17
1 Yudɑbɑn durum yɑ yoruɑ ben ɡɔ̃rusɔ.
Yɑ mɑɑ sɔ̃ɔsire ben yɑ̃ku yenun kɑ̃ɑnu sɔɔ.
Mɑ n sɑ̃ɑre bɑ ye yoruɑ mi,
kɑ yorutii sisuɡiɑ kɑ kpee te tɑ bɔbunu bo.
2 Yɑ sɑ̃ɑwɑ seedɑ ye yɑ bu tɑɑrɛ wɛ̃ɛmɔ.
Nɡe mɛyɑ ben bũu turɑnu kɑ ben bwɑ̃ɑrokunu
kɑ ben dɑ̃ɑ kubenu kɑ ben ɡunɡunu mi bɑ rɑ bũu wi bɑ mɔ̀ Asitɑɑte sɑ̃,
yɑ mɑɑ bu tɑɑrɛ wɛ̃ɛmɔ.
3 Yen sɔ̃nɑ nɛ, Yinni Gusunɔ,
kon nɛn ɡuu tèn mi bɑ rɑ mɑn sɑ̃,
kɑ ben dukiɑ kɑ ben ɡbeɑ
kɑ ɡunɡunu mi bɑ rɑ bũnu sɑ̃
yibɛrɛbɑ nɔmu bɛriɑ, ben durum yen sɑɑbu
ye bɑ kuɑ ben tem mɛ kpuro sɔɔ.
4 Ben torɑnun sɔ̃nɑ bɑ koo ben tem biɑ
mɛ mu sɑ̃ɑ ben tubi.
Kon bu ko ben yibɛrɛbɑn yobu,
kpɑ bu dɑ tem mi bɑ ǹ yɛ̃.
Domi bɑ derɑ nɛn mɔru yɑ yɑburɑ nɡe dɔ̃ɔ.
Yɑ ko n mɑɑ yɑburewɑ sere kɑ bɑɑdommɑɔ.
A kun tɔnu nɑɑnɛ sɑ̃ɑ
5 Nɛ, Yinni Gusunɔwɑ nɑ nɛɛ,
bɔ̃riɡiiwɑ wi u win ɡɔ̃ru sĩiyɑ nɛn min di,
mɑ u tɔnu nɑɑnɛ sɑ̃ɑ, u tɑ̃sɑ wi sɔɔ.
6 U ko n wɔnwɔndu soorewɑ
nɡe dɑ̃ɑ kiki si su wɑ̃ɑ mi ɡɑ̃ɑnu ku rɑ kpi.
U ǹ nuku dobu wɑsi.
U ko n wɑ̃ɑwɑ tem sɑɑrɑmɔ mi ɡoo sɑri.
7 Adɑmɑ domɑruɡiiwɑ wi u win nɑɑnɛ doke nɛ, Yinni Gusunɔ sɔɔ,
mɑ win toro sindu tɑ wɑ̃ɑ nɛ sɔɔ.
8 Yɛ̃ro ko n sɑ̃ɑwɑ nɡe dɑ̃ɑ te tɑ yɔ̃ dɑɑrun ɡoorɔ,
tèn ɡbini yi ku rɑ nim bie.
Dɑ̃ɑ ten bweseru tɑ ku rɑ n yɑm susuru ɡɑrɑ.
Ten wurusu rɑ n bekusu sɑ̃ɑwɑ sɑɑ kpuro.
Sɔ̃ɔ sɑ̃rerun sɑɑ yɑ̀ n nɑ,
tɑ ku rɑ ɡbere, bɑɑ wɔ̃ɔ ɡe ɡbeburɑ yɔ̃rɑ.
Mɛyɑ tɑ ku rɑ mɑɑ mɑrubu yɔ̃re.
9 Tɔnun ɡɔ̃ru ɡɑ rɑ kɔ̃sɑ berewɑ.
Mɛyɑ ɡen bɑrɑrɑ ku rɑ bɛkure.
Goo u wɑ̃ɑ wi u koo kpĩ u ɡen bwisikunu ɡiɑ?
10 Nɛ, Yinni Gusunɔwɑ
nɑ rɑ tɔnun ɡɔ̃ru kɑ win bwisikunu wɛ̃ɛri,
n kɑ nùn ye u kuɑn ɑre wɛ̃.
11 Wi u dukiɑ ɡurɑmɔ kɑ swɑɑ kɔ̃sɑ,
u sɑ̃ɑwɑ nɡe kusu ɡe ɡɑ sĩɑ tukɑ wee ye ɡɑ ǹ kɑ.
Dukiɑ ye, yɑ koo nùn deriwɑ
win wɑ̃ɑrun suunu suunukɑ sɔɔ,
kpɑ u n sɑ̃ɑ nɡe ɡɑri bɔkɔ win wɑ̃ɑ dɑ̃ɑkiru sɔɔ.
Yinni Gusunɔ turowɑ
u sɑ̃ɑ wɑ̃ɑrun bwiɑ
12 Bɛsɛn sɑ̃ɑ yee dɛɛrɑru
tɑ sɑ̃ɑwɑ nɡe sinɑ kitɑ yiikoɡiru
te tɑ wɔlle suɑre yellun di.
13 Yinni Gusunɔ, wunɑ bɛsɛ Isirelibɑ sɑ yĩiyɔ.
Be bɑ nun biru kisi, bɑ koo sekuru wɑ.
Be bɑ kɑ nun tondinɛ, bɑ koo bu duɑri.
Bɑ ko n sɑ̃ɑwɑ nɡe bèn yĩsɑ bɑ yoruɑ tuɑ sɔɔ.
Domi bɑ wunɛ Yinni Gusunɔ deri,
wunɛ wi ɑ sɑ̃ɑ nɡe bwiɑ yèn nim mu wɑ̃ɑru wɛ̃ɛmɔ.
Yeremi u Yinni Gusunɔ
somiru kɑnɑmɔ
14 Yinni Gusunɔ, ɑ mɑn bɛkio,
kpɑ n wɑ n bɛkurɑ mɑm mɑm.
A mɑn fɑɑbɑ koowo kpɑ n fɑɑbɑ wɑ.
Domi wunɛ turowɑ nɑ rɑ n siɑrɑmɔ.
15 Yinni Gusunɔ, wee, tɔmbɑ mɑn bikiɑmɔ bɑ mɔ̀,
mɑnɑ nɔni swɑ̃ɑrun ɡɑri yi ɑ bu sɔ̃ɔwɑ mi, yi woo.
I den bu wɔrimɑ.
16 Adɑmɑ nɑ ǹ yinɛ n wunɛn tɔmbu kpɑrɑ.
N ǹ nɛ, nɑ sɛnde nɔni swɑ̃ɑ ten tɔ̃ru tu kɑ nɑ.
Wunɛn tii, ɑ yɛ̃ mɛ.
A mɑɑ yɛ̃ ɡɑri yi nɑ yɑrɑ nɛn nɔɔn di kpuro.
17 Yen sɔ̃, ɑ ku de nɑ n mɑɑ bɛrum soore wunɛn sɔ̃,
wunɛ wi ɑ sɑ̃ɑ nɛn kuku yeru nɔni swɑ̃ɑrun sɑɑ.
18 A de be bɑ mɑn nɔni sɔ̃ɔmɔ bu sekuru wɑ.
Kpɑ nɛ, nɑ kun tu wɑ.
A de bu diiri, kpɑ nɛ, nɑ n wɑ̃ɑ kɑ toro sindu.
A de nɔni swɑ̃ɑru tu bu deemɑ,
kpɑ ɑ bu sɛɛyɑsiɑ n kpɑ̃.
Tɔ̃ɔ wɛ̃rɑruɡirun bɛɛrɛ wɛ̃ɛbu
19 Yinni Gusunɔ u nɛɛ, Yeremi, ɑ seewo ɑ dɑ ɑ yɔ̃rɑ kɔnnɔwɔ ɡe bɑ mɔ̀ tɔmbun kɔnnɔ mi Yudɑbɑn sinɑmbu bɑ rɑ kɑ du kpɑ bu kɑ yɑri, kpɑ ɑ mɑɑ dɑ ɑ yɔ̃rɑ kɔnnɔ si su tien mi. 20 Kpɑ ɑ bu sɔ̃ ɑ nɛɛ, be, Yudɑbɑ kɑ ben sunɔ kɑ be, Yerusɑlɛmuɡibu, be kpuro be bɑ dumɔ kɔnnɔ sin min di, bu nɛ Yinni Gusunɔɡiɑ swɑɑ dɑkio bu nɔ. 21 Nɑ nɛɛ, bɑ n tii sɛ kpɑ bu ku rɑɑ sɔmunu sɔbe tɔ̃ɔ wɛ̃rɑruɡiru sɔɔ. Bu ku rɑɑ mɑɑ nu duusiɑ Yerusɑlɛmun ɡbɑ̃rɑ kɔnnɔsun di. 22 Bu ku rɑɑ mɑm nu yɑrɑ ben yɛnusun di. Bu ku sɔmburu ɡɑru ko. Adɑmɑ bu sɑnɑm mɛ yiiyo nɛ, Yinni Gusunɔn sɔ̃ nɡe mɛ nɑ ben bɑɑbɑbɑ yiire. 23 Geemɑ, ben bɑɑbɑ be, bɑ swɑɑ tɑɑyɑ. Bɑ ǹ mɑn swɑɑ dɑki. Bɑ nɛn sɔ̃ɔsinu yinɑ.
24 Adɑmɑ be, bɑ̀ n mɑn swɑɑ dɑki kɑ ɡem, mɑ bɑ ǹ sɔmunu ɡɑnu duusie Yerusɑlɛmun kɔnnɔsun di tɔ̃ɔ wɛ̃rɑruɡiru sɔɔ, mɑ bɑ tɔ̃ɔ te yi nɛ, Yinni Gusunɔn sɔ̃, mɑ bɑ ǹ sɔmburu ɡɑru kue te sɔɔ, 25 sɑɑ yerɑ sinɑm be bɑ sɔ̃ Dɑfidin sinɑ ɡɔnɑɔ kɑ ben sinɑ ɑsɑkpɔbu bɑ koo du sɑɑ Yerusɑlɛmun kɔnnɔ sin min di, bɑ n tɑbu kɛkɛbɑ duɑ, be dumi ɡɑwe, kpɑ ɡɑbu bɑ n dumi sɔni. Mɛyɑ Yudɑbɑ kpuro kɑ Yerusɑlɛmuɡibu kpuro bɑ koo mɑɑ du mi, kpɑ Yerusɑlɛmu yɑ n tɔmbu yibɑ sere kɑ bɑɑdommɑɔ. 26 Tɔmbɑ koo nɑ nɛn sɑ̃ɑ yerɔ Yudɑn wusu kɑ Yerusɑlɛmun bɑru kpɑɑnu kpuron di kɑ Bɛnyɑmɛɛn tem di, kɑ sere mɑɑ ɡuunun di kɑ wɔwin di, kɑ sɔ̃ɔ yɛ̃sɑn nɔm dwɑru ɡiɑn di, tem mɛ kpuron di ɡesi, bu yɑ̃ku dɔ̃ɔ mwɑɑrɑruɡinu ko kɑ siɑrɑbun yɑ̃kunu, kpɑ bu kɑ kɛ̃nu nɑ, kpɑ bu turɑre dɔ̃ɔ doke mi. 27 Adɑmɑ bɑ̀ kun nɛn ɡɑri swɑɑ dɑki, yi nɑ nɛɛ, bu mɑn tɔ̃ɔ wɛ̃rɑruɡii te yiiyɑ, mɑ bɑ dumɔ Yerusɑlɛmun kɔnnɔsun di, bɑ n sɔmunu sɔɔwɑ, tɔ̃ɔ wɛ̃rɑruɡii te sɔɔ, sɑɑ yerɑ kon wuu ɡe dɔ̃ɔ doke wi u ǹ ɡbimɔ kpɑ be kpuro bu dɔ̃ɔ mwɑɑrɑ.
Yeremi u dɑ mɔmɔn yɛnuɔ