94
God gumazamiziba tuisɨgh, gumazamizir kuraba abɨnigh, gumazamizir aghuibar akuragham
1 Aisaia 35:4; Nahum 1:2; Rom 12:19Ikiavɨra Itir God, nɨ gumazamizir kurabar araziba ikarvazir God.
Nɨ datɨrɨghɨn uan anɨngagharim men akagh.
2 Nɨ gumazamizibar amightɨ me nɨn kotiamɨn tuivam.
Nɨ datɨrɨghɨn gumazir akaba batozibar arazim ikarvagh,
ivezir kuram me danɨng.
3 Jop 20:5; Onger Akaba 13:2O Ikiavɨra Itir God, dughiaba manmaghɨn ikiavɨra iti,
ezɨ gumazamizir kurar kaba uan arazir kuraba bagha bar akonge?
4 Gumazamizir kuraba akaba batogha, uan arazir kuraba bagha bar akonge.
Me amir arazir kaba bagha uarira uari fe.
5 O Ikiavɨra Itir God,
me osɨmtɨziba nɨn gumazamizibagh arɨgha me abɨri.
6 Me paba ariaghirezir amiziba ko,
borir afeziaba ariaghireziba ko,
Kantrin Igharazibar Gumazamizir en nguazimɨn itibav sozima,
me ariaghire.
7 Me ghaze,
“Ikiavɨra Itir God en garir puvatɨ.
E amir bizir kaba, Jekopɨn God mɨghɨgha dagh nɨghnɨzir puvatɨgha
dar garir puvatɨ.”
8 Ia gumazamizir nɨghnɨzir aghuiba puvatɨziba,
ia oregh deragh fogh.
Ia bar gumazir onganiba,
ia manadɨzoghɨn fofozitam ikiam?
9 Ua Me Ini 4:11; Aghuzir Akaba 20:12God en kuaribar ingari.
God oragham ti, o puvatɨgham?
God en damazibar ingari.
God uabɨ ganam ti, o puvatɨgham?
10 Jop 35:11; Onger Akaba 44:2; Aisaia 28:26A uabɨ kantriba bar dar gumazamizibagh ativagha
men gara men sure gami.
A me akɨram o, puvatɨgham?
11 Jop 11:11; 1 Korin 3:20Ikiavɨra Itir God, a bar gumazamizibar nɨghnɨzibagh fo.
Bizir me damuasa nɨghnɨziba, an a dagh fogha gɨfa.
Da mɨgharimɨn mɨn zuamɨra mangɨgh, otivan kogham.
12 Jop 5:17; Aghuzir Akaba 3:11; 1 Korin 11:32; Hibru 12:5O Ikiavɨra Itir God,
nɨ uan Akar Gavgavimɨn gumazitamɨn sure damightɨ,
gumazir kam bar akuegham.
13 Nɨ kamaghɨn damigh avughsazim a danigham.
Eghtɨ osɨmtɨziba a bativan kogh mangɨ,
gumazamizir kuraba arɨmɨghiregh mozimɨn magɨregham.
14 1 Samuel 12:22; Rom 11:1-2Bar guizbangɨra, Ikiavɨra Itir God uan gumazamiziba ateghan kogham.
An akɨrim ragh me gasaraghan kogham.
15 Gɨn, gumazamiziba kotɨn dughiamɨn guizbangɨra mɨkɨmam.
Eghtɨ gumazamizir Godɨn damazimɨn deraziba,
me kotiamɨn mɨgɨrɨgɨar aghuibar gɨn mangam.
16 Tinara nan akuragha gumazamizir kuraba dɨkabɨra?
Tinara nan akuragha
arazir kurabagh ami da otivir gumazamiziba batoke?
17 God zuamɨra nan akurazir puvatɨzɨ,
kɨ ti fomɨra matmatiam giraghughai.
18 Onger Akaba 38:16Kɨ kamagh nɨghnɨgha ghaze,
“Nan dagarim apɨghsighizɨ, kɨ datɨrɨghɨn irɨgham.”
Puvatɨ.
Ikiavɨra Itir God bar nan apangkuvigha nan suirazɨ,
kɨ arazir kuramɨn irɨzir puvatɨ.
19 Kɨ bizir avɨribagh nɨghnɨgha nan navim osemezir dughiamɨn,
nɨ nan navim gamizɨ
a bar akongegha amɨragha iti.
20 Gumazamizir kurar kaba, gumazamiziba arazir kurabar amuasa, me bagha akar gavgaviba akɨri.
Nɨ gumazir kamaghɨn amiba ko ingarir puvatɨ.
21 Me uari akuva gumazir aghuibav soghtɨ me arɨmɨghirasa akabav sosi.
Me gumazir arazir kurabagh amir puvatɨziba, pura me isa kotiabar arɨgh,
me mɨsoghtɨ me arɨmɨghirasa.
22 Onger Akaba 59:9; 62:2; 62:6Ikiavɨra Itir God, a nan akurvaghasa bar gavgafi.
Nan God dagɨamɨn mɨn iti,
ezɨ kɨ an aven modima, a nan akurvasi.
23 Apaniba arazir kurar bar avɨribagh ami,
ezɨ a men arazir kurar kaba ikarvagham.
Ikiavɨra Itir God, en God, a men arazir kurabagh nɨghnɨgh,
me mɨsoghtɨ me arɨmɨghiregham.
94:1: Aisaia 35:4; Nahum 1:2; Rom 12:19
94:3: Jop 20:5; Onger Akaba 13:2
94:9: Ua Me Ini 4:11; Aghuzir Akaba 20:12
94:10: Jop 35:11; Onger Akaba 44:2; Aisaia 28:26
94:11: Jop 11:11; 1 Korin 3:20
94:12: Jop 5:17; Aghuzir Akaba 3:11; 1 Korin 11:32; Hibru 12:5
94:14: 1 Samuel 12:22; Rom 11:1-2
94:18: Onger Akaba 38:16
94:22: Onger Akaba 59:9; 62:2; 62:6