufi. 3 Egha me Pita ko Jonɨn agharimning suiragha aning kot darɨghasava amima, amɨnim pɨri. Kamaghɨn amizɨ, me aning sel gatɨzɨ aning ikia ghua amɨmzaraghan. 4 Ap 2:41 Aposel 2:41Ezɨ gumazamizir avɨriba akar kam baregha nɨghnɨzir gavgavimɨn an iti. Egha Kraisɨn adarazir dɨbobonim bar ekevegha ghua 5,000ɨn boroghɨn tu.
Me Pita ko Jon kot gatɨ
5 Egha amɨmzaraghan Judan gumazir ekiaba ko Judabar gumazir aruaba ko Judan Arazibagh fozir gumaziba, me Jerusalemɨn uari akuvagha iti.† Gumazir okoruar pumuning ko mɨkezim, me uari akufa. Egha me Judabar Kaunselbar mɨn iti. Egha men ingangarim kamakɨn, me Judabar dabirabim gativagha egha men gari. 6 Anas, ofa gamir gumazibar dapanim, a uaghan iti, ezɨ Kaiafas ko Jon ko Aleksanda ko ofa gamir gumazibar dapanimɨn adarazir gumazir igharaziba, me uaghan iti. 7 Mt 21:23, Ap 7:27 Matyu 21:23; Aposel 7:27Egha me mɨkemezɨ, gumaziba Pita ko Jon inigha men damazibar izezɨ, me maghɨram aningɨn azangsɨsi, “Gua gavgavir manam inigha, tinan ziamɨn gua bizir kabagh ami?”
8 Mt 10:19-20 Matyu 10:19-20Ezɨ Godɨn Duam Pita gizɨvazɨma, a kamaghɨn me mɨgei, “Ia Judan gumazir ekiaba ko Judabar gumazir aruaba! 9 Ia ti gumazir suer kurar ga akurazir kam bagha gan azangsɨgh, egha ti uaghan foghasa, gumazir kam a manmaghɨn dera. 10 Ap 2:24, 3:6, 3:13-16 Aposel 2:24; 3:6; 3:13-16Eghtɨ ia ko Israelɨn itir darasi, ia bar moghɨra bizir kam gɨfogh! Kar Nasaretɨn gumazim Krais Iesusɨn ziamɨn, gumazir ian damazibar tughav itir kam ua dera. Gumazir kam a Iesus, ia a inigha ter ighuvim gafuzɨ, an aremezɨ God a gamizɨ a ua dɨkafi.‡ Gumazir okoruar kam, Judabar Kaunselba, merara Pailat (Romɨn gavman faragha zuir gumazim) mɨgɨa ghaze, a Iesus mɨsueghtɨ an ovengegh. Nɨ Luk 22:66--23:5ɨn gan. Egha Iesus ovengegha gɨvazɨ, me gumazamiziba nɨghnɨzir gavgavimɨn an ikian me aghua. 11 Sng 118:22, Ais 28:16, Mt 21:42 Onger Akaba 118:22; Aisaia 28:16; Matyu 21:42Ezɨ Iesus:
“ ‘Kar dɨpenir akɨnir ingangarir gumaziba aghuazim,
a datɨrɨghɨn dɨpenim aterir guarim gava.’
12 Mt 1:21, Ap 10:43 Matyu 1:21; Aposel 10:43“Nguazir kamɨn gumazitam en akuraghan kogham, bar puvatɨ. Iesusɨn ziamra e akurvazir aghuim iniam. A uabɨra, en Akurvazir Gumazim.”
13 Egha me Pita ko Jonɨn garima aning bar gavgavighav atiatir puvatɨgha me mɨgeima, me aningɨn ganighava fo, aning sure gamizir puvatɨ. Aning pura gumazir kɨnimning. Egha me aningɨn gara dɨgavir kuram gamigha ghaze, gumazir kamning Iesus koma arui. 14 Egha me gumazir faragha suer ikuvizimɨn gari, a Jon ko Pita, ko tughav itima, me bizitam mɨkɨman asa.
15 Kamaghɨn amizɨ, me akar gavgavimra aning ganɨngizɨma, aning Judan kotɨn dɨpenim ategha zuima, me aning bagha akam mɨsosi. 16 Jo 11:47, Ap 3:9-10 Jon 11:47; Aposel 3:9-10Egha me uarir azangsɨsi, “E manmaghɨn gumazir kamning damuam? Jerusalemɨn itir gumazamiziba, fo, aning mirakelɨn bar ekiam gami. Eghtɨ e kamaghɨn mɨkɨman kogham, bizir kam guizbangɨra otozir puvatɨ. 17 E kamaghɨn aghua, gumazamizir igharaziba bizir kam baraghan kogham. Egh e akar bar gavgavimra aning danightɨ, aning ua Iesusɨn ziamɨn gun bar tav mɨkɨman kogham.”
18 Ap 5:28, 5:40 Aposel 5:28; 5:40Egha me ua aningɨn diazɨma aning aven ghuzɨ, me akar gavgavimɨn aning mɨgɨa ghaze, gua uamategh Iesusɨn ziamɨn gun mɨkɨmɨva gumazitabar sure damuan bar markɨ.
19-20 Aposel 5:29 Aposel 1:8; 22:15; 1 Jon 1:1-3Ezɨ Pita ko Jon men akam ikaragha mɨgei, “Ga uaning ganighava oraghizir bizibar ghuangsɨghan kogham, ga dar gun mɨkɨmvɨra ikiam. Ia uari nɨghnɨgh, arazir manam Godɨn damazimɨn dera, ga Godɨn akam baragham, o ga ian akam baragham?”
21-22 Gumazir Pita ko Jon Godɨn gavgavimɨn amizir derazim, a 40plan azenibagh afira. Gumazamiziba uari bizir kabar gari da otivizɨ, kamaghɨn me Godɨn ziam fe. Kamaghɨn amizɨ, gumazir dapaniba ivezir kuram aning danɨngasa pura nɨghnɨsi, me manmaghɨn aning damuam. Egha me atiatir mɨgɨrɨgɨaba ko mɨgɨrɨgɨar gavgavir maba uam aning gamigha aning amadazɨ aning zui.
Nɨghnɨzir gavgavim Iesusɨn itir darazi God ko mɨgei
23 Ezɨ Judan kotɨn aven itir gumaziba Pita ko Jon ataghizɨma aning azenim girɨgha uamategha uan adarazi bagha ghu. Egha aning ofa gamir gumazir ekiaba ko Judabar gumazir aruaba aning mɨkemezir akabar gun uan adarazi bar me mɨkeme. 24 Kis 20:11, Neh 9:6, Sng 146:6 Ua Me Ini 20:11; Nehemia 9:6; Onger Akaba 146:6Ezɨ me kamaghɨn oregha uari akuvagha God ko mɨgei. Me kamaghɨn mɨgei, “En Ekiar en garim, nɨ overiam ko nguazimɨn ingarigha, ongarim sara ingari, egha dar itir biziba sara, bar dar ingari. 25 Onger Akaba 2:1-2Fomɨra nɨn Duam akar mam en ovavim Devit, a nɨn ingangarir gumazim, nɨ akar kam a ganɨngi. Ezɨ Devit kamaghɨn mɨkeme:
“ ‘Ezɨ Kantrin Igharazibar Gumazamiziba tizim bagha atari?
Egha me tizim bagha arazir kurabar amuasava akabav sosi?
26 Ezɨ nguazir kamɨn itir atriviba me mɨsoghasava ami.
Ezɨ gumazir ekiaba uari inigha Ekiam mɨsoghasa.
Egha uaghan God Uam E Iniasa Mɨsevezir Gumazim mɨsoghasa.’
27 Mt 27:1-2, Mk 15:1, Lu 23:1, 23:7-11, Jo 18:28-29, Ap 3:13 Matyu 27:1-2; Mak 15:1; Luk 23:1; 23:7-11; Jon 18:28-29; Aposel 3:13“Bar guizbangɨra, Herot ko Pontius Pailat, Israelɨn gumaziba, ko Kantrin Igharazibar Gumazamiziba sara, me Jerusalemɨn nguibamɨn uari akuvagha arazir kurabar Godɨn ingangarir gumazir zuezim, Iesus damuasava akabav sosi. A gumazir nɨ fomɨra uan ingangarim bagha inabazim. 28 Ap 2:23, 3:18 Aposel 2:23; 3:18Nɨ fomɨram otivasa mɨkemezir biziba, me nɨn gavgavim ko nɨn nɨghnɨzimɨn gɨn ghua dagh ami. 29 Ap 9:27, 13:46, 19:8, Ef 6:19 Aposel 9:27; 13:46; 19:8; Efesus 6:19Ezɨ Ekiam, nɨ atiatir akar me e ganɨngizibagh nɨghnɨgh. Egh nɨ en akuraghtɨma e tugh gavgavigh atiatingan kogh nɨn akam akunam. 30 Egh nɨ uan dafarim arɨmariar gumazamizibar arɨghtɨ me ghuamagham. Egh nɨ mirakelba ko dɨgavir kuram gamir arazibar amutɨ da Iesusɨn ziamɨn otivam, a nɨn ingangarir gumazir bar zuezim.”
31 Ap 2:4, 4:29, 16:26 Aposel 2:4; 4:29; 16:26Egha me Afeziam ko mɨkemegha gɨvazɨma, danganir me itim ivazvazima, Godɨn Duam bar moghɨra me gizɨvazɨ, me atiatir puvatɨgha Godɨn akam akuri.
Nɨghnɨzir gavgavim Iesusɨn itir darazi uan bizibar uarir akurvasi
32 Ap 2:44-45, 2 Ko 13:11, 1 Pi 3:8 Aposel 2:44-45; 2 Korin 13:11; 1 Pita 3:8Egha nɨghnɨzir gavgavim Iesusɨn itir darasi, me bar navir vamɨra ko nɨghnɨzir vamɨra iti. Men tav uabɨra uan bizitam gamir puvatɨ, me uari inighava biziba bar moghɨra dagh ami. 33 Ap 1:8, 1:22, 2:45-47 Aposel 1:8; 1:22; 2:45-47Egha aposelba Godɨn gavgavir ekiamɨn amodoghɨn, Ekiam Iesus aremegha ua dɨkavizir bizir kamɨn gun gumazamizibav gei. Ezɨ Godɨn apangkuvir ekiamra me ko iti. 34-35 Aposel 2:45Ezɨ kamaghɨn, men tav bizitamɨn otevezir puvatɨ. Ezɨ gumazamizir nguaziba ko dɨpeniba itiba, me da amaga dar dagɨaba inigha iza aposelbagh anɨdima, me da isava gumazamizir biziba puvatɨzibar akurvasi.
36 Ap 11:22-26, 13:2-3 Aposel 11:22-26; 13:2-3Gumazir mam Josep, a Livain gumazim. Ezɨ aposelba Barnabas a garɨsi. An mɨngarim kamaghɨn ghu, gumazamizibar akurvagha gavgavim me ganɨdir gumazim. Barnabas, a Saiprusɨn Arighatɨzimɨn gumazim. 37 A uan nguazir mam amadagha, an dagɨaba inigha aposelbagh anɨngi.
4:1: Lu 22:4, 22:52
4:1: Luk 22:4; 22:52
*4:1: Godɨn Dɨpenimɨn garir gumazibar ekiam, a ofa gamir gumazir mam. A Livain gumaziba, a me gativagha men garima, me Godɨn Dɨpenimɨn mɨriamɨn ingara bizibar gara polismanɨn ingangarim gami.
4:2: Mt 22:23, Ap 23:8
4:2: Matyu 22:23; Aposel 23:8
4:4: Ap 2:41
4:4: Aposel 2:41
†4:5: Gumazir okoruar pumuning ko mɨkezim, me uari akufa. Egha me Judabar Kaunselbar mɨn iti. Egha men ingangarim kamakɨn, me Judabar dabirabim gativagha egha men gari.
4:7: Mt 21:23, Ap 7:27
4:7: Matyu 21:23; Aposel 7:27
4:8: Mt 10:19-20
4:8: Matyu 10:19-20
4:10: Ap 2:24, 3:6, 3:13-16
4:10: Aposel 2:24; 3:6; 3:13-16
‡4:10: Gumazir okoruar kam, Judabar Kaunselba, merara Pailat (Romɨn gavman faragha zuir gumazim) mɨgɨa ghaze, a Iesus mɨsueghtɨ an ovengegh. Nɨ Luk 22:66--23:5ɨn gan. Egha Iesus ovengegha gɨvazɨ, me gumazamiziba nɨghnɨzir gavgavimɨn an ikian me aghua.
4:11: Sng 118:22, Ais 28:16, Mt 21:42
4:11: Onger Akaba 118:22; Aisaia 28:16; Matyu 21:42
4:12: Mt 1:21, Ap 10:43
4:12: Matyu 1:21; Aposel 10:43
4:16: Jo 11:47, Ap 3:9-10
4:16: Jon 11:47; Aposel 3:9-10
4:18: Ap 5:28, 5:40
4:18: Aposel 5:28; 5:40
4:19-20: Aposel 5:29
4:19-20: Aposel 1:8; 22:15; 1 Jon 1:1-3
4:24: Kis 20:11, Neh 9:6, Sng 146:6
4:24: Ua Me Ini 20:11; Nehemia 9:6; Onger Akaba 146:6
4:25: Onger Akaba 2:1-2
4:27: Mt 27:1-2, Mk 15:1, Lu 23:1, 23:7-11, Jo 18:28-29, Ap 3:13
4:27: Matyu 27:1-2; Mak 15:1; Luk 23:1; 23:7-11; Jon 18:28-29; Aposel 3:13
4:28: Ap 2:23, 3:18
4:28: Aposel 2:23; 3:18
4:29: Ap 9:27, 13:46, 19:8, Ef 6:19
4:29: Aposel 9:27; 13:46; 19:8; Efesus 6:19
4:31: Ap 2:4, 4:29, 16:26
4:31: Aposel 2:4; 4:29; 16:26
4:32: Ap 2:44-45, 2 Ko 13:11, 1 Pi 3:8
4:32: Aposel 2:44-45; 2 Korin 13:11; 1 Pita 3:8
4:33: Ap 1:8, 1:22, 2:45-47
4:33: Aposel 1:8; 1:22; 2:45-47
4:34-35: Aposel 2:45
4:36: Ap 11:22-26, 13:2-3
4:36: Aposel 11:22-26; 13:2-3