8
1 Ap 7:58, 8:4, 11:19, 22:20 Aposel 7:58; 8:4; 11:19; 22:20Ezɨ Sol uaghan ikia bizir kamɨn ganigha ghaze, a dera.
Sol Kraisɨn adarazi pazavɨra me gami
Me Stiven mɨsoghezɨ dughiamɨn gɨn, me Jerusalemɨn itir Kraisɨn adaraziv sogha, arazir kurabar me gami. Kamaghɨn amizɨ, Kraisɨn adarazi bar ara Judian Distrik ko Samarian Distrighɨn ghue. Ezɨ aposelbara Jerusalemɨn iti. 2 Ezɨ gumazir God baghavɨra itiba, me Stivenɨn kuam isa mozim gatɨgha a bagha puvɨrama azi. 3 Aposel 9:1; 9:13; 9:21; 22:4-5; 26:9-11; 1 Korin 15:9; 1 Timoti 1:13Ezɨ Sol Kraisɨn adarazigh asɨghasɨghavɨra ikia, egha vaghvagha men dɨpenibar ghua gumazamiziba isa, me kurvagha ghua kalabus garɨsi.
Aposelba Akar Aghuim Judian Distrik ko Samarian Distrighɨn anekuragharui
(Sapta 8:4--12:25)
Filip Samarian Distrighɨn
Akar Aghuim akuri
Akar Aghuim akuri
4 Mt 10:23, Ap 6:5, 11:19 Matyu 10:23; Aposel 11:19Ezɨ gumazamizir areziba, me Akar Aghuim nguibar me itibar anekuri. 5 Ezɨ Filip Samarian Distrighɨn aven itir nguibar mamɨn ghua, God Uam E Iniasa Mɨsevezir Gumazim, Kraisɨn akam akuri. 6 Ezɨ gumazamizir okoruaba an akaba baragha, uan damazibar an amir mirakelbar gara, kuariba arigha bar deraghavɨra a barasi. 7 Mt 10:1, Mk 16:17 Matyu 10:1; Mak 16:17Me Filipɨn garima a duar kurar gumazamizibagh apazaziba batozima, da pamtem diava arava me ataghɨragha azenan izi. Ezɨ gumazamizir agharir amɨriziba ko suer kurar avɨriba, uaghan ua dera. 8 Kamaghɨn amizɨ, nguibar kamɨn gumazamiziba bar akonge.
Kukunir gumazim Saimonɨn eghaghanim
9 Gumazir mam an ziam Saimon, a fomɨra Samarian nguibamɨn ikia mirakelɨn ifavarir kurabagh amima, Samarian gumazamiziba an ganigha nɨghnɨzir avɨribagh ami. A kamaghɨn mɨgei, “Kɨ gumazir ekiam.”
10 Ezɨ gumazir ekiaba ko gumazamizir kɨniba, me Saimonɨn akam baraghasa ifonge. Egha me kamaghɨn mɨgei, “Kar aser gavgavim, an ziam Gavgavir Bar Ekiam, a Saimonɨn iti.” 11 A dughiar avɨribar mirakelɨn ifavarir kurabagh ami da otivi me dar garava, nɨghnɨzir avɨribagh ami. Bizir kam bagha, me an akam baraghasa ifongegha an gɨn arui. 12 Egha datɨrɨghɨn Filip, a God Bizibagh Ativir Arazimɨn Akar Aghuim ko Krais Iesusɨn ziam sara kuri. Kamaghɨn amizɨ, gumazamiziba nɨghnɨzir gavgavim Filipɨn akamɨn ikiava, me rue. 13 Ezɨ Saimon uaghan nɨghnɨzir gavgavim ikia egha rue. Egha Saimon Filipɨn gɨn arua garima, Filip arazarazir ekiaba ko mirakelbagh amima da otifi, ezɨ a dɨgavir kuram gami.
14 Ezɨ Jerusalemɨn itir aposelba orazima, Samarian gumazamiziba Godɨn akam inigha gɨfa, kamaghɨn amizɨ, me Pita ko Jon amadazɨ aning me bagha ghu. 15-16 Matyu 28:19; Aposel 2:38; 10:48; 19:2Samarian gumazamiziba, me Ekiam Iesusɨn ziamɨn ruegha Godɨn Duam inizir puvatɨ. Kamaghɨn amizɨ, Pita ko Jon ghua otogha, me Godɨn Duam iniasa me bagha God ko mɨgei. 17 Ap 6:6, 19:6, Hi 6:2 Aposel 6:6; 19:6; Hibru 6:2Aning God ko mɨkemegha, uan dafariba me gisɨn arɨzima me Godɨn Duam isi.
18 Ezɨ Saimon gari, aposelning uan dafariba me gisɨn arɨzima me Godɨn Duam isi. Ezɨma a dagɨaba inigha aning ganɨga, kamaghɨn mɨgei, 19 “Gua gavgavir kam uaghan na danɨngigh. Eghtɨ kɨ uan dafarim tav gisɨn datɨghtɨ, a uaghan Godɨn Duam iniam.”
20 Mt 10:8, Ap 2:38, 10:45 Matyu 10:8; Aposel 2:38; 10:45Ezɨ Pita kamaghɨn Saimon mɨgei, “Nɨ ghaze, nɨ dagɨaba ga danɨngigh, egh tuavir kamɨn God anɨngizir bizir aghuim givezam. Bar puvatɨ! Bizir kam bagh nɨ uan dagɨaba sara helɨn mangam. 21 Sng 78:37 Onger Akaba 78:37Nɨn navir averiam Godɨn damazimɨn derazir puvatɨ. Kamaghɨn amizɨ, nɨ Godɨn ingangarimɨn aven ikian kogham. 22-23 Daniel 4:27; 2 Timoti 2:25; Hibru 12:15Kɨ nɨn garima, nɨ navim ikufi, egha uaghan arazir kuraba nɨn ike. Kamaghɨn amizɨ, nɨ navim giragh arazir kuraba ateghɨva, Ekiam ko mɨkɨm. Eghtɨ a ti nɨghnɨzir kurar nɨn navir averiamɨn itiba gɨn amadagham.”
24 Kis 8:8, Nam 21:7, 1 Kin 13:6, Je 5:16 Ua Me Ini 8:8; Dɨboboniba 21:7; 1 Atriviba 13:6; Jems 5:16Ezɨ Saimon an akam ikaragha ghaze, “Gua na bagh Ekiam ko mɨkɨmtɨma, bizir gua mɨkemeziba na bativan kogham.”
25 Ezɨ Pita ko Jon Ekiam aningɨn akurvaghizir bizibar gun mɨgɨava, an akam akuri. Egha aning uamategha Jerusalemɨn ghua, Akar Aghuim Samarian Distrighɨn nguibar avɨribar anekura zui.
Filip Akar Aghuimɨn
Itiopian gumazim mɨgei
Itiopian gumazim mɨgei
26 Ekiamɨn ensel kamaghɨn Filipɨn mɨgei, “Nɨ Sautɨn zuir tuavimɨn mangɨ, tuavir kam Jerusalem ategha ghuaghira Gazan nguibamɨn oto. Tuavir kam gumazamiziba puvatɨzir danganimɨn iti.” 27-28 Aisaia 56:3-7; Sefanaia 3:10; Jon 12:20Ezɨ Filip maghɨra dɨkavigha zui, a tuavir arɨzimɨn Itiopian gumazir mam bato. A gumazir dapanim, a Itiopian Atrivir Amizim Kandasɨn dagɨabar garir gumazim. Gumazir kam Jerusalemɨn ghugha Godɨn ziam fegha uamategha izi. Egha a karis gaperagha, Godɨn akam inigha izir gumazim, Aisaian akɨnafarimɨn gari.
29 Ezɨ Godɨn Duam Filip mɨgei, “Nɨ mangɨva karisɨn munamɨn boroghɨn ikɨ.”
30 Ezɨ Filip ivegha karisɨn boroghɨn ghugha Itiopian gumazim barazima, a Godɨn akam inigha izir gumazim Aisaian akɨnafarimɨn gari. Ezɨ Filip an azara, “Nɨ garir akɨnafarir mam nɨ a gɨfoz, o puvatɨ?”
31 Jo 16:13 Jon 16:13Ezɨ Itiopian gumazim a ikaragha ghaze, “Kɨ manmaghɨn fogham? Tav na gegharaghtɨ, kɨ fogham.”
Egha a Filip mɨgɨa ghaze, “Nɨ izɨvanang na ko daperagh.”
“A mati sipsipɨn nguzim uan akam dukuazɨ,
me a mɨsueghtɨ an aremeghasa a inigha zui.
Egha uaghan mati sipsip me an arɨziba aghorasava amima,
a bizitam mɨgeir puvatɨ.
Kamaghɨra gumazir kam, me a mɨsoghasava amima,
a pura nɨmɨra ikia bizitam mɨgeir puvatɨ.
Ezɨ me guizɨn arazim oteghavkɨnigha puram a isa
kalabus gatɨgha, a inigha kotɨn ghu,
ezɨ kot a mɨgɨa ghaze, an aremegham.
Kamaghɨn amizɨ, a boriba puvatɨ,
ezɨ tina an gun me geghanam?
Me an ikɨrɨmɨrim agɨvazɨ,
a ua nguazimɨn itir puvatɨ.”
34 Egha Itiopian gumazim Filipɨn azara, “Ga uaning, nɨ na mɨkemegh, Godɨn akam inigha izir gumazim, a tinan gun mɨgei? A uabɨn gun mɨgei, o a gumazir igharazimɨn mɨgei?” 35 Lu 24:27, Ap 18:28 Luk 24:27; Aposel 18:28Ezɨ Filip dɨkavigha Godɨn Akɨnafarimɨn aven akar kamra an mɨngarimɨn mɨgɨa ghua, egha Iesusɨn Akar Aghuimɨn gun a mɨgei.
36-37 Ap 10:47 Aposel 10:47Me tuavimɨn ghua, dɨpar mam bato. Egha Itiopian gumazim kamaghɨn mɨgei, “Nɨ gan, dɨpam kara. Kɨ datɨrɨghɨra ruasa, bizir tizitam ua nan suigham?”* Fofozir gumazir maba kamaghɨn nɨghnɨsi, akar otevir igharazir mam uaghan kagh iti. Filip kamaghɨn mɨgei, “Nɨ guizbangɨra uan navimɨn aven nɨghnɨzir gavgavim ikɨtɨ, kɨ nɨ ruam.” Ezɨ Itiopian gumazim kamaghɨn mɨgei, “Kɨ nɨghnɨzir gavgavim Krais Iesusɨn iti, a Godɨn Otarim.” 38 Egha Itiopian gumazim karisɨn suizir gumazim mɨgeima, a karis gamizɨma a tu. Ezɨ Filip ko Itiopian gumazim dɨpamɨn ghuaghirɨgha, Filip a rue. 39 1 Kin 18:12, 2 Ki 2:16, Ese 3:12-14 1 Atriviba 18:12; 2 Atriviba 2:16; Esekiel 3:12-14Aning dɨpamɨn ikegha azenan izezɨ, Ekiamɨn Duam zuamɨra Filip inigha ghu. Ezɨ Itiopian gumazim ua Filipɨn garir puvatɨ, egha tuavimɨn ghuava bar akonge. 40 Ap 21:8 Aposel 21:8Ezɨ Filip gari, a Azotusɨn nguibamɨn oto. Egha ghua, nguibaba bar dar Akar Aghuim akura ghua Sisarian oto.
8:1: Ap 7:58, 8:4, 11:19, 22:20
8:1: Aposel 7:58; 8:4; 11:19; 22:20
8:3: Aposel 9:1; 9:13; 9:21; 22:4-5; 26:9-11; 1 Korin 15:9; 1 Timoti 1:13
8:4: Mt 10:23, Ap 6:5, 11:19
8:4: Matyu 10:23; Aposel 11:19
8:7: Mt 10:1, Mk 16:17
8:7: Matyu 10:1; Mak 16:17
8:15-16: Matyu 28:19; Aposel 2:38; 10:48; 19:2
8:17: Ap 6:6, 19:6, Hi 6:2
8:17: Aposel 6:6; 19:6; Hibru 6:2
8:20: Mt 10:8, Ap 2:38, 10:45
8:20: Matyu 10:8; Aposel 2:38; 10:45
8:21: Sng 78:37
8:21: Onger Akaba 78:37
8:22-23: Daniel 4:27; 2 Timoti 2:25; Hibru 12:15
8:24: Kis 8:8, Nam 21:7, 1 Kin 13:6, Je 5:16
8:24: Ua Me Ini 8:8; Dɨboboniba 21:7; 1 Atriviba 13:6; Jems 5:16
8:27-28: Aisaia 56:3-7; Sefanaia 3:10; Jon 12:20
8:31: Jo 16:13
8:31: Jon 16:13
8:32-33: Ais 53:7-8
8:32-33: Aisaia 53:7-8
8:35: Lu 24:27, Ap 18:28
8:35: Luk 24:27; Aposel 18:28
8:36-37: Ap 10:47
8:36-37: Aposel 10:47
*8:36-37: Fofozir gumazir maba kamaghɨn nɨghnɨsi, akar otevir igharazir mam uaghan kagh iti. Filip kamaghɨn mɨgei, “Nɨ guizbangɨra uan navimɨn aven nɨghnɨzir gavgavim ikɨtɨ, kɨ nɨ ruam.” Ezɨ Itiopian gumazim kamaghɨn mɨgei, “Kɨ nɨghnɨzir gavgavim Krais Iesusɨn iti, a Godɨn Otarim.”
8:39: 1 Kin 18:12, 2 Ki 2:16, Ese 3:12-14
8:39: 1 Atriviba 18:12; 2 Atriviba 2:16; Esekiel 3:12-14
8:40: Ap 21:8
8:40: Aposel 21:8