9
Gumazim Godɨn guizɨn arazir bagha a mɨnabi
Devit ighiar kam osiri.
Gumazir onger akar kamɨn faragha zuim, a gumazamizibav kɨmtɨ, me Almut Labenɨn tiarimɨn gɨn mangɨ ighiar kam bangam.
1 O God, kɨ uan navir averiamɨn nɨ mɨnabaghasa.
Kɨ nɨ amir ingangarir aghuir kaba bagh gumazamizibav kɨmasa.
2  Onger Akaba 5:11; 83:18Kɨ nɨ gɨnɨghnɨgh nɨ bagh ongɨ
bar akuegham.
O Godɨn Bar Pɨn Itim, kɨ nɨ bagh ongɨ
egh ziar ekiam nɨ danɨngam.
 
3 Nan apaniba nɨn ganigha ara ghua,
nɨn damazimɨn daghiregha bar ariaghire.
4 Nɨ uan atrivir dabirabim gaperagha
guizɨn arazimɨn gumazamizibar araziba tuisɨsi.
Egha nan araziba guizɨn arazimɨn da tuisigha ghaze,
kɨ osɨmtɨziba puvatɨ.
5  Godɨn Araziba 9:14; Aghuzir Akaba 10:7Nɨ Kantrin Igharazibar Gumazamizibar araziba tuisigha gɨfa.
Gumazamizir kuraba, nɨ bar me gasɨghasigh men ziaba angarightɨ,
gumazamiziba me gɨnɨghnɨghan kogham.
6 Nɨ bar apanibagh asɨghasigha gɨfa,
eghtɨ me ikuvigh ikɨ mamaghɨra ikiam.
Men nguibar ekiaba sara, nɨ bar dagh asɨghasigha gɨfa,
eghtɨ gumazitam ua me gɨnɨghnɨghan kogham.
 
7  Onger Akaba 102:12; 102:26; Hibru 1:11Ezɨ Ikiavɨra Itir God zurara uan atrivir dabirabim daperaghav ikɨ mamaghɨra ikiam.
A guizɨn arazimɨn gumazamizibar araziba tuisɨgham.
8  Onger Akaba 96:13; 98:9A uan guizɨn arazir kabar gɨn ghua gumazamizibar araziba tuisɨsi.
A uan arazir aghuimɨn gumazamizibagh ativagha men gari.
9  Onger Akaba 37:39; 46:1; 91:2Ikiavɨra Itir God osɨmtɨziba itir gumazamiziba bagha
dɨpenir gavgavir mamɨn mɨn iti.
Eghtɨ apaniba osɨmtɨzibar anɨngamin dughiabar,
me an aven mangegh muegham.
10  Godɨn Araziba 31:6-8; Onger Akaba 37:25; 70:4; 91:14O Ikiavɨra Itir God, gumazamizir nɨ bagha iziba,
nɨ akɨrim giragha me gasir puvatɨ.
Kamaghɨn gumazamizir nɨ gɨfoziba,
me nɨghnɨzir gavgavim nɨn iti.
 
11  Onger Akaba 107:22Ikiavɨra Itir God, Saionɨn nguibamɨn ikia
uan atrivir dabirabim gaperaghav iti.
E a bagh ongɨva an ziam fam!
E Kantrin Igharazibar Gumazamizibar tongɨn ikɨ,
arazir an amizibar gun mɨkɨmɨva an ziam fam.
12  2 Samuel 4:11; Onger Akaba 9:18; 10:17; 22:24; 37:25; Aisaia 49:14-15; Hibru 13:5Ikiavɨra Itir God, gumazamizir mɨzaziba isiba, a me gɨnɨghnɨsi.
A me baragha uan kuarimning dukuir puvatɨ.
Gumazamizir arazir kurabar me gamiba,
a men arazir kuraba ikarvasi.
 
13 O Ikiavɨra Itir God, nɨ nan apangkufigh!
Apaniba na garɨzir osɨmtɨziba nɨ dar gan.
Kɨ bar ovengasava amir dughiabar,
nɨ nan akurvagha ua na isima kɨ deraghavɨra iti.
14  Onger Akaba 13:5; 20:5; 35:9Kamaghɨn amizɨ, nɨ na gamizir biziba,
kɨ bar dagh eghan nɨn ziam fam.
Nɨ ua na inizir bizim bagh, kɨ Saionɨn nguibamɨn tiar akamɨn tughɨv ikɨ,
bar akuegh an gun mɨkɨmam.
15  Onger Akaba 7:15; 94:23; Aghuzir Akaba 5:22; 26:27Kantrin Igharazibar Gumazamiziba en suighasa, nguazimɨn toribagh tui.
Egha me uari dagh iraghue.
Me en suighasa azuaziba guizɨ,
azuaziba merara suiki.
16  Ua Me Ini 14:31; Aghuzir Akaba 5:22Ikiavɨra Itir God, guizɨn arazimɨn gumazamiziba tuisɨzir dughiamɨn,
a uan arazir aghuim akakasi.
Gumazamizir kuraba, igharaz darazigh asɨghasɨghasa amir biziba
meraram asɨghasɨsi.
(Nɨ akar kam gɨnɨghnɨgh kuarimɨn aven bar aghumra ighiam damu.)
(Ighiam gamua an suiam
atugha avughsegha ua
ighiam gami.)
 
17  Jop 8:13; Onger Akaba 50:22Gumazamizir kuraba ko Kantrin Igharazibar Gumazamizir akɨrim ragha God gasaraziba,
me bar moghɨra mangɨ Gumazamizir Oveaghuezibar Nguibamɨn ikiam.
18  Onger Akaba 12:5; Aghuzir Akaba 23:18; 24:14Dughiabar zurara, God onganarazibagh amir gumazamizibagh nɨghnɨghavɨra iti.
Gumazamizir osɨmtɨziba itiba, me nɨghnɨzir gavgavim ikia kamaghɨn fo,
God men akurvagham.
A me ateghtɨ
me puram a mɨzuam ikian kogham.
19 O Ikiavɨra Itir God, nɨ dɨkavigh izɨ.
Nɨ nguazimɨn gumazamiziba ateghtɨ,
me gavgavigh nɨ gafiraghan markɨ.
Nɨ Kantrin Igharazibar Gumazamizibar amightɨ,
me nɨn kotɨn aven nɨn damazimɨn tuifigh.
Egh nɨ guizɨn arazimɨn men araziba tuisɨgh.
20  Onger Akaba 62:9; Aisaia 31:3; Esekiel 28:2O Ikiavɨra Itir God, nɨ me damightɨ me bar atiatingigh.
Nɨ Kantrin Igharazibar Gumazamiziba kamaghɨn me damightɨ,
me bar fogh suam me gavgaviba puvatɨ,
me pura bizir kɨniba.
(Ighiam gamua an suiam
atugha avughsegha ua
ighiam gami.)

9:2: Onger Akaba 5:11; 83:18

9:5: Godɨn Araziba 9:14; Aghuzir Akaba 10:7

9:7: Onger Akaba 102:12; 102:26; Hibru 1:11

9:8: Onger Akaba 96:13; 98:9

9:9: Onger Akaba 37:39; 46:1; 91:2

9:10: Godɨn Araziba 31:6-8; Onger Akaba 37:25; 70:4; 91:14

9:11: Onger Akaba 107:22

9:12: 2 Samuel 4:11; Onger Akaba 9:18; 10:17; 22:24; 37:25; Aisaia 49:14-15; Hibru 13:5

9:14: Onger Akaba 13:5; 20:5; 35:9

9:15: Onger Akaba 7:15; 94:23; Aghuzir Akaba 5:22; 26:27

9:16: Ua Me Ini 14:31; Aghuzir Akaba 5:22

9:17: Jop 8:13; Onger Akaba 50:22

9:18: Onger Akaba 12:5; Aghuzir Akaba 23:18; 24:14

9:20: Onger Akaba 62:9; Aisaia 31:3; Esekiel 28:2

© 2020 PBT