59
Gumazim apaniba a gasɨghasɨghan koghasa, God ko mɨgei
Devit ighiar kam osiri. Atrivim Sol, Devit mɨsueghtɨ an aremeghasa, gumazir maba amangizɨ me an dɨpenimɨn zui. Ezɨ dughiar kamɨn, Devit ighiar kam osiri.
Gumazir ighiabar faragha zuim a gumazamizibav kɨmtɨ, me tiarir kamɨn gɨn mangɨ ighiar kam bangam, “Gumazitam gasɨghasɨghan markɨ.”
Onger akar kabar mam, me ziam Miktam, a garɨsi.
1 1 Samuel 19:11O nan God, nɨ nan apanibar dafaribar ua na inigh.
Egh deragh nan gantɨ, me na gasɨghasɨghan kogham.
2 Nɨ gumazir arazir kurabagh amibar dafarimɨn ua na inigh.
Nɨ gumazir na gasɨghasɨgh na mɨsueghtɨ kɨ aremeghamibar dafaribar ua na inigh.
3 Nɨ gan, gumazir kurar mɨsoziba na mɨsueghtɨ kɨ aremeghasa,
uari akuvagha zuamɨra ghua uan danganibar mueghav ikia na bagha gari.
O Ikiavɨra Itir God, kɨ arazir kuratam gamizir puvatɨ.
4 Guizbangɨra, kɨ osɨmtɨziba puvatɨ.
Ezɨ me na mɨsoghasa ivemara ghua uan danganibar ikia, na bagha gara iti.
Nɨ uan danganim ategh dɨkavigh izɨ nan gan nan akuragh.
5 O Ikiavɨra Itir Godɨn Gavgaviba Bar Itim, nɨ Israelian God.
Nɨ dɨkavigh zuamɨra izɨ ivezir kuram isɨ Kantrin Igharazibar Gumazamizibar anɨng.
Gumazir uan namakaba isa apanibar dafaribagh arɨziba,
nɨ men apangkuvan markɨ, nɨ bar me gasɨghasɨkigh.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
6 Me dɨmagaribar ua nguibar ekiamɨn izegha,
afiabar mɨn aroava nguibamɨn azenan arui.
7 Nɨ men akar otuariba baragh,
men mɨgɨrɨgɨaba mati mɨdorozir sabamɨn mɨn bar ghumi.
Me ghaze, “Tina e baregham.”
8 O Ikiavɨra Itir God, nɨ dɨbovir akabar gumazir kurar kabav kɨmɨva,
Kantrin Igharazibar Gumazamiziba bar men ingarvakɨ.
9 Onger Akaba 9:9O God, nɨrara nɨ gavgavim na ganɨga deragha nan gari.
Nɨrara nɨ nan danganir mogomem.
Kamaghɨn, Kɨ nɨ baghavɨra gara iti.
10 Nan God apangkuvim nan iti, a izɨ nan akuragham.
A nan apaniba abɨnamin dughiam, a nan amamangatɨghtɨ,
kɨ ikɨ men gantɨ, a me gasɨghasɨgham.
11 O God, nɨ me mɨsueghtɨ me arɨmɨghiran markɨ.
Kɨ kamaghɨn aghua, nan gumazamiziba bizir nɨ amir kam bakɨnɨghnigham.
Nɨ uan gavgavimɨn me abɨnigh egh pura tintinibar me aghamsɨkigh.
Ekiam, nɨ en oramɨn mɨn itima, e nɨn aven modi.
12 Me zurara arazir kurabar amusɨ mɨkɨm uari fɨtɨ,
nɨ azuazim asɨzimɨn suirazɨ moghɨn men suiragh.
Me nɨn ziam akar kurabar a mɨgɨa egha zurara ifari.
13 Kamaghɨn amizɨ, nɨ uan anɨngagharim men akagh me mɨsueghtɨ me arɨmɨghiregh.
Nɨ men tav ateghtɨ a ikian markɨ, nɨ bar me kuavaremegh.
Nɨ kamaghɨn damightɨ, nguazimɨn gumazamiziba bar fogham,
nɨ Jekopɨn ovavibar God.
Nɨ uaghan nguazimɨn gumazamiziba bar men atrivim.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
14 Me dɨmagaribar ua nguibar ekiamɨn izegha,
afiabar mɨn aroava nguibamɨn azenan arui.
15 Me afiabar mɨn, damɨsɨ dagheba buri daru, egh damegh izɨvaghan kogh,
me puvɨra dapurɨva arangam.
16 2 Samuel 22:3; Onger Akaba 46:1; 88:13Osɨmtɨzir bar avɨriba faragha na bativizɨ, nɨ nan dɨvazimɨn mɨn iti.
Kɨ nɨn aven modogha itima nɨ bar deragha nan gari.
Kamaghɨn, kɨ mɨzarazibar vaghvagh nɨn gavgavim ko apangkuvir arazim gɨnɨghnɨgh,
ighiabar amu nɨn ziar ekiam fam.
17 Onger Akaba 59:9-10O God, nɨrara nɨ gavgavim na ganɨga deragha nan gari.
Nɨrara nɨ nan danganir mogomemɨn mɨn ikia,
egha bar nan apangkufi.
Bizir kaba bagha,
kɨ ighiam bangɨ nɨn ziam fasa.