30
Gumazir mam God mɨnaba a ko mɨgei
Devit onger akar kam osiri.
Me onger akar kam banga egha Godɨn Dɨpenim a baghavɨrama a ginaba.
1 O Ikiavɨra Itir God, nan osɨmtɨziba na abɨrazɨ,
nɨ ua na fegha anabogha nan akura.
Egha nan apaniba ataghizɨ me na dɨpovezir puvatɨ.
Kamaghɨn amizɨ, kɨ bizir kam bagha bar akuegha nɨn ziam fe.
2 Onger Akaba 6:2; 88:13; 103:3O Ikiavɨra Itir God, nɨ nan God,
kɨ uabɨn akurvaghasa nɨn dei,
ezɨ nɨ nan arɨmariam gamizɨ kɨ ua dera.
3 Onger Akaba 28:1; 86:13O Ikiavɨra Itir God, kɨ atam aremeghai, ezɨ nɨ na gamizɨ kɨ ua dɨkafi.
Kɨ Gumazamizir Oveaghuezibar Nguibamɨn ghugha gɨfa.
Ezɨ ikɨrɨmɨrir kɨ itir kam, nɨ ua na ganɨngi.
4 Ua Me Ini 3:15; Onger Akaba 135:13; 149:1Ia Ikiavɨra Itir Godɨn gumazamiziba, ia a bagh onger akabar amu
an ziar bar zuezim fɨ.
Egh bizir an amizibagh nɨghnɨgh a mɨnabɨ.
5 Onger Akaba 103:9; Aisaia 26:20; 2 Korin 4:17Guizbangɨra, a en atarir adariba, da dughiar otevimra iti.
Ezɨ dughiar e nguazir kamɨn itimɨn,
a uan navim sara e gifongegha deragha e gami.
Dɨmangan en temeriba iregham,
egh amɨmzaraghan e deragh ikɨ bar akuegham.
6 Jop 29:18; Onger Akaba 10:6; 62:2; 62:6Kɨ deragha ikia ghaze,
“Bizitam na munamadaghan kogham.”
7 O Ikiavɨra Itir God, nɨ uan navim sara na gifongegha deragha na gamizɨ,
kɨ mati mɨghsɨar mam tugha gavgafi.
Nɨ nan modozir dughiamɨn,
kɨ bar puvɨrama atiati.
8 O Ikiavɨra Itir God, kɨ nɨ ko mɨgɨa
pamten nɨn dia nɨn azai.
Ekiam, nɨ nan akuragh.
9 Kɨ oveghtɨ bizir aghuir tizitam otogham?
Kɨ ti dagɨar torimɨn magɨrɨghtɨ, bizir kam tinan akuragham?
Gumazamizir oveaghueziba me ti ua nɨn ziam fam?
Me ti ua dɨkavigh mɨkɨm suam, nɨ me mɨkemezɨ moghɨra zurara nɨ me bagha deragha bizibagh ami?
Bar puvatɨgham.
10 O Ikiavɨra Itir God, nɨ na baregh nan apangkufigh.
O Ikiavɨra Itir God, nɨ nan Akurvazir Gumazimɨn ikɨ!
11 Fofozir Gumazim 3:4; Aisaia 20:2; Jeremaia 31:13Nɨ nan navir osɨmtɨzim batoghezɨ
kɨ bar akuegha ighiabagh ami.
Kɨ faragha azirakar korotiaba aghui,
ezɨ datɨrɨghɨn nɨ nan azirakar korotiaba suegha,
nan azirakam oteghavkɨnizɨ nan navim derazɨ kɨ bar akonge.
12 Ikiavɨra Itir God, kɨ uan akam dukuaghan kogham.
Kɨ uan navir averiamɨn onger akabar amu egh nɨn ziam fam.
Egh zurara nɨ mɨnabɨvɨra ikiam.