Luda yã takada kↄ̃n Bokobaru yão SAAMUNƆ 53

Mìsaidee yã'ona

Dauda lɛ̀.

1 Yↄ̃nkↄↄ è be a swɛ̃̀n Ludaa kuuro.

Gbɛ̃nↄ yàka, aↄ̃ yãkɛna zaa,

yãmaakɛri kee kú ń tɛ́ro.

2 Zaa musu Luda è gbɛ̃nteenↄ tàasi kɛ

à gwa tó gbɛ̃ke ↄ̃ndↄ̃ↄ kà à a kii wɛtɛ.

3 Aↄ̃ sã̀sã ń píngi aↄ̃ gↄ̃̀ dↄ̀rↄ sai míↄmiↄ,

yãmaakɛri kee kú ń tɛ́ro, baa mɛ̀n do.

4 Zaakɛrinↄↄ dↄ̃na vĩroo?

Aↄ̃è ma gbɛ̃nↄ mↄ́mↄ lán ú bà,

aↄ̃è Luda sísiro.

5 Gwen vĩa ń kũn maamaa,

vĩapↄnↄↄ kú gwe sↄ̃ro.

Ludaa tò gbɛ̃ kɛ̀ aↄ̃ lɛ̀ɛawaanↄ gↄ̃̀ kaɛna gɛ̀nↄ ũ,

a wí dàḿma kɛ̀ Luda gìńzi yãnzi.

6 Luda, ǹ bↄ Zayↄn ǹ mↄ́ ǹ Isarailinↄ mì sí!

Tó Luda sↄ̀kpa kↄ̃n a gbɛ̃nↄ ń gwena ziin,

Yakubu boriinↄ é pↄnnaa kɛ,

Isarailinↄ é yáa dↄ.