1 Wa sáabu kɛ̀nnɛ Luda, wa sáabu kɛ̀nnɛ.

Tó wà n yãbↄnsaɛnↄ tↄ̃kɛ̃̀, nɛɛ̀gↄ̃ kú kĩi.

2 Luda bè: Ma gurↄↄ dìɛ

kɛ̀ mɛ́ yãkpaɛ kɛ a zɛ́a.

3 Tó anduna nìgã kↄ̃n gbɛ̃ kɛ̀ aↄ̃ kúnnↄ ń píngi,

mámbe mɛɛ̀ à wesagbanↄ kũ gíngin.

4 Mɛɛ̀ o wadadeenↄnɛ aↄ̃ton ĩa dãro,

mɛɛ̀ o zaakɛrinↄnɛ aↄ̃ton kùsɛ biiro.

5 Àton kùsɛ bii ludambɛaro,

àton waa nↄnↄmaziro.

6 Zaakɛ gbãaa è bↄ ↄfãntɛ̃bↄɛ kpa ke a gɛ̃kpɛn kparo,

è bↄ gbáanlo,

7 Ludan yãkpaɛkɛri ũ,

àmbe è gbɛ̃ doo lago à gbɛ̃ doo kaara.

8 Togoo kú Dii ↄzĩ, í gbãaa kán à pà,

èe sɛsɛɛ à pↄfɛ̃ ũ.

È kú anduna zaakɛrinↄnɛ ń píngi,

ben aↄ̃è mi wà yãa láe kↄ̃n à gbↄ̃̀o.

9 Mapi sↄ̃, mɛ́gↄ̃ yã pì oo gurↄ píngi,

mɛ́ Yakubu Luda táaki lɛ́.

10 Mɛ́ zaakɛrinↄ koba ɛ́'ɛ,

gbɛ̃ maaanↄ koba sↄ̃, mɛ́ sɛ́ musu.