1 ܐܲܚܘܿܢܘܵܬܹ̈‌ܐ، ܐܲܚܬܘܿܢ ܟܹܐ ܝܵܕܥܝܼܬܘܿܢ ܕܐܬܵܝܬܲܢ ܠܟܸܣܠܵܘܟ݂ܘܿܢ ܠܹܐ ܝܠܵܗ̇ ܗܘܝܼܬܵ‌ܐ ܕܠܵܐ ܝܘܼܬܪܵܢܵܐ. 2 ܐܘܼܦ ܐܸܢ ܕܓ̰ܘܼܢܓ̰ܸܪܲܢ ܘܦܝܼܫ ܠܲܢ ܡܘܼܣܠܝܼܹܐ ܓܵܘ ܦܝܼܠܝܼܦܘܿܣ، ܐܲܝܟ݂ ܕܟܹܐ ܝܵܕܥܝܼܬܘܿܢ، ܐܝܼܢܵܐ ܕܠܵܐ ܙܕܘܼܥܬܵ‌ܐ ܘܒܐܵܓ݂ܘܿܢܵܐ ܓܘܼܪܵܐ ܩܘܼܫܕܸܪܲܢ ܕܗܲܡܙܸܡܲܚ ܐܸܠܵܘܟ݂ܘܿܢ ܐܹܘܲܢܓܲܠܝܼܘܿܢ ܕܐܲܠܵܗܵܐ. 3 ܣܵܒܵܒ ܢܵܨܝܼܗܲܬܲܢ ܠܹܐ ܝܠܵܗ̇ ܡ̣ܢ ܚܸܠܛܸܢܝܘܼܬܵ‌ܐ ܘܠܵܐ ܡ̣ܢ ܛܲܢܦܘܼܬܵ‌ܐ، ܘܐܵܦܠܵܐ ܒܦܸܠܡܵܐ، 4 ܐܝܼܢܵܐ ܐܲܝܟ݂ ܕܦܝܼܫܹܐ ܝܘܲܚ ܡܘܼܚܫܸܚܹܐ ܒܐܲܠܵܗܵܐ ܕܦܵܐܹܫ ܣܘܼܦܝܵܐ ܒܝܼܲܢ ܐܹܘܲܢܓܲܠܝܼܘܿܢ، ܗܵܕܟ݂ܵܐ ܗܲܡܙܘܼܡܹܐ ܝܘܲܚ؛ ܠܵܐ ܕܫܵܦܪܲܚ ܠܒܢܲܝ̈ܢܵܫܵܐ، ܐܸܠܵܐ ܠܐܲܠܵܗܵܐ، ܒܲܚܪܵܢܵܐ ܕܠܸܒܲܢ. 5 ܣܵܒܵܒ ܟܹܐ ܝܵܕܥܝܼܬܘܿܢ ܒܗܸܟ̃ ܥܕܵܢܵܐ ܠܹܐ ܝܘܲܚ ܐܬܝܼܹܐ ܒܗܹܡܸܙܡܵܢܹ̈ܐ ܕܫܲܕܲܠܬܵ‌ܐ، ܘܠܵܐ ܒܡܵܗܵܢܵܐ ܠܛܲܡܲܥܟܵܪܘܼܬܵ‌ܐ؛ ܐܲܠܵܗܵܐ ܣܵܗܕܵܐ ܝܠܹܗ. 6 ܘܠܵܐ ܛܥܹܐ ܠܲܢ ܚܸܩܪܵܐ ܡ̣ܢ ܒܢܲܝ̈ܢܵܫܵܐ، ܠܵܐ ܡܸܢܵܘܟ݂ܘܿܢ ܘܠܵܐ ܡ̣ܢ ܐܚܹܪ̈ܢܹܐ، ܐܘܼܦ ܐܸܢ ܐܲܝܟ݂ ܫܠܝܼܚܹ̈ܐ ܕܡܫܝܼܚܵܐ ܟܹܐ ܡܵܨܲܚ ܗܘܵܘ ܗܵܘܲܚ ܗܘܵܘ ܝܘܼܩܪܵܐ ܥܲܠܵܘܟ݂ܘܿܢ، 7 ܐܝܼܢܵܐ ܗܘܹܐ ܠܲܢ ܡܲܟܝܼܟܹ̈ܐ ܓܵܘܵܘܟ݂ܘܿܢ ܐܲܝܟ݂ ܡܪܲܒܝܵܢܬܵ‌ܐ ܕܬܲܓܒܸܪܵܐ ܝܵܠܕ݇ܘܼ̈ܗ̇ ܙܥܘܿܪܹ̈ܐ. 8 ܗܵܕܟ݂ܵܐ ܡܘܼܚܸܒ ܠܲܢ ܐܸܠܵܘܟ݂ܘܿܢ ܕܒܣܝܼܡ ܠܵܗ̇ ܠܲܢ ܕܝܵܗܒܲܚ ܗܘܵܘ ܠܵܘܟ݂ܘܿܢ ܠܵܐ ܐܲܚܟ̰ܝܼ ܐܹܘܲܢܓܲܠܝܼܘܿܢ ܕܐܲܠܵܗܵܐ ܐܝܼܢܵܐ ܐܘܼܦ ܓܵܢܵܬܲܢ̈، ܣܵܒܵܒ ܦܝܼܫ ܠܵܘܟ݂ܘܿܢ ܡܘܼܚܸܒܹܐ ܒܝܼܲܢ. 9 ܣܵܒܵܒ ܒܸܕܟ݂ܵܪܵܐ ܝܬܘܿܢ ܐܲܚܘܿܢܘܵܬ‌ܝܼ̈، ܠܓ̰ܗܵܝܬܲܢ ܘܠܥܲܡܠܲܢ، ܟܲܕ ܒܸܦܠܵܚܵܐ ܒܠܲܝܠܹܐ ܘܒܐܝܼܡܵܡܵܐ، ܕܠܵܐ ܥܵܒ݂ܕܲܚ ܗܘܵܘ ܝܘܼܩܪܵܐ ܥܲܠܔ ܚܲܕ ܡܸܢܵܘܟ݂ܘܿܢ، ܐܝܼܡܲܢ ܕܡܘܼܟܪܸܙ ܠܲܢ ܐܸܠܵܘܟ݂ܘܿܢ ܐܹܘܲܢܓܲܠܝܼܘܿܢ ܕܐܲܠܵܗܵܐ. 10 ܐܲܚܬܘܿܢ ܣܵܗܕܹ̈ܐ ܝܬܘܿܢ، ܘܐܘܼܦ ܐܲܠܵܗܵܐ، ܕܵܐܟ݂ܝܼ ܒܩܲܕܝܼܫܘܼܬܵ‌ܐ ܘܒܙܲܕܝܼܩܘܼܬܵ‌ܐ ܘܕܠܵܐ ܡܘܼܡܵܐ ܗܘܹܐ ܠܲܢ ܠܟܸܣ ܠܵܘܟ݂ܘܿܢ، ܐܲܚܬܘܿܢ ܗܲܡܸܢܵܢܹ̈ܐ. 11 ܐܲܝܟ݂ ܕܟܹܐ ܝܵܕܥܝܼܬܘܿܢ ܕܵܐܟ݂ܝܼ ܦܘܼܪܦܸܠܔ ܠܲܢ ܘܝܘܼܗܒܹܠܔ ܠܲܢ ܒܘܼܝܵܐܵܐ ܠܟܠܔ ܚܲܕ ܡܸܢܵܘܟ݂ܘܿܢ ܐܲܝܟ݂ ܒܵܒܵܐ ܠܝܵܠܕ݇ܘܼ̈ܗ‌ܝ، 12 ܘܚܘܼܦܸܛ ܠܲܢ ܐܸܠܵܘܟ݂ܘܿܢ ܕܚܵܕܪܝܼܬܘܿܢ ܐܲܝܟ݂ ܕܚܵܫܚܵܐ ܠܐܲܠܵܗܵܐ، ܗ̇ܘ ܕܩܵܡ ܩܵܪܹܐ ܠܵܘܟ݂ܘܿܢ ܠܡܲܠܟܘܼܬܹܗ ܘܠܚܸܩܪܹܗ. 13 ܒܘܼܬ ܐܵܗܵܐ ܐܘܼܦ ܐܲܚܢܲܢ ܐܲܡܝܼܢܵܐܝܼܬ ܫܲܟܘܼܪܹܐ ܝܘܲܚ ܠܐܲܠܵܗܵܐ، ܣܵܒܵܒ ܐܝܼܡܲܢ ܕܩܘܼܒܠܵܐ ܠܵܘܟ݂ܘܿܢ ܗܹܡܸܙܡܵܢ ܕܐܲܠܵܗܵܐ ܕܫܡܝܼܥ ܠܵܘܟ݂ܘܿܢ ܡܸܢܲܢ، ܩܘܼܒܠܵܐ ܠܵܘܟ݂ܘܿܢ ܠܵܐ ܐܲܝܟ݂ ܗܹܡܸܙܡܵܢ ܕܒܢܲܝ̈ܢܵܫܵܐ، ܐܝܼܢܵܐ ܐܲܝܟ݂ ܕܝܼܠܵܗ̇ ܗܹܡܸܙܡܵܢ ܫܲܪܝܼܪܬܵ‌ܐ ܕܐܲܠܵܗܵܐ ܘܕܒܸܦܠܵܚܵܐ ܝܠܵܗ̇ ܓܵܘܵܘܟ݂ܘܿܢ، ܐܲܚܬܘܿܢ ܕܗܘܼܡܸܢܵܘܟ݂ܘܿܢ. 14 ܣܵܒܵܒ ܐܲܚܬܘܿܢ ܐܲܚܘܿܢܘܵܬ‌ܝܼ̈، ܗܘܹܐ ܠܵܘܟ݂ܘܿܢ ܕܵܡܝܵܢܹ̈ܐ ܠܥܹܕܵܬܹ̈‌ܐ ܕܐܲܠܵܗܵܐ ܒܝܼܫܘܿܥ ܡܫܝܼܚܵܐ ܕܝܼܢܵܐ ܒܝܼܗܘܼܕ، ܣܵܒܵܒ ܐܘܼܦ ܐܲܚܬܘܿܢ ܓ̰ܘܼܢܓ̰ܸܪܵܘܟ݂ܘܿܢ ܡ̣ܢ ܒܢܲܝ̈ ܓܸܢܣܵܘܟ݂ܘܿܢ ܐܲܝܟ݂ ܕܐܘܼܦ ܐܵܢܝܼ ܓ̰ܘܼܢܓ̰ܸܪܗܘܿܢ ܡ̣ܢ ܝܗܘܼܕܵܝܹ̈ܐ، 15 ܐܵܢܝܼ ܕܩܛܝܼܠܔ ܠܗܘܿܢ ܠܡܵܪܲܢ ܝܼܫܘܿܥ ܘܠܢܒ݂ܝܼܹ̈ܐ، ܘܛܪܝܼܕ ܠܗܘܿܢ ܐܘܼܦ ܐܸܠܲܢ. ܠܹܐ ܫܵܦܪܝܼ ܠܐܲܠܵܗܵܐ، ܘܕܲܠܩܘܼܒ݂ܠܔ ܝܼܢܵܐ ܕܟܠܵܝܗ‌ܝ ܒܢܲܝ̈ܢܵܫܵܐ. 16 ܡܲܟܠܘܼܝܲܢ ܝܼܢܵܐ ܕܠܵܐ ܗܲܡܙܸܡܲܚ ܠܐܸܡܘܵܬܹ̈‌ܐ ܕܦܵܪܩܝܼ. ܒܐܵܗܵܐ ܐܘܼܪܚܵܐ ܡܲܙܝܘܼܕܹܐ ܝܢܵܐ ܚܛܝܼܵܬܵܝ̈ܗ‌ܝ ܒܟܠܔ ܙܲܒ݂ܢܵܐ. ܐܝܼܢܵܐ ܟܲܪܒܵܐ ܕܐܲܠܵܗܵܐ ܐܬܹ‌ܐ ܠܵܗ̇ ܥܲܠܵܝܗ‌ܝ ܒܚܲܪܬܵ‌ܐ.

17 ܐܝܼܢܵܐ ܐܲܚܢܲܢ، ܐܲܚܘܿܢܘܵܬ‌ܝܼ̈، ܐܝܼܡܲܢ ܕܦܪܝܼܫ ܠܲܢ ܡܸܢܵܘܟ݂ܘܿܢ ܩܵܐ ܚܲܕ ܙܲܒ݂ܢܵܐ ܟܸܪܝܵܐ، ܒܦܲܓ݂ܪܵܐ ܠܵܐ ܒܠܸܒܵܐ، ܒܘܼܫ ܙܵܘܕܵܐ ܚܘܼܦܸܛ ܠܲܢ ܕܚܵܙܲܚ ܗܘܵܘ ܦܲܪܨܘܿܦܵܘܟ݂ܘܿܢ ܒܫܲܗܘܲܬܬܵ‌ܐ ܓܘܼܪܬܵ‌ܐ. 18 ܣܵܒܵܒ ܒܥܹܐ ܠܲܢ ܠܹܐܬܵܝܵܐ ܠܟܸܣܠܵܘܟ݂ܘܿܢ، ܫܲܪܝܼܪܵܐܝܼܬ ܐܵܢܵܐ ܦܵܘܠܘܿܣ ܒܥܹܐ ܠܝܼ، ܒܘܼܫ ܙܵܘܕܵܐ ܡ̣ܢ ܚܕܵܐ ܓܵܗܵܐ، ܐܝܼܢܵܐ ܣܵܛܵܢܵܐ ܩܵܡ ܡܲܟܠܹܐ ܠܲܢ. 19 ܣܵܒܵܒ ܡܘܼܕܝܼ ܝܠܵܗ̇ ܗܹܒ݂ܝܼܲܢ ܘܚܲܕܘܼܬܲܢ، ܘܡܘܼܕܝܼ ܝܠܹܗ ܟܠܝܼܠܵܐ ܕܫܘܼܒ݂ܗܵܪܲܢ ܩܲܕܡ ܡܵܪܲܢ ܝܼܫܘܿܥ ܐܝܼܡܲܢ ܕܐܵܬܹ‌ܐ؟ ܠܹܐ ܝܬܘܿܢ ܐܲܚܬܘܿܢ؟ 20 ܗܹܐ ܐܲܚܬܘܿܢ ܝܼܬܘܿܢ ܚܸܩܪܲܢ ܘܚܲܕܘܼܬܲܢ.