Luda yã takada kↄ̃n Bokobaru yão SAAMUNƆ 82

82

Yãkpaɛkɛna kↄ̃n gbãadeenↄ

Asafa lɛ̀.

1 Ludaa vɛ̃ɛna pari kakↄ̃ana guu,

èe yãkpaɛ kɛɛ kↄ̃n Ludanↄ à bè:

2 Ai bↄrɛn égↄ̃ yãkpaɛ kɛɛ a kpɛɛgãnda

à yã sí kↄ̃n zaakɛrinↄo?

3 À yã nnaa kpá gbãasaideenↄa kↄ̃n tonɛnↄ,

à zɛ kↄ̃n takaasideenↄ

kↄ̃n gbɛ̃ kɛ̀ wèe wɛ́ɛ tãaḿmanↄo.

4 À gbãasaideenↄ kↄ̃n wɛ̃ndadeenↄ mì sí,

à ń bↄ zaakɛrinↄ ↄzĩ.

5 Aↄ̃ yãke dↄ̃ro, aↄ̃ↄ à ke gbá zɛ́ dↄ̃ro,

aↄ̃ↄ kú gusiaa guumɛ,

ben anduna nìgã ai a gĩzĩ.

6 Ma bè Ludanↄn a ũ,

Luda Musude nɛ́nↄn a ũ a píngi.

7 Baa kↄ̃n beeeo é ga gbɛ̃ntee gana ũmɛ,

é kpá guuzi lán gbãade kpaaanↄ bàmɛ.

8 Luda, ǹ fɛɛ ǹ yãkpaɛ kɛ kↄ̃n andunao,

zaakɛ bori píngi nɛ́ n pↄ́mɛ.