27
Me Iesus inigha Pailat bagha zui
(Mak 15:1; Luk 23:1-2; Jon 18:28-32)
1 Lu 22:66 Luk 22:66Ezɨ amɨnim dutuzɨma ofa gamir gumazir ekiaba ko Judabar gumazir aruaba Iesus mɨsueghtɨ an aremeghasa akabar kɨri. 2 Egha me gɨn senbar a ike, egha a inigha ghua Romɨn gavmanɨn gumazir ekiam Pailatɨn agharim gatɨ.* Pailat Romɨn gumazim. Romɨn gavman Judan atrivimɨn anetɨ. Judaba uari Iesusɨn mɨsueghan kogham. Romɨn gavmanra gumazibav soghtɨma da arɨmɨghiram. Kamaghɨn Judaba Iesus inigha Pailat bagha ghu. Nɨ Jon 18:31ɨn gan.
Judasɨn ovevem
(Aposel 1:18-19)
3 Mt 26:14-15 Matyu 26:14-15Ezɨ Judas, gumazir Iesus isava apanibar agharim gatɨzim, a garima me paza Iesus gamuava a isa kotiam garɨgha ghaze, an aremegham. Ezɨ Judas gara ghaze, kɨ uabɨ arazir kuram gami. Egha uan nɨghnɨzibagh ira. Egha dagɨar silvan 30plan ofa gamir gumazir ekiaba ko Judabar gumazir aruaba a ganɨngiziba inigha ua me danɨngasa zui. 4 Egha ua kamaghɨn mɨgei, “Kɨ Godɨn damazimɨn arazir kuram gami. Gumazir kɨ ian dafaribagh atɨzim, arazir kuratam gamizir puvatɨ. Ezɨ ia purama a mɨsueghtɨ an aremegham.”
Ezɨ me an akam ikaragha kamaghɨn mɨgei, “Kar en bizim puvatɨ. Nɨn bizimra.” 5 2 Sml 17:23Ezɨ Judas dagɨar silvan kaba isa Godɨn Dɨpenim avɨnizir dɨvazimɨn aven da kunigha ghua uabɨ guragha areme.
6 Ezɨ ofa gamir gumazir ekiaba, dagɨar silvan kaba inigha ghaze, “Dagɨar kaba, gumazir ghuzimɨn ivezim. E fo, Moses Osirizir Araziba ghaze, e da isɨ ofa gamir dagɨaba sara dar arɨghan kogham.” 7 Egha me akam mɨsuegha dagɨar kaba inigha ghua Mɨnebar Ingangarir Gumazimɨn Nguazim givese. Me ghaze, nguazir otevir kam, gumazir saghon izezibar afamin matmatiamɨn otogham. 8 Kamaghɨn amizɨ, nguazir otevir kam, me ziar kam “Ghuzir Nguazim,” a gatɨ. Ezɨ me dughiar kamɨn ikegha iza, datɨrɨghɨn, nguazir kam me ziar kamra a garɨgha iti.† Mɨgɨrɨgɨar otevir kam “me dughiar kamɨn ikegha iza, datɨrɨghɨn, nguazir kam me ziar kamra a garɨgha iti,” an en dughiam mɨgeir puvatɨ. A Matyu akar kaba osirizir dughiam mɨgei.
9 Jeremaia 32:6-15; Sekaraia 11:12-13Kamaghɨn amizɨ, Godɨn akam inigha izir gumazim Jeremaia mɨkemezir akaba guizɨn otifi. A kamaghɨn mɨgɨa ghaze, “Me 30plan silvan dagɨaba ini, kar Israelia gumazir kam givezasa atɨzir ivezim. 10 Egha Ekiam na mɨkemezɨ moghɨra, me dagɨar kabar Mɨnebar Ingarir Gumazimɨn Nguazim givese.”
Pailat Iesusɨn azai,
“Nɨ Judabar atrivim, o?”
“Nɨ Judabar atrivim, o?”
(Mak 15:2-5; Luk 23:3-5; Jon 18:33-38)
11 Mk 15:2, Lu 23:3, Jo 18:33, 18:37, 1 Ti 6:13 Mak 15:2; Luk 23:3; Jon 18:33; 18:37; 1 Timoti 6:13Ezɨ Iesus ghua gavmanɨn gumazir ekiam Pailatɨn damazimɨn tuzɨma Pailat kamaghɨn an azai, “Nɨ Judabar atrivim, o?”
Ezɨ Iesus ghaze, “Are, nɨ mɨkemezɨ moghɨra.” 12 Ais 53:7, Mt 26:63, Jo 19:9 Aisaia 53:7; Matyu 26:63; Jon 19:9Ezɨ ofa gamir gumazir ekiaba koma Judabar gumazir aruaba akar avɨriba isa Iesus gasi. Ezɨ a men akatam ikarvazir puvatɨ.
13 Kamaghɨn amizɨ, Pailat ua kamaghɨn an azai, “Me nɨ gasir akar avɨrir kaba, nɨ da barazi, o?” 14 Jo 19:9 Jon 19:9Ezɨ Iesus Pailatɨn akatam ikarvazir puvatɨ, ezɨ Pailat nɨghnɨzir avɨribagh ami.
Pailat Iesus isɨ ter ighuvimɨn
a gafughasa mɨgei
a gafughasa mɨgei
(Mak 15:6-15; Luk 23:13-25; Jon 18:38--19:16)
15 Azeniba bar, Romɨn gavmanɨn gumazir ekiam arazir kam gami, a isar ekiar kamɨn dughiamɨn, a kalabusɨn itir gumazitam ateghtɨ, an azenimɨn mangam. Kalabusɨn itir gumazir gumazamiziba ifongezir manam, Pailat a isɨ me bagh anemangam. 16 Ezɨ dughiar kamɨn gumazir arazir kurabar ziam itir mam, a kalabusɨn iti. An ziam Barabas. 17 Ezɨ gumazamizir avɨriba iza uari akufa, ezɨ Pailat kamaghɨn men azai, “Ia tina gifonge, eghtɨ kɨ ia bagh anetaghɨragham. Kɨ Barabas ataghɨragham, o Iesus, me a dɨbora ghaze, ‘Gumazir God Uam E Iniasa Mɨsevezim,’ kɨ anetaghɨragham?” 18 Jo 11:47-48, 12:19 Jon 11:47-48; 12:19Pailat fo, me Iesus amir biziba bagha naviba ikuvava, a inigha kotiamɨn ize, egha kamaghɨn men azai.
19 Egha Pailat uaghan kotiabagh amir dabirabimɨn aperaghav itima, an amuim a bagha akam amaga ghaze, “Kɨ dɨmangan irebamɨn arazir kuraba puvatɨzir gumazir kamɨn gani, egha bar oseme. Kamaghɨn, nɨ arazitamɨn a damuan markɨ.”
20 Ap 3:14 Aposel 3:14Ezɨ ofa gamir gumazir ekiaba koma Judabar gumazir aruaba, gumazamizir avɨrimɨn navibagh iniva ghaze, me Pailatɨn azangtɨ, a Barabas ategh, egh Iesus mɨsueghtɨ, an aremegham. 21 Ezɨ gavmanɨn gumazir ekiam ua men aza ghaze, “Ia gumazir manam gifonge, eghtɨ kɨ anetaghɨragham?”
Ezɨ gumazamiziba dɨa ghaze, “E Barabas gifonge.”
22 Ezɨ Pailat men azai, “Eghtɨ, Iesus me a dɨbora ghaze, ‘God Ua E Iniasa Mɨsevezir Gumazim,’ kɨ manmaghɨn a damuam?”
Ezɨ me bar dɨa ghaze, “A isɨ ter ighuvimɨn a gafugh!”
23 Ezɨ Pailat kamaghɨn men azara, “Manmagh su? An arazir kurar manam gami?”
Ezɨ me bar pamten dɨa ghaze, “A isɨ ter ighuvim gafugh!”
24 Lo 21:6-9, Mt 27:4 Godɨn Araziba 21:6-9; Matyu 27:4Ezɨ Pailat datɨrɨghɨn fo, me an akatam bareghan kogham. Egha a gari, mɨdorozir ekiam otivasava ami. Egha dɨpam inigha men damazibar uan dafariba rua ghaze, “Gumazir kamɨn ovevem, a nan osɨmtɨzim puvatɨ. Kar ian bizimra.”
25 Jos 2:19, 2 Sml 1:16, Mt 23:35, Ap 5:28 Josua 2:19; 2 Samuel 1:16; Matyu 23:35; Aposel 5:28Ezɨ gumazamiziba a ikarvagha ghaze, “An ovevemɨn osɨmtɨzim mar en ikɨ, egh en boribar ikɨ.”
26 Kamaghɨn amizɨ, Pailat me bagha Barabas ataki. Egha mɨdorozir gumazibav geima, me benibar Iesus ifozoroke. Egha gɨn a isa mɨdorozir gumazibar agharim gatɨ, eghtɨ me a isɨ ter ighuvim gafugham.
Mɨdorozir gumaziba Iesus dɨpofi
(Mak 15:16-20; Jon 19:2-3)
27 Ezɨ gavmanɨn gumazir ekiamɨn mɨdorozir gumaziba Iesus inigha, gavmanɨn dɨpenir ekiamɨn mɨriamɨn aven ghuzɨ, mɨdorozir gumaziba bar uari akuvazɨ, Iesus men tongɨn tughav iti. 28 Lu 23:11 Luk 23:11Egha me an korotiaba suegha, korotiar aghevir ruarir mam isa a garu. 29 Sng 69:19, Ais 53:3 Onger Akaba 69:19; Aisaia 53:3Egha me dɨkoniba itir beniba inigha atrivimɨn dapanir asuamɨn mɨn an ingarigha, an dapanim garu. Egha fidizir mam isava an agharir guvim gatɨzɨ, an an suira. Ezɨ me tevibar apɨra a dɨpova ghaze, “Judabar Atrivim, nɨrara atrivir ekiam!”‡ Mɨdorozir gumaziba Iesus dɨpovasa atrivimɨn mɨn an adiarim gami. Dughiar kamɨn, atriviba kamaghɨn adiaribagh ami, me korotiar agheviba aghuava atrivibar dapanir asuaba azui. Egha me atrivibar dabirabibagh apia uaghan uan difizibar suisi. 30 Ais 50:6, Mt 26:67 Aisaia 50:6; Matyu 26:67Egha me a giparava a suirazir fidizim inigha an dapanim mɨsosi. 31 Ais 53:7 Aisaia 53:7Me arazir kabar a gamua a dɨpovegha gɨvagha, korotiar me a gaghuiziba suegha, uam ananaba a gaghui. Egha a isa ter ighuvim a gafughafughasa an akua zui.
Me Iesus isa ter ighuvim gafu
(Mak 15:21-32; Luk 23:26-43; Jon 19:17-27)
32 Ezɨ mɨdorozir gumaziba Iesus inigha, nguibar ekiam ategha ghua, Sairinian nguibamɨn gumazir mam bato. An ziam Saimon. Egha me a gakaghorima, a Iesusɨn ter ighuvim gisaghpu. 33 Egha me ghua danganir mamɨn otifi, an ziam Golgota. (Danganir kamɨn ziamɨn mɨngarim kamakɨn, Dapanir Agharir Danganim.) 34 Sng 69:21, Mt 27:48 Onger Akaba 69:21; Matyu 27:48Ezɨ me danganir kamɨn Iesus damasa me dɨpar anɨnganir mam wain sara a veregha, mam inigha Iesus ganɨdi. Ezɨ a muziarimram amegha puram anetaki. 35 Sng 22:18 Onger Akaba 22:18Ezɨ mɨdorozir gumaziba Iesus isa ter ighuvimɨn a gafu. Egha an korotiaba tuiragh uari danɨngasa satu gikararai. 36 Egha danganir kamɨn apiagha anesavsuisi. 37 Me an dapanim gisɨn, an kotim gamizir mɨgɨrɨgɨam osiri. Men osirizir akam ghaze, “Kar Iesus, a Judabar Atrivim.”
38 Ais 53:12 Aisaia 53:12Me gumazir okɨava mɨdorozibagh amizir pumuning, Iesusɨn boroghɨn uaghan aning agura. Me mav isa Iesusɨn agharir guvimɨn itir ter ighuvim gafu, egha mav isa agharir kɨriamɨn itir ter ighuvim gafu. 39 Sng 22:7, 109:25 Onger Akaba 22:7; 109:25Ezɨ gumazamiziba mangɨ izegh gamua Iesus dɨpova, uan dapaniba roa ghaze, 40 Mt 26:61, Jo 2:19 Matyu 26:61; Jon 2:19“Nɨ, gumazir Godɨn Dɨpenim akarigh aruer pumuning ko mɨkezimɨn uam an ingarasa mɨkemezim! Nɨ uabɨ uabɨn akuragh! Egh nɨ guizbangɨra Godɨn Otarim, nɨ ter ighuvim ategh izighirɨ.”
41 Ezɨ kamaghɨra ofa gamir gumazir ekiaba ko Judan Arazibagh fozir gumaziba ko Judabar gumazir aruaba izava a dɨpova ghaze, 42 Jo 11:50“A gumazir igharazibar akurvasi, egha uabɨ uabɨn akurvaghan ibura. A Israelian Atrivim, kamaghɨn a ter ighuvim ategh izighirɨ, eghtɨ e nɨghnɨzir gavgavim an ikiam. 43 Sng 22:8 Onger Akaba 22:8A nɨghnɨzir gavgavim Godɨn ikia, egha ghaze, kɨ Godɨn Otarim. Eghtɨ God guizbangɨra ifongiam an ikɨva, datɨrɨghɨn an akuraghtɨ, e ganika!” 44 Ezɨ kamaghɨra okɨmakɨar gumazir Iesusɨn boroghɨn ter ighuvimningɨn guraghav itimning, uaghan akar kabar a dɨpova a mɨgei.
Iesus areme
(Mak 15:33-41; Luk 23:44-49; Jon 19:28-30)
45 Ezɨ aruem iza pazaghar torim gatima, mɨtatem nguazimɨn itir nguibaba bar da avaragha ghua, dughiam 3 kloghɨn guaratɨzimɨn tu. 46 Sng 22:1, Hi 5:7 Onger Akaba 22:1Egha dughiam 3 kloghɨn boroghɨra izima, Iesus pamten kamaghɨn dei, “Eli, Eli, lama sabaktani?” Akar kamɨn mɨngarim kamakɨn, “Nan God, nan God, nɨ tizim bagha na ataki?”
47 Ezɨ roghɨra tuivighav itir darazi akar kam baregha ghaze, “Gumazir kam ti Elaijan dei.”
48 Sng 69:21 Onger Akaba 69:21Egha men mav zuamɨra ivegha ghua dɨpamɨn suizir bizir mam inigha wainɨn afangtɨzim isava a gatɨ. Ezɨ wain a gizɨvazɨma, an a isa aghorir mam gatɨ. Egha aneremasa a isa Iesusɨn amadi. 49 Ezɨ marazi mɨgɨa ghaze, “Ia tegh, e ganika, Elaija ti izɨva an akuragham, o puvatɨ.”
50 Ezɨ Iesus ua pamtem diagha uan duam suegha areme.
51 Kis 26:31-33, Mk 15:38, Lu 23:45, Hi 10:19-20 Ua Me Ini 26:31-33; 2 Eghaghaniba 3:14; Mak 15:38; Luk 23:45; Hibru 6:19; 10:19-20Ezɨ dughiar kamra, Godɨn Dɨpenimɨn guraghav itir inir ekiam pɨn ikegha tongɨra bigha, ghuaghira vɨn otogha akuar pumuning irɨ. Ezɨ mɨkɨmkɨzim otozɨma, dagɨar ekiaba bɨaghire. 52 Ezɨ matmatiaba kuaghirima, Godɨn gumazamizir avɨrir ariaghireziba ua dɨkavigha, 53 egha uan moziba ataki. Eghtɨ gɨn Iesus dɨkavightɨma, me nguibar ekiam Jerusalemɨn aven mangam. Eghtɨ avɨrir ekiam men ganam. 54 Ezɨ 100plan mɨdorozir gumazibar garir gumazir dapanir mam, uan mɨdorozir gumaziba ko, me garima mɨkɨmkɨzim otozɨma, arazir kaba otivima, me bar puvɨram atiati. Egha me kamaghɨn mɨgei, “Bar guizbangɨra, gumazir kam Godɨn Otarimra.” 55 Luk 8:2-3Amizir avɨriba uaghan izegha iti. Me Galilin Distrik ategha Iesusɨn akurvaghasa an gɨn ize. Amizir kaba mong saghon tuivighav ikia gari. 56 Mt 20:20 Matyu 20:20Men tongɨn, Makdalan nguibamɨn amizim Maria, ko Jems ko Josepɨn amebam Maria, ko Sebedin otarimningɨn amebam.
Me Iesusɨn kuam isa, dagɨar torim gatɨ
(Mak 15:42-47; Luk 23:50-55; Jon 19:38-42)
57 Ezɨ amɨnim pɨrasava amima, Arimatean nguibar ekiamɨn gumazir mam izi. An ziam Josep, a dagɨar avɨriba itir gumazim. 58 Lo 21:22-23 Godɨn Araziba 21:22-23A uaghan Iesusɨn suren gumazir mam. Egha Pailat bagha ghua Iesusɨn kuam iniasa an azai. Ezɨ Pailat mɨdorozir gumazibav kemezɨ, me Iesusɨn kuam isa Josep ganɨngi.
59 Ezɨ Josep a inigha inir ghurghurir aghuir mamɨn a rɨki. 60 Ais 53:9 Aisaia 53:9Egha an kuam inigha ghua, a isa ua bagha okorezir mozir igiam gatɨ. Egha Josep dagɨar ekiar mam poghpuegha ghua mozimɨn akam gasaragha, anepɨri. A kamaghɨn amigha ghu.
61 Ezɨ Maria, Makdalan nguibamɨn amizim, koma Marian igharazir mam, aning mozimɨn boroghɨn aperaghav ikia, an gara iti.
Mɨdorozir gumaziba mozimɨn gara iti
62 Ezɨ Sabat bagha bizibar kɨrir dughiam gɨfa, ezɨ an gɨn izir dughiamɨn ofa gamir gumazir ekiaba ko Farisiba Pailat bagha ghue.§ Kar Sabatɨn dughiamra. 63 Mt 12:40, 16:21, 17:23, 20:19, Mk 8:31, 9:31, 10:33-34, Lu 9:22, 18:31-33, Jo 2:19-21 Matyu 12:40; 16:21; 17:23; 20:19; Mak 8:31; 9:31; 10:33-34; Luk 9:22; 18:31-33; Jon 2:19-21Me ghuegha kamaghɨn a mɨgei, “Gumazir ekiam, e gumazir ifavarir kam ikia mɨkemezir mɨgɨrɨgɨar mam ginɨrɨ. A ghaze, ‘Aruer pumuning ko mɨkezim gɨvaghtɨma kɨ ua dɨkavam.’ 64 Kamaghɨn amizɨ, nɨ mɨkemeghtɨ, me mozim aruer pumuning ko mɨkezimɨn deragh anepɨrigh. Puvatɨghtɨma, an suren gumaziba an kuam okemegh, egh gumazamizibav kɨm suam, a ua dɨkafi. Eghtɨ an ifavarir akar kam, a faragha amizir ifavarir akam gafiragham.”
65 Dan 6:17 Daniel 6:17Ezɨ Pailat kamaghɨn me mɨgei, “Ia mangɨ, mɨdorozir gumaziba inigh me mɨkemeghtɨ, me mozimɨn gan ikɨ. Egh ia mangɨ, mozim apɨrasa ifongezɨ moghɨn, ia damuva, egh bar anepɨrigh.” 66 Dan 6:17 Daniel 6:17Ezɨ me ghua mozim apɨri. Egha ifevimɨn mɨn bizir mam mozir akam gighufa, egh me fogham, gumazitam dagɨam giraghan kogham. Egha mɨdorozir gumaziba arɨghizɨma, me mozimɨn gara iti.
27:1: Lu 22:66
27:1: Luk 22:66
*27:2: Pailat Romɨn gumazim. Romɨn gavman Judan atrivimɨn anetɨ. Judaba uari Iesusɨn mɨsueghan kogham. Romɨn gavmanra gumazibav soghtɨma da arɨmɨghiram. Kamaghɨn Judaba Iesus inigha Pailat bagha ghu. Nɨ Jon 18:31ɨn gan.
27:3: Mt 26:14-15
27:3: Matyu 26:14-15
27:5: 2 Sml 17:23
†27:8: Mɨgɨrɨgɨar otevir kam “me dughiar kamɨn ikegha iza, datɨrɨghɨn, nguazir kam me ziar kamra a garɨgha iti,” an en dughiam mɨgeir puvatɨ. A Matyu akar kaba osirizir dughiam mɨgei.
27:9: Jeremaia 32:6-15; Sekaraia 11:12-13
27:11: Mk 15:2, Lu 23:3, Jo 18:33, 18:37, 1 Ti 6:13
27:11: Mak 15:2; Luk 23:3; Jon 18:33; 18:37; 1 Timoti 6:13
27:12: Ais 53:7, Mt 26:63, Jo 19:9
27:12: Aisaia 53:7; Matyu 26:63; Jon 19:9
27:14: Jo 19:9
27:14: Jon 19:9
27:18: Jo 11:47-48, 12:19
27:18: Jon 11:47-48; 12:19
27:20: Ap 3:14
27:20: Aposel 3:14
27:24: Lo 21:6-9, Mt 27:4
27:24: Godɨn Araziba 21:6-9; Matyu 27:4
27:25: Jos 2:19, 2 Sml 1:16, Mt 23:35, Ap 5:28
27:25: Josua 2:19; 2 Samuel 1:16; Matyu 23:35; Aposel 5:28
27:28: Lu 23:11
27:28: Luk 23:11
27:29: Sng 69:19, Ais 53:3
27:29: Onger Akaba 69:19; Aisaia 53:3
‡27:29: Mɨdorozir gumaziba Iesus dɨpovasa atrivimɨn mɨn an adiarim gami. Dughiar kamɨn, atriviba kamaghɨn adiaribagh ami, me korotiar agheviba aghuava atrivibar dapanir asuaba azui. Egha me atrivibar dabirabibagh apia uaghan uan difizibar suisi.
27:30: Ais 50:6, Mt 26:67
27:30: Aisaia 50:6; Matyu 26:67
27:31: Ais 53:7
27:31: Aisaia 53:7
27:34: Sng 69:21, Mt 27:48
27:34: Onger Akaba 69:21; Matyu 27:48
27:35: Sng 22:18
27:35: Onger Akaba 22:18
27:38: Ais 53:12
27:38: Aisaia 53:12
27:39: Sng 22:7, 109:25
27:39: Onger Akaba 22:7; 109:25
27:40: Mt 26:61, Jo 2:19
27:40: Matyu 26:61; Jon 2:19
27:42: Jo 11:50
27:43: Sng 22:8
27:43: Onger Akaba 22:8
27:46: Sng 22:1, Hi 5:7
27:46: Onger Akaba 22:1
27:48: Sng 69:21
27:48: Onger Akaba 69:21
27:51: Kis 26:31-33, Mk 15:38, Lu 23:45, Hi 10:19-20
27:51: Ua Me Ini 26:31-33; 2 Eghaghaniba 3:14; Mak 15:38; Luk 23:45; Hibru 6:19; 10:19-20
27:55: Luk 8:2-3
27:56: Mt 20:20
27:56: Matyu 20:20
27:58: Lo 21:22-23
27:58: Godɨn Araziba 21:22-23
27:60: Ais 53:9
27:60: Aisaia 53:9
§27:62: Kar Sabatɨn dughiamra.
27:63: Mt 12:40, 16:21, 17:23, 20:19, Mk 8:31, 9:31, 10:33-34, Lu 9:22, 18:31-33, Jo 2:19-21
27:63: Matyu 12:40; 16:21; 17:23; 20:19; Mak 8:31; 9:31; 10:33-34; Luk 9:22; 18:31-33; Jon 2:19-21
27:65: Dan 6:17
27:65: Daniel 6:17
27:66: Dan 6:17
27:66: Daniel 6:17