1 Bɛɛ Bɛnyɑmɛɛbɑ,

i duki yɑkuro Yerusɑlɛmun di.

I kɔbɑ soowo Tekoɑɔ.

I yĩreru koowo Bɛti Hɑkerɛmuɔ.

Domi nɔni swɑ̃ɑ bɑkɑru kɑ kɑm kobu sisi,

sɑɑ sɔ̃ɔ yɛ̃sɑn nɔm ɡeu ɡiɑn di.

2 Bɑ koo Yerusɑlɛmu, wuu burɔ ɡe kɔsuku.

3 Wee, tɔmbɑ ye wɔrim wee

nɡe kpɑrobu kɑ ben yɑɑ sɑbenu.

Bɑ ben sɑnsɑni ɡirɑ bɑ kɑ ye sikerenɑ.

Ben bɑɑwure u win bweu mwɑ, wi kɑ win tɑbu kowobu.

4 Bɑ kuuki mɔ̀ bɑ mɔ̀,

i de su se sɔ̃ɔ sɔɔ ɡbɑ̃ɑrɑ su wuu ɡe wɔri.

Adɑmɑ tɛ̃ sɔ̃ɔ kpɑ, yɑm mɑɑ tĩrɑmɔ.

5 Ǹ n mɛn nɑ, i de su se wɔ̃kuru

su dɑ su ɡen dii ɡeenu kɔsuku.

6 Mɑ Yinni Gusunɔ u bu sɔ̃ɔwɑ u nɛɛ,

bu dɑ̃ɑ bɔɔrio kpɑ bu kɑ ye sɑsɑnu ɡirɑ

bu kɑ Yerusɑlɛmu sikerenɑ, bu ye sɛɛyɑsiɑ

yèn sɔ̃ yen tɔmbɑ dɑm dɔrenɑmɔ.

7 Nɡe mɛ dɔkɔ yɑ rɑ nim swĩ mu n kokumɔ,

nɡe mɛyɑ Yerusɑlɛmuɡibun nuku kɔ̃suru

tɑ rɑ n sɔ̃ɔsirɑmɔ.

Dɑɑ bɔɔbɔyɑ kɑ kɑm kobun kookoosun ɡɑriyɑ

yi rɑ n nɔɔrɑmɔ mi.

Nɑ rɑ n wɑɑmɔ bɑɑdommɑ

bɑ tɔmbu nɔni sɔ̃ɔmɔ bɑ bu mɛɛrɑ mɔ̀.

8 Ǹ n mɛn nɑ, bɛɛ Yerusɑlɛmuɡibu,

i nɛn sɔ̃ɔsiru lɑɑkɑri koowo,

kpɑ n ku rɑ nɛn tii ɡɑwɑ sɑɑ bɛɛn min di

n bɛɛn tem kɑm koosiɑ.

bɑ koo Isireli be bɑ tie ɡurɑ mɑm mɑm

nɡe mɛ bɑ rɑ dɑ̃ɑ binu sɔri

bɑ kun ɡɑ̃ɑnu deri.

wɑrɑ kon ɡɑri sɔ̃, kpɑ n nùn kirɔ ko.

Wɑrɑ koo mɑn swɑɑ dɑki.

Wee, bɑ swɑɑ tɑu. Bɑ ǹ kpɛ̃ bu lɑɑkɑri ko.

Ben mi, wunɛ Yinni Gusunɔn ɡɑri

yi rɑ bu sekuru kowɑ.

Bɑ ku rɑ kɑ̃ bu yi nɔ.

11 Yinni Gusunɔ,

wee, nɑ kɑ tɔn be mɔru mɔ̀ wunɛn sɔ̃.

Nɑ kpɑnɑ n tii nɛnɛ.

ɑ de mɔru ye ɑ mɑn kuɑmmɛ mi,

yu wɔri bibu sɔɔ be bɑ dweemɔ dɑ̃ɑ sɑɑnɔ,

kɑ sere mɑɑ ɑluwɑɑsibɑn wuunu sɔɔ.

Domi kurɔbu kɑ durɔbu kɑ tɔkɔnu,

kpurowɑ bɑ koo ɡurɑ bu kɑ doonɑ.

12 Kpɑ ben yɛnusu su ko ɡɑbuɡisu

kɑ ben ɡbeɑ kɑ ben kurɔbu.

Domi kon tem mɛ kpuron tɔmbu nɛn dɑm sɔ̃ɔsi.

Nɛ, Yinni Gusunɔwɑ nɑ yeni ɡeruɑ.

13 Domi sɑɑ bwɛ̃ɛbwɛ̃ɛbun di sere kɑ dɑmɡibɔ,

ben tii tiin ɑrufɑɑniwɑ bɑ rɑ n nɑɑ ɡire.

Nɛn sɔmɔbu kɑ yɑ̃ku kowobun tii,

bɑ rɑ n weesu mɔ̀wɑ.

14 Bɑ rɑ n nɛn tɔmbun wɑhɑlɑ ɑtɑfiiru sɑ̃ɑwɑ,

bɑ n mɔ̀, ɑlɑfiɑ wɑ̃ɑ,

ɑdɑmɑ ɑlɑfiɑ ɡɑɑ sɑri.

15 N weenɛwɑ sekuru tɑ n bu mɔ̀,

kɔ̃sɑ ye bɑ mɔ̀n sɔ̃,

ɑdɑmɑ bɑ ǹ sekuru mɔ.

Bɑ ǹ mɑm wure mɑ bɑ tore.

Yen sɔ̃nɑ bɑ koo wɔrumɑ bu ɡbi.

Bɑ koo fukurɑ bu wɔruku

dɔmɑ te kon bu sɛɛyɑsiɑ.

Nɛ, Yinni Gusunɔwɑ nɑ yeni kpuro ɡeruɑ.

i seewo i swɛɛ mɛɛri

i bɛɛn yellun swɑɑ burɑ ye kɑsu i swĩi,

kpɑ i wɑ i n wɑ̃ɑ bɔri yɛndu sɔɔ.

Adɑmɑ bɑ wisɑ bɑ nɛɛ,

sɑ ǹ ye swĩimɔ.

nɑ bɛɛ kɔ̃sobu wɛ̃

i kɑ ben kɔbɑn swĩi swɑɑ dɑki.

Adɑmɑ bɑ wisɑ bɑ nɛɛ,

sɑ ǹ swɑɑ dɑkimɔ.

18 Yen sɔ̃, u nɛɛ, bɛɛ bwese ni nu tie,

i swɑɑ dɑkio i nɔ ye yɑ koo nɛn tɔmbu deemɑ.

19 Bɛɛ temɡibu, i wɑɑwo.

Wee kon nɛn tɔmbu kɔ̃sɑ sure.

Yerɑ yɑ ko n sɑ̃ɑ ben bwisikunun ɑre.

Domi bɑ ǹ nɛn ɡɑri swɑɑ dɑki,

mɑ bɑ nɛn woodɑbɑ ɡɛmɑ.

20 Nɑ ǹ ben turɑre ye yɑ wee Sebɑn di

ǹ kun mɛ dɑ̃ɑ kiku nubu duroruɡuu

ɡe bɑ kɑ nɑ sɑɑ tontonden din bukɑtɑ mɔ sɑ̃ɑrun sɔ̃.

Nɑ ǹ ben yɑ̃ku dɔ̃ɔ mwɑɑrɑruɡinu kĩ.

Mɛyɑ ben yɑ̃ku ni nu tie, nu ǹ mɑɑ mɑn wɛ̃remɔ.

21 Yen sɔ̃nɑ kon bu sokurɑtiɑ dokeɑ,

kpɑ bɑɑbɑbɑ kɑ ben bibu,

tɔnu mɑɑ kɑ win bɔrɔ

bu sokurɑ mi bu ɡbi.

wee bweseru ɡɑrɑ sisi

sɑɑ sɔ̃ɔ yɛ̃sɑn nɔm ɡeu ɡiɑn di

mi n tomɑ.

Bwese ten tɔmbu bɑ dɑm mɔ.

23 Bɑ tɛnnu kɑ yɑɑsi nɛni.

Bɑ nuki sosu, bɑ ǹ wɔnwɔndu mɔ.

Mɑ bɑ kukirimɔ nɡe nim wɔ̃kun nim.

Bɑ yɔɔwɑ dumi wɔllɔ,

mɑ bɑ yɔ̃ swɛɛ swɛɛ, bɑ tɑbun sɔɔru sɑ̃ɑ

bu kɑ wunɛ Yerusɑlɛmu wɔri, wunɛ wi ɑ sɑ̃ɑ Siɔni.

ye sɑ ben lɑbɑɑri nuɑ,

yerɑ bɛsɛn ɡɔmɑ dwiiyɑ.

Sɑ wururɑ nɡe tɔn kurɔ

wi u yiire u kĩ u mɑ.

25 Goo u ku rɑɑ yɑri u dɑ swɛɛɔ.

Goo ku rɑɑ mɑɑ yɑri u dɑ yɑkɑsɔ.

Domi yibɛrɛbɑ bɑ wɑ̃ɑ mi,

bɑ ben tɑkobibɑ nɛni.

Tɔmbɑ bɛrum soore bɑɑmɑ.

bɛɛ nɛn tɔmbu, i sɑɑki pɔrɑ sɛ̃keo

kpɑ i tii torom wisi nuku sɑnkirɑnun sɔ̃.

Bɛɛn bɑɑwure u ɡɔɔ swĩiyɔ

nɡe wi u win bii teereru biɑ.

I wuri koowo kɑ nɔni yĩresu.

Domi wi u koo bɛɛ kpeerɑsiɑ

u koo bɛɛ wɔriwɑ subɑru sɔɔ.

27 Yinni Gusunɔ u nɛɛ,

wunɛ Yeremi, nɑ nun yi ɑ kɑ nɛn tɔmbu sɔwɑ

nɡe mɛ seko u rɑ sii ɡeesu sɔwe,

kpɑ ɑ kɑ ben dɑɑ ɡiɑ.

tɔn be, bɑ sɑ̃ɑwɑ wee kowobu kɑ mɛm nɔɔ sɑribɑ.

Bɑ bɔɔbuwɑ nɡe sisu. Be kpuro bɑ sɑnkirewɑ.

29 Bɑ̀ n sisu kɑ pɛɛrum dɔ̃ɔ doke bɑ wure,

ye kpuro yɑ rɑ yɑndewɑ,

kpɑ pɛɛrum mɛ, mu sii si sɔwɑ.

Adɑmɑ kɑm sɔɔrɑ bɑ Isirelibɑ sɔwɑ.

Ben tɔn kɔ̃sobu bɑ ǹ wunɑrɑmɔ,

30 mɑ bɑ bu sokumɔ sii si su ǹ ɡeɑ sɑ̃ɑ.

Domi Yinni Gusunɔ u bu biru kisi.