136
Dii sáaukpaa
1 À Dii sáaukpa, asa a maaɛ,
aà gbɛ̃kɛ láaa vĩo.
2 À luaↄ Lua sáaukpa,
aà gbɛ̃kɛ láaa vĩo.
3 À diiↄ Dii sáaukpa,
aà gbɛ̃kɛ láaa vĩo.
4 Ɔ̃mɛ ì dabudabu zↄ̃ↄↄ kɛ ado,
aà gbɛ̃kɛ láaa vĩo.
5 Ɔ̃mɛ musu kɛ̀ ń a ↄ̃nↄo,
aà gbɛ̃kɛ láaa vĩo.
6 Ɔ̃mɛ tↄↄlɛ pòo ía,* Daa 1.1-2
aà gbɛ̃kɛ láaa vĩo.
7 Ɔ̃mɛ gupuakũna zↄ̃ↄↄ kɛ̀,
aà gbɛ̃kɛ láaa vĩo.
8 À ĩatɛ̃ kɛ̀ à kible fãanɛ,
aà gbɛ̃kɛ láaa vĩo.
9 Mↄvua ń saanaↄ ì kible gwã́,† Daa 1.16
aà gbɛ̃kɛ láaa vĩo.
10 Ɔ̃mɛ Egipiↄ nɛgↄ̃ɛ sɛ̃́iaↄ dɛ̀dɛ,
aà gbɛ̃kɛ láaa vĩo,
11 À Isailiↄ bↄ̀lɛ ń guu,‡ Bↄa 12.29-31
aà gbɛ̃kɛ láaa vĩo.
12 À a gã̀sĩ pòo ń a iko gbãao,
aà gbɛ̃kɛ láaa vĩo.
13 À Ísia Tɛ̃a zↄ̃̀ɛ pla,
aà gbɛ̃kɛ láaa vĩo.
14 A tò Isailiↄ gɛ̃̀ ípi zãnguo,
aà gbɛ̃kɛ láaa vĩo.
15 A tò ípi dà Falaↄ̃ↄ ń a zĩgↄ̃ↄla,§ Bↄa 14.21-29
aà gbɛ̃kɛ láaa vĩo.
16 Ɔ̃mɛ dↄ̀aa a gbɛ̃́ↄnɛ guwaiwaiu,
aà gbɛ̃kɛ láaa vĩo.
17 Ɔ̃mɛ kía zↄ̃ↄↄ tↄ̀lↄzↄ̃̀,
aà gbɛ̃kɛ láaa vĩo.
18 À kía gawideↄ dɛ̀dɛ,
aà gbɛ̃kɛ láaa vĩo.
19 Amↄleↄ kí Siↄ̃,
aà gbɛ̃kɛ láaa vĩo.
20 Ń Basana kí Oguo,* Nao 21.21-35
aà gbɛ̃kɛ láaa vĩo.
21 À gbadà ń ń bùsuo,
aà gbɛ̃kɛ láaa vĩo.
22 A kpà a zↄ̀blena Isailiↄwa,
aà gbɛ̃kɛ láaa vĩo.
23 Ibɛɛↄ ↄnaalɛawá i sãaàguo,
aà gbɛ̃kɛ láaa vĩo.
24 À wá bↄ́lɛ wá ibɛɛpiↄ guu,
aà gbɛ̃kɛ láaa vĩo.
25 Ɔ̃mɛ ì blɛ kpa pↄ́piiwa,
aà gbɛ̃kɛ láaa vĩo.
26 À Lua Musude sáaukpa,
aà gbɛ̃kɛ láaa vĩo.