bɛɛ Isirelibɑ,

ì n kĩ i wurɑmɑ nɛn mi, i ko kpĩ i wurɑmɑ.

Ì n bɛɛn bũu sɑ̃ɑru deri, i ǹ mɑɑ yɑɑyɑɑre mɔ̀,

2 ì n dɑ bɔ̃re ɡem sɔɔ kɑ ɡɔ̃ru dɛɛrɔ,

i nɛɛ, kɑ Yinni Gusunɔn wɑ̃ɑru,

sɑɑ yerɑ bwese tukunu nu koo domɑru wɑ nɛn min di,

kpɑ bu woo kɑnɑ nɛn sɔ̃.

3 Nɛ, Yinni Gusunɔwɑ nɑ bɛɛ Yudɑbɑ kɑ Yerusɑlɛmuɡibu sɔ̃ɔmɔ nɑ mɔ̀,

i ɡbee kpɑɑnu kɑsirio, i dɑ̃ɑ dɔ̃ɔ ɡo.

I ku rɑ mɑɑ bɛɛn dĩɑnu duure sɑ̃ki sɔɔ.

4 Geemɑ, i bɑnɡo sɑ̃ɑ wɑsi sɔɔ.

Adɑmɑ n tiewɑ i mɑn tii wɛ̃,

kpɑ nɛn mɔru yu ku rɑɑ yɑburɑ nɡe dɔ̃ɔ,

wi ɡoo kun kpɛ̃ u ɡo,

domi bɛɛn nuku kɔ̃suru tɑ kpɑ̃.

i Yudɑbɑ sɔ̃ɔwɔ kpɑ i ɡbɑ̃rɑ Yerusɑlɛmuɔ.

I kɔbɑ soowo tem mɛ kpuro sɔɔ.

I nɔɔɡiru suo kɑ dɑm i nɛɛ,

bu mɛnnɑmɑ bu dɑ wuu si su ɡbɑ̃rɑnu mɔ sɔɔ.

6 Bu ɡidi bɔrɑ sueyo Siɔni ɡiɑ

bu duki yɑkuro bu ku yɔ̃rɑ.

Domi Gusunɔ u koo de kɔ̃sɑ yu nɑ

sɑɑ sɔ̃ɔ yɛ̃sɑn nɔm ɡeu ɡiɑn di.

7 Yibɛrɛ be bɑ rɑ bwesenu kɑm koosie

bɑ seewɑ ben wɑ̃ɑ yerun di nɡe ɡbee sunɔ

ɡe ɡɑ tii dɛmiɑmɔ ɡen bweun di,

bɑ wee bu kɑ tem mɛ kɑm koosiɑ.

Bɛɛ Yudɑbɑ, bɑ koo bɛɛn wusu kɔsuku

kpɑ su ko bɑnsu.

8 I sɑɑki sebuo nuku sɑnkirɑnun sɔ̃

kpɑ i swĩ i weeweenu ko,

domi Yinni Gusunɔn mɔru kun sun doonɑrimɔ.

9 Mɑ Yinni Gusunɔ u nɛɛ,

yen tɔ̃ɔ te sɔɔ,

sinɑ boko kɑ win sinɑ ɑsɑkpɔbu bɑ koo mwiɑ kpɑnɑ

kpɑ yɑ̃ku kowobu bu biti soorɑ,

kpɑ Gusunɔn sɔmɔbu bu nɔsu nɛnɛ,

10 bu nɛɛ, nɛ, Yinni Gusunɔ

nɑ be, Yudɑbɑ kɑ Yerusɑlɛmuɡibu nɔni wɔ̃kuɑ

ye nɑ nɛɛ, bɑ koo bɔri yɛndu wɑ.

Wee tɛ̃ bɑ woburu sɔndi ben wĩinɔ.

11 Sɑɑ ye sɔɔ, kon bu sɔ̃ n nɛɛ,

wee, woo ɡɑ wee sɑɑ ɡbɑburun ɡuunun di,

ɡu kɑ nɛn tɔmbu Yudɑbɑ swee.

Woo ɡe, ɡɑ ǹ sɑ̃ɑ fɛrɛ fɛrɛ

nɡe ɡe bɑ koo kɑ dobi sɑrɑ.

12 Gɑ ko n dɑm mɔwɑ.

Nɛ, Yinni Gusunɔwɑ nɑ ɡu sokusiɑmɔ.

Tɛ̃wɑ kon bu siri.

ɡberɑ sun di, domi sɑ kɑm kuɑ.

Wee, wi u koo sun kɑm koosiɑ u sĩimɔ nɡe ɡuru wiru.

Win tɑbu kɛkɛ yi sɑ̃ɑ nɡe ɡuru woo.

Mɑ win dumi yi ɡunɔ bɑkeru sɑ̃ɑbu kere.

bɛɛ Yerusɑlɛmuɡibu,

sere sɑɑ yerɑ̀ i kĩ i n kɔ̃sɑ bwisikumɔ.

I bɛɛn ɡɔ̃rusu dɛɛrɑsio, kpɑ i fɑɑbɑ wɑ.

15 I swɑɑ dɑkio ɡɑri yi bɑ kɑ nɑ Dɑnun tem di

kɑ Efɑrɑimun ɡuunun di

bɑ nɛɛ, kɔ̃sɑ wee.

16 I ye bwesenu kpuro nɔɔsio.

Kpɑ i ye Yerusɑlɛmuɡibu sɔ̃ i nɛɛ,

yibɛrɛbɑ bɑ wee sɑɑ tontonden di.

Bɑ koo Yudɑbɑn wusu tɑbun kuuki koosi.

17 Kpɑ bu Yerusɑlɛmu sikerenɑ

nɡe be bɑ ɡberu kɔ̃su.

Domi yen tɔmbu bɑ mɑn seesi.

Nɛ, Yinni Gusunɔwɑ nɑ yeni ɡeruɑ.

18 Bɛɛ Yudɑbɑ, ɡeemɑ wɑhɑlɑ yɑ bɛɛ nɔni sɔ̃ɔwɑ sere bɛɛn woo sɔndɔ.

Adɑmɑ yɑ sɑ̃ɑwɑ bɛɛn kom kɔ̃sum kɑ bɛɛn nuku kɔ̃surun ɑre.

nɛn nuki mɑn wuririmɔ mɑ nɛn tororɑ kɑrɑ.

Nɑ ǹ kpɛ̃ n nɔɔ mɑri wɑhɑlɑ yenin sɔ̃.

Nɑ tɑbun kɔbɑ nɔɔmɔ. Bu wee.

20 Bɑ sun nɔɔsiɑmɔ mɑ bɑ wuu dɑbinu kɔsukɑ.

Tem mɛ kpuro mu kɑm kobu dɔɔwɑ.

Subɑru sɔɔrɑ bɑ nɑ bɑ bɛsɛn tɑbu kowobun kuu bekuruɡinu wukurɑ.

Mɑ bɑ nu ɡurɑ bɑ kɑ doonɑ.

21 Sere dommɑ nɑ kon yibɛrɛbɑn ɡidi bɔrɑ wɑɑmɔ,

kpɑ nɑ n kɔbɑn swĩi nɔɔmɔ tɑ̃ɑ tɑ̃ɑ.

wee, nɛn tɔmbu bɑ ǹ bwisi mɔ.

Mɛyɑ bɑ ǹ mɑn yɛ̃.

Bɑ sɑ̃ɑwɑ ɡɑri bɑkɑsu.

Bɑ kɔ̃sɑn kobun bwisi mɔ,

ɑdɑmɑ bɑ ǹ ɡeɑn kobu yɛ̃.

23 Nɑ tem mɛɛrɑ mɑ mu sɑ̃ɑ bitɑm,

ɡɑ̃ɑnu sɑri mɛn wɔllɔ.

Nɑ mɑɑ wɔllu mɛɛrɑ,

nɑ deemɑ yɑm bururɑm sɑri mi.

24 Nɑ ɡuunu mɛɛrɑ, nɑ wɑ wee,

nu wɔrumɑ. Mɑ ɡunɡunu nu bɑ̃ɑrimɔ.

25 Nɑ mɑɑ mɛɛrɑ nɑ wɑ wee,

tɔnu sɑri tem sɔɔ.

Mɑ ɡunɔsu su yɑrinɑ kpuro.

26 Nɑ tem mɛɛrɑ mɛ mu rɑɑ sɑ̃ɑ tem ɡem.

Nɑ deemɑ wee, mu kuɑ tem sɑɑrɑm.

Mɑ wuu si su wɑ̃ɑ mi, su wɔrukɑ.

Yinni Gusunɔwɑ u ye kuɑ win mɔrun sɑɑbu.

27 Yinni Gusunɔ u nɛɛ,

u koo tem mɛ ɡɔsiɑ tem sɑɑrɑm,

ɑdɑmɑ u mɑɑ nɛɛ,

u ǹ derimɔ mu n sɑ̃ɑ mɛ kɑ bɑɑdommɑɔ.

28 Yen sɔ̃, tem mu ko n ɡɔɔ wooru sɔ̃,

kpɑ wɔllu tu yɑm tĩrɑ.

Domi u himbɑ yi kɔ, u ǹ mɑɑ biru wurɔ.

29 Ye wusu kpuron tɔmbu bɑ mɑɑsɔbu kɑ tɛn towobun wɔkinu nuɑ,

yerɑ bɑ duki yɑkikirɑ kpuro.

Gɑbɑ wɔriki dɑ̃ɑ sɔ̃sɔ mɑ ɡɑbɑ duɑ kpee bɑɑbɑ sɔɔ.

Bɑ wuu si deri su kuɑ bɑnsu.

30 Wunɛ Yerusɑlɛmu, burɑru mbɑ kɑɑ mɑɑ tii kuɑ.

Kɑɑ tii beku wunɔmɡiru kɑsuɑwɑ ɑ dewe,

kpɑ ɑ wurɑn sɑbɑ sebe, kpɑ ɑ kiro doke?

Kɑm sɔɔrɑ kɑɑ tii burɑru kuɑ.

Wee wunɛn kĩnɑsibu bɑ nun tusɑ

bɑ kɑsu bu nun ɡo.

31 Nɑ wuri kɑ weeweenu nɔɔmɔ

nɡe tɔn kurɔ wi u yiire u kĩ u win bii ɡbiikoo mɑ.

Ase Yerusɑlɛmun nɔɔwɑ ɡɑ nɔɔrɑmɔ mi.

Yɑ wom ɡɑbɑmɔ, yɑ nɔmɑ dɛmiɛ yɑ mɔ̀,

yɑ kɑm kuɑwɑ.

Wee yen yibɛrɛbɑ bɑ ye sɛ̃re, yɑ ɡɔɔ dɔɔ.