Akɨnafarir namba 2
42
(Onger Akaba 42--72)
Gumazim uan nguibam ategha saghon ikia God ko mɨgei
Kar Koran adarazir onger akam.
A gumazir onger akar kamɨn faragha zuim gɨnɨghnɨgha onger akam osiri.
Me onger akar kam kamagh a dɨbori, Maskil.
1 Onger Akaba 119:131Asɨzir atiam dɨpatam amasa ariaghira ivemara daghurir muziaribar uaghiri moghɨn,
O God, kɨ nɨn boroghɨn ikiasa bar ifonge.
2 Onger Akaba 42:11; 43:5; 63:1; 143:6O God, nɨ Godɨn Angamɨra Itim, kɨ nɨ bagha kuarim bar puvɨra nan pɨri,
mati gumazim kuarim an pɨrizɨ a dɨpatam amasa.
God, dughiar manamra kɨ bar nɨn boroghɨra mangɨ
egh nɨn ziam fam?
3 Onger Akaba 80:5Kɨ zurara arueba ko dɨmagaribar aziavɨra iti,
ezɨ nan temeriba mati nan dagher kɨ zurarama apim.
Dughiabar zurara gumazamiziba nan azangsɨgha ghaze,
“Nɨn God managh iti?”
4 1 Samuel 1:15; Onger Akaba 95:2; 100:4; Aisaia 30:29Kɨ fomɨra gumazamizir avɨrimɨn faragha ghua
me inigha Godɨn Dɨpenimɨn aven ghu.
Kɨ me ko zuir dughiamɨn,
gumazamizir avɨrir kam Godɨn ziam fa a mɨnabava pamten tiariba akara onger akabagh ami.
Kɨ bizir kabagh nɨghnɨgha egha nan navim bar moghɨra biaghɨrɨ.
5 Onger Akaba 9:1; 38:6; Matyu 26:38Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme?
Kɨ osɨman kogham.
Kamaghɨn dera, kɨ ua nɨghnɨzir gavgavim Godɨn ikɨva, uam an ziam fam.
Nan God, a nan Akurvazir Gumazim.
6-7 Onger Akaba 69:1-2; 88:7; Jona 2:3Nan God, kɨ orazi osɨmtɨziba aperiamɨn mɨn afora na bagha izi.
Mati dɨpav sɨzim Jordanɨn Fanem ko Hermon ko Misan mɨghsɨamningɨn ikegha afora nɨga izaghiri.
Ongarir konim, ongarir bar konezimɨn diava a mɨgei.
Ezɨ dɨpar dagɨabar zaghiriba nɨgɨnir dafam gami.
Nɨ ongarim gamima, a dɨkava dɨpɨraghira,
ghua bar ongarir dadaribar ghuavanadi.
Kamaghɨra, osɨmtɨzir nɨ na ganɨdir kaba,
mati dɨpav sɨziba iza na mɨsogha na ave.
8 Onger Akaba 16:7; 57:3; 63:6; 149:5Kɨ kamaghsua ifonge, Ikiavɨra Itir God aruemɨn nan apangkuvtɨ,
kɨ dɨmagaribar a bagh onger akabar amuva a ko mɨkɨmam.
A Godɨn ikɨrɨmɨrir aghuim na ganɨdim.
9 God, a dagɨar ekiamɨn mɨn gavgavim na ganɨdi,
ezɨ kɨ kamaghɨn a mɨgei,
“Nɨ manmaghsua na gɨnɨghnɨzir puvatɨ?
Nɨ manmaghsua nan apaniba ataghizɨ me na abɨrazɨ,
nan navir averiam bar na baseme?”
10 Dughiabar zurara nan apaniba na dɨpova nan azangsɨgha ghaze,
“Nɨn God a managhɨra iti?”
Ezɨ men azangsɨzir kam afuzimɨn mɨn nan mɨkarzim ginivima,
kɨ aremeghasava ami.
11 Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme?
Kɨ osɨman kogham.
Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam.
Nan God, a nan Akurvazir Gumazim.