2 Ye Yinni Gusunɔ u koo kpiisiɑ sɑɑ ye sɔɔ, yɑ ko n sɑ̃ɑwɑ bɛɛrɛ kɑ ɡirimɑ Isireli be bɑ tien sɔ̃. Kpɑ tem mɛ, mu dĩɑ ɡeenu mɑ nu n sɑ̃ɑ ben nuku dobu. 3 Be, be Yinni Gusunɔ u ɡɔsɑ mi, u ben yĩsɑ yoruɑ bɑ n kɑ wɑ̃ɑ Yerusɑlɛmuɔ, bɑ koo bu sokuwɑ tɔn dɛɛrobu. 4 Yinni Gusunɔ u koo Yerusɑlɛmun tɔn kurɔbu disi wɔkɑ, kpɑ u wuu ɡen tii dɛɛrɑsiɑ, u ɡu siri kɑ win dɑm bɑkɑm tɔn be bɑ rɑɑ ɡon sɔ̃. 5 Yen biru u koo de dɔ̃ɔ wii bɑkɑru tu Siɔnin ɡuuru kpuro kɑ mɛnnɔ yenu wukiri sɔ̃ɔ sɔɔ, kpɑ dɔ̃ɔ yɑrɑ yɑ n wɑ̃ɑ wɔ̃kuru ɡuu ten wɔllɔ, kpɑ win yiikon ɡirimɑ yu wuu ɡe wukiri, 6 kpɑ yɑ n sɑ̃ɑ nɡe kuru te tɑ ko n bu sɑɑru sɑ̃ɑwɛ yɑm susurun sɑɑ, kɑ mɑɑ kuku yeru woo bɔkɔ kɑ ɡurɑn sɔ̃.