Bibeli Luayãtaalá Soũↄ 67

67

Báaa gbɛaa Luawa

1 Lɛ pↄ́ wì sí ń kúuↄɛ.

2 Lua, wá wɛ̃nagwa,

wá wɛgwa, ní báaadawágu,

3 kɛ́ dṹnia gbɛ̃́pii n zɛ́ dↄ̃,

bui píi i dↄ̃ lá ni gbɛ̃́ suaba.

4 Wa n táasilɛ Lua,

gbɛ̃́pii a n táasilɛ.

5 Bui píi a pↄnakɛ, i gulakɛ,

asa ni yã́kpalɛkɛ ń gbɛ̃́ↄ a zɛ́wa,

ni dↄaa buiↄnɛ píi.

6 Wa n táasilɛ Lua,

gbɛ̃́pii a n táasilɛ.

7 Tↄↄlɛ a blɛkɛ,

Lua wá Lua a báaadawágu.

8 Lua a báaadawágu,

gbɛ̃́pii i vĩakɛɛ̀ e dṹnia lɛ́wa.