1 Yecu cire bi kurwaber ta nure ce, bibei tomange ce bõ ci, nung cinen muka bi kurwabero ti 2 di, kari ciya, kom tõ dige wo gwamma? ke ti, kange ter meni na wo a dorke cer wo mani awertiye. 3 fiye co yim dor kang zaitun, bi bei tomangece bo cin yuranum yurange, ciki ye a yila yirom boka mwetiye kange dika cwile kale. 4 Yecu ciya, yi ci kom de kom tiyangum. 5 nobo durce an bõ ki denmir ci yan to ki kimo almacihu, take ciyan dok kangem kila tiya ngum. 6 kan nuwa fulen kwerer kang ka dir kwener, kom cubi, okm nuwa tai, tamyo dig buro bwi, dila cwila bwiri, 7 ber an kwenan kange ber nin ten liyar an kwenang liyar nin ten an ma wura kange mulcaka bitinek fiye kidimen ki dimen. 8 di gwam buro kabak buwarum bõ ka koni 9 biko wo, ci an niken kom dotange nin, ci twalum kom gwam bero an kwer kom ki ker denemir 10 fo dang tang kila a kottang tiye, ciyan kwerkom bwiti, ci ko ciya ka bwiti 11 no curkebo kila a kwenu tiye ciya dur kali to tiyangum. 12 timi bi cirin cwika ko kila anyibom. 13 dila wo mwirumum meri an fiya fuloka. 14 an tok fulan diyar dorbitinero gwam, be na yilam warka dor nobo nyombo kwama. nimde cwile bõ 15 di na kom to dige wo nidurkume Danieltok ker cere, tim fiye wucak ke [ni kiyetiye na nyimi] 16 buro yahudiya ciya cukken dor, bangnge, 17 wuro dor luwe diye ca yirare na co to kange diye mor luwece 18 niwo take ca yilau de lo bõ na co tũbeke ce dur ko 19 kwan nobo tom ki bi bi bei kange nobo nẽ yir tiye fo kumeni wo 20 kom kwob dila cwaki kume ko a yilare yuko bau kange bi diye kume fobka [acabaci] 21 an ma dotange tẽnan tenange wo mambo wi ka cik fwelka kale wo yau ciko dwen. o-on mana wuro ti tak. 22 na kebowo ci mwatum kumeri na kange nii man bũũtiye, ker nobo wo ci cukange, ci mwatum kume. 23 tano kange yiki tõ almacihu wo kaka almacihu wuren, wo kom nere bilenkẽ 24 wob curkebo kange almacian curke ci an bõ ci nung yirom kange deger nyomamka, an ci bol 25 nubo kila yana kangi tana anmam di kange wo cukange. kom towa, mam yim kom tiya an bou. 26 nyona cuwo, naci yi kom wuren kii kaka wuren yurangum kũũkom nere bilenka 27 na wo mulankako tibati twar yaken cuko mẽ, nyo boko bi bwe nifiri a yila tiye 28 fiye nange buyan buya wiye co fiye bicabuni ki mwer kande. 29 di can cando wo bwiko kumeni dotange wo, kakuko an fin kumta cili, cwakko mani a nẽ filancekoti, bitirendo an yarangu firen dii kwama, bikwan wo nii kwama cin muka, 30 nimde yerom bibwe nii firo an cirkangu for dii kwama, gwam nobo kalewo ciyan ma fir neret. cia to bi bwe nifire a bõmor bilore kibi kwan kange duktangka wo dwi nyeu 31 an tom bibei tomange ce wo wucakke ki dir cumer kwamkwame, nobo co kwabe mor culangko na'ar tati wile dii kwama yaken coki wine nin 32 kom tu merangka tii nyingcin do nin tana kan ceko yoten fuka, ter neka laluweko, kan nyomon tirakkon dadom 33 nyo tano kom to dige wo gwam ko nyomom dadom, kino nyilok 34 mayi kom bilenketi, kaldowo mani a cuti, dige wo gwam an bwi 35 dii kwama kange bitine an cum, dii ker miro mani a cuti 36 di la ker diye do ni mani wo nyome, nob tomange bo wucak dii kwama, kange bwe, kan Tẽẽ win 37 nawo kume ni nuhu, ayila tiye ki boka bi bwe nifire 38 kume ni wureno, nimde mwem cufana bau, nobo ti cai noi, citi nai, ci nakenti, diye nuhu doken nabire mweme 39 cin nyombo kange diker, la mwembo, bo cam ci, nyo boka bi bwe nifire a yila tiye 40 nobo you tim take, an tom win dobti win bwi 41 natubo yob kwa nirti dor kannya an tom win dobti yim baim, wori kom yombo dige teluwe kume a botiye 42 kom nyomom wuro, na nii kuwe nyomom fiyang nii kuye a boutiyeri na kin yi ki bati, mani a dob loceti, ci wuri ci doken. 43 kom yiki bati, bi bwe nii an bõ fiye kom man ki nyomka 44 we canga ken wo ki yilen ne, wo luweti, na neci cariti kambo datenni? nibi bwiyere canga, teluwece bo a fiya coti 45 we canga ken wo ki yilen ne wo teluwe ce yo na to cinen luwe anneci, cariti kambo daten ne? 46 nibibwiyere canga, teluwece bo a fiya coti 47 mayi okm bilenketi teluwe ce an yoti co dor dige co cike gwam 48 tana canga bwirko yi mor nerece, teluweme tabum bwi 49 coter bukka tannum cangabo, co cati coti noi, kange tangnum nob nukabo 50 Teluwe canga wo an yilau kakuko canga wo manki bati, fiya cuwo co nyombo 51 teluwece an torangum co yob, cwile ce an yilam dong dong kange nii bwir tinim a yoco fiye cin wiye ti ka kuka nuneke.