97
God an atrivir bar ekiam
1 Ikiavɨra Itir God, an atrivimɨn iti.
Nguazimɨn itir gumazamiziba, ia bar akueghtɨ,
arighatɨzibar itir gumazamiziba,
ia dɨmɨva bar akongegh.
2 Overiar mɨgharir pɨziba an okarizɨ,
an arazir aghuimɨn gumazamizibagh ativagha men gari.
3 Apanir a gasɨghasɨghasava amiba, avim an faragha ghua
men isia me gasɨghasɨki.
4 An onɨmaribar angazangaribagh ami,
da nguazimɨn taghtazima,
nguazim nɨghava agoi.
5 Ikiavɨra Itir God, a nguazir kamɨn God.
A izima, mɨghsɨaba pura amera uaghira dɨpabar mɨn otifi.
6 Overiam uabɨ, kamaghɨn akam akura ghaze,
“God arazir aghuibaram ami.”
Ezɨ gumazamiziba bar an angazangarim ko gavgavimɨn gari.
7 Ua Me Ini 20:4; Godɨn Araziba 5:8; 27:15; Jeremaia 10:14; Jems 2:19Gumazamizir marvir guabar ziaba feba bar aghumsɨki.
Aseba teviba apɨrigh Ikiavɨra Itir Godɨn ziam fam.
8 Saionɨn nguibamɨn itir gumazamiziba, bizir kam barasi.
Judan nguibabar itir gumazamiziba, nɨn kotiar arazir aghuir kam bagh
bar akuegh, men naviba deragham.
9 Ua Me Ini 18:11; Onger Akaba 83:18; 95:3; 96:4O Ikiavɨra Itir God, Nɨ Godɨn Bar Pɨn Itim,
nɨ nguazimɨn gumazamiziba bar me gativagha men gari.
Nɨ ziar ekiam ikia, bar asebagh afira.
10 Arazir kurabar aghuazir gumazamiziba, Ikiavɨra Itir God bar me gifonge.
Gumazamizir a baghavɨra itiba, a men apaniba da ua me inigha,
me geghuva deragha men gari.
11 God angazangarim isa gumazamizir aghuibagh anɨga,
me gamizɨ men naviba bar akonge.
12 Gumazamizir aghuiba, ia bizir Ikiavɨra Itir God amiba bagh, bar akongegh.
Ia bizir kabagh nɨghnɨgh a mɨnabagh.
Ia an ziar zuezir aghuim gɨnɨghnɨgh,
a pɨrafɨ.