2 Yinni Gusunɔ, sinɑ boko u nuku dobu mɔ wunɛn dɑm sɔ̃.

U rɑ yɛ̃ɛri wunɛn somirun sɔ̃.

3 Domi ɑ nùn wɛ̃ ye win ɡɔ̃ru ɡɑ kĩ.

A ǹ nùn yinɑri ye u nun bikiɑ.

4 Wee, ɑ kɑ nùn domɑ ɡeeru nɑɑwɑ.

A nùn furɔ wurɑɡuu dokeɑ ɑ kuɑ sinɑ boko.

5 U nun bikiɑ ɑ win wɑ̃ɑru dɑkɑɑ dɑɑsiɑ,

mɑ ɑ tu dɑkɑɑ dɑɑsiɑ n kɑ tɛ.

6 Wunɛn somirun sɑɑbuwɑ win bɛɛrɛ yɑ kɑ kpɛ̃ɑ.

Wunɛn fɑɑbɑn sɑɑbuwɑ u kɑ ɡirimɑ bɑkɑ wɑ.

7 Wunɛn domɑrɑ ko n wɑ̃ɑ kɑ wi sere kɑ bɑɑdommɑɔ.

A rɑ n wɑ̃ɑ kɑ wi bɑɑdommɑ,

kpɑ u n nuku dobu mɔ.

8 Yinni Wɔrukoo, sinɑ boko u nun nɑɑnɛ sɑ̃ɑ.

Wunɛn durom sɑɑbu ɑ ǹ derimɔ u sokurɑ.

9-10 Sinɑ boko, dɔmɑ te kɑɑ tii sɔ̃ɔsi,

kɑɑ wunɛn yibɛrɛbɑ nɔmɑ turi,

kɑɑ be bɑ nun tusɑ nɔmɑ turi,

kɑɑ bu doke dɔ̃ɔ bwee bɑkɑru sɔɔ.

Yinni Gusunɔn mɔru yɑ sɑ̃ɑwɑ nɡe dɔ̃ɔ boko.

Dɔ̃ɔ wi, u koo bu mwɑ.

11 Kɑɑ de ben bibu bu ɡbi.

Kɑɑ de ben bweseru tu nɔru ko hɑnduniɑ yeni sɔɔ.

12 Bɑ̀ n nɔɔ tiɑ kuɑ bu kɑ nun kɔ̃sɑ kuɑ,

yɑ ǹ koorɔ.

13 A wunɛn tɛndu bɛrio ɑ bu twee.

Bɑ koo nun biru kisi.

14 Yinni Gusunɔ, ɑ seewo.

Sɑ ko nun womu kuɑ wunɛn dɑm sɔ̃.

Sɑ ko nun tɔmɑ wunɛn yiikon sɔ̃.

Yinni Gusunɔ, ɑ seewo.