2 Yinni Gusunɔ, ɑ ku mɑn sɛɛyɑsiɑ wunɛn mɔru sɔɔ.

A ku mɑn so sɑnɑm mɛ ɑ mɔru bɛsire.

3 Domi wunɛn sɛ̃ɛnu nu mɑn ɡirɑri,

mɑ wunɛn nɔmu ɡɑ mɑn so ɡɑ surɑ.

4 Wunɛn mɔrun sɑɑbu, nɛn wɑsin ɡɑm sɑri mi n bwɑ̃ɑ do.

Nɛn durum sɑɑbu nɑ ǹ mɑɑ dɑm ɡɑm mɔ.

5 Domi nɛn torɑnu kpɛ̃ɑ sere nu mɑn ɡunum kerɑ.

Nu sɑ̃ɑ nɡe sɔmu bɑkɑnu ni nu mɑn bunum kere.

6 Nɛn booboosu kɔ̃sɑ sere su numiɑ nɛn ɡɑri bɑkɑrun sɔ̃.

7 Nɑ dɛbɑrɑ, nɑ wɑsirɑ sere nɑ ǹ mɑɑ dɑm mɔ.

Bɑɑdommɑ, nɑ rɑ n sĩimɔwɑ kɑ nuku sɑnkirɑnu.

8 Domi bɑrɑrɑ nɛn wɑsi kpuro mwɑ.

Yin ɡɑm mɑɑ sɑri mi n bwɑ̃ɑ do.

9 Nɑ kɔsikirɑwɑ muku muku, nɑ ǹ mɑɑ dɑm ɡɑm mɔ.

Nɛn ɡɔ̃ru ɡɑ burisinɛ sere nɑ weeweenu mɔ̀.

10 Yinni, ye nɑ kĩ kpuro, wunɑ ɑ yɛ̃.

Nɛn weeweenu kun mɑɑ nun berue.

11 Nɛn ɡɔ̃ru ɡɑ ǹ sɔ̃ sɛ̃ɛ, nɛn dɑm mɑn doonɑrimɔ.

Wee nɛn nɔni kun mɑɑ wɑ̃ɑru tere.

12 Nɛn kpɑɑsibu kɑ be bɑ mɑn yɛ̃ kpuro

bɑ mɑn duki suurimɔ nɛn bɑrɑrun sɔ̃.

Mɑ be bɑ mɑɑ wɑ̃ɑ nɛn turuku,

bɑ tii mɛnɑ nɛnɛm.

13 Be bɑ kɑsu bu mɑn ɡo,

bɑ mɑn yɛ̃ri bɛriɑmmɛ bɑɑdommɑ.

Be bɑ nɛn kɔ̃sɑ kɑsu, bɑ mɑn kɔ̃sɑ siemɔ,

bɑ kɑsu bu mɑn nɔni wɔ̃ke.

14 Adɑmɑ nɛ, nɑ mɑɑriwɑ piti nɡe soso

wi u kun ɡɑ̃ɑnu nɔɔmɔ,

u ǹ mɑɑ ɡɑ̃ɑnu ɡerumɔ.

15 Mɛyɑ nɑ sɑ̃ɑ nɡe soso.

Nɑ ǹ bu ɡɑ̃ɑnu wisɑ.

16 Yinni Gusunɔ, wunɛ sɔɔrɑ nɛn yĩiyɔbu wɑ̃ɑ.

Gusunɔ nɛn Yinni, ɑ de ɑ mɑn wisi.

17 A ku de bu nuku dobu ko nɛn sɔ̃,

kpɑ bu mɑn seesi sɑnɑm mɛ nɑ sokurɑmɔ.

18 Wee nɑ wɔrumɑɑ dɔɔ,

mɑ nɛn wɑhɑlɑ yɑ mɑn wɑ̃ɑsi.

19 Nɑ nɛn torɑnu tuubɑ mɔ̀.

Torɑ ni, nu mɑn bɛrum mɔ̀.

20 Wee nɛn yibɛrɛbɑ bɑ bwɑ̃ɑ do,

bɑ mɑɑ dɑm mɔ.

Be bɑ mɑn tusɑ kɑm sɔɔ, bɑ dɑbi.

21 Kɔ̃sɑ bɑ mɑn kɔsiemɔ, ye nɑ bu ɡeɑ kuɑ.

Bɑ nɛn kɔ̃sɑ kɑsu yèn sɔ̃ nɑ rɑ n ɡeɑ mɔ̀.

22 Yinni Gusunɔ, ɑ ku mɑn deri.

Nɛn Yinni, ɑ ku kɑ mɑn tondɑ.

23 A nɑ fuuku ɑ mɑn yɑkiɑ,

wunɑ ɑ sɑ̃ɑ nɛn fɑɑbɑ kowo.