6
Tuombta aiŋir kamnderta ramtaɨra tɨpemb kirarir laiŋ tiŋgikca mo
1 Ro 2.24, na Epe 6.5, na Kol 3.22, na Ta 2.5, na 2.8-9, na 1 Pi 2.18Na tuombta aiŋir kamndera morena ramtaɨr, mina ndorita ramtaɨr paŋaindmo torica, mina kaŋgaukca eacraŋnandet. Te, meikramtaɨra Raraŋ Aetaniacna imo kam ŋgoreaca mba mbopitndai. Na aina riptirena kam motocmo peperena kam ŋgoreaca mba mbopitndai.
2 Kol 4.1, na 1 Ti 4.11, na Pm 1.16Na tuombta aiŋir kamndera morena ramoot paŋan, ma Iesusa rɨpacrena laiplacarta ian ndaru te, mina manmo kai torica ŋate teac, ma ande aina kaka ŋgoin. Aintik mina mana aiŋa mataui mo, man mbuŋa mina eteac laŋ aŋgɨnandet, na mina manmo matŋi. Na an reikmo u meikramtaɨrmo muruŋa matau gagra ripti.
Paparuna riptina kammapa, kitukndukca matŋirenanna anna tɨp kirar ŋgoreacna mɨnɨŋ ŋgoin
3 Gal 1.6-9, na 2 Ti 1.13Na aina Kacoot Iesus Karaisna kambca ma aimo Raraŋ Aetaniacna tɨpemb kirarir laiŋmo riptirena. Na ramoot ianna an tɨkcari te, ma Iesusna kambta kirara wanaiŋa meikramtaɨrmo kabena kambmo ripti te, 4 1 Ko 8.2, na 1 Ti 1.4, na 1.7, na 2 Ti 2.23, na Ta 3.9na aia lamŋinandet, an ramootta ma ndona tɨpemb kirarirmo toŋtoŋ ŋgoin. Aintik ma paŋan gargar, na ma reac ianna mba lamŋirenan. Mana iroa ma reikmo kam mbuŋa mbopca gagrarenan, na iptipuŋna iroap, na kam mbuŋa ipuŋrena. An kamma meikramtaɨrmo moca mina nikkatrena, na ipuŋrena, na kabena meikramtaɨrmo peperena kam ŋgoreac ndoprenan, na kabena meikramtaɨrmo iro ŋgoreacap eacrena. 5 1 Ko 11.16, na 2 Ti 3.8, na 4.4, na Ta 1.11, na 1.14, na 2 Pi 2.3Ainda moca memetmbaca mina kam mbuŋa ipuŋrena. Na ainta ramtaɨrta iroara, kocnaia ŋaŋaorina, aintik mina kam gidikca mba lamŋirenanna. Mina Raraŋ Aetaniacna tɨpemb kirarirmo, reik aŋgɨrena taup ndoprena.
6 Ŋap 37.16, na ML 15.16, na Pil 4.11-12, na 1 Ti 4.8, na Ib 13.5Na aia Raraŋ Aetaniacna tɨpemb kirarira raŋgai te, ma aimo neaŋrena reikca aia toŋgonandet. Te, aia reik wɨtta aŋgɨnandet. 7 Iop 1.21, na Ŋap 49.17, na ML 27.24, na LR 5.15Na aia lamŋirena, aina aemera aimo mɨrrina, aia gan tiacarpaikmo reac ianna mba aŋgɨ kɨprinan, na aia gan tiacarpaikmo tɨkcarica taŋ te, aia reac ianna mba aŋgɨ taŋitndai. 8 ML 30.8, na Ib 13.5Na aia amta reikapa, tik ŋgapoikta lamboirap te, aia gaindopnandet, “Anna aimo mɨn.” 9 ML 23.4, na 28.22, na Mt 13.22, na 1 Ti 1.19, na 3.7, na Ie 5.1Aintik meikramtaɨra lamin aniaca toŋgorenanna, totowaira kɨpca, minmo towaica mina anna irik te, mina ande ŋgoaemma weaŋa mbukca eacrena kirar toc. Te, mina iroar inkara moca mina ŋgepca reik ŋgorikca monandet. Te, anna ndo minmo moi iroar paurinande. Na an tɨpna kirar mbuŋa minmo moca mina ŋgocrainandet. 10 NA 23.8, na TW 16.19, na Epe 5.5Ainda moca kitukndukar matŋirenanna, anna ndo tɨpemb ŋgorikta makukar wɨtna mɨnɨŋ. Aintik ramtaɨr ndeida kitukndukca matŋirenanna, an tɨpemb kirarir puŋga mina ŋaŋaoca ndorita rɨtɨpaikmo, kecamacariri. Na mina makukar anikca mbukraŋnande.
U paŋpaiŋa oot te, u iarwarna eteacna wat aŋgɨnandet
11 2 Ti 2.22Na u Raraŋ Aetaniacna ramoot, u an reikta moa kɨpcarica, na u gan reikca raŋgai, u ramoot wandoŋa eaca, u Raraŋ Aetaniacna tɨpca matau raŋgaia, na u Raraŋ Aetaniacmo matau rɨpac, na kabena meikramtaɨrmo matau matŋi, na una rɨtɨpaca moi gagraca eac, na kabena meikramtaɨrmo iro wetwet neaŋ. 12 1 Ko 9.25-26, na 1 Ti 1.18, na 2 Ti 4.7Te, u ndona rɨtɨpacna moca, runduŋ laŋa ruŋ. Na u ndona iarwarna eteacna watmo u matau utiŋ, anna moca, umo acatna, u meikramtaɨr wɨtta lamnik ŋgoutta, tɨkca u ndo Raraŋ Aetaniaca rɨpacatna kam ndopatna.
13-14 In 5.21, na 18.36-37, na 19.11, na Pil 1.6, na 1.10, na 1 Te 3.13, na 5.23, na 1 Ti 5.21, na KIEK 1.5Na reikmo muruŋa wat neaŋrena Raraŋ Aetaniacna lamnɨacapa, Karais Iesusna lamnɨacmo, ma gagraca wɨtɨkca Pontius Pailatmo kambmo wiwitirenanna, aku unmo gagraca aindopek. U an aŋgɨatna kambmo matau raŋgai. Na an kambmo kai mo pauri teac, na reac ianna kai moca meikramtaɨra anmo kamb ŋgorik topnandet. Wanaiŋ. U anmo matau raŋgaia taŋca aina Kacoot Iesus Karaisa raekca laruna. 15 TW 10.17, na 1 Ti 1.11, na 1.17, na KIEK 17.14, na 19.16Taŋca aina Raraŋ Aetaniaca larapacrina ra laru te. Na Raraŋ Aetaniac, ma toŋgorena tɨpemb kirarira ma anna mɨnɨŋ. Na ma ndo kabea reikmo muruŋa bubuocrena ramoot. Ma gagrirta ramtaɨr paŋaindta Gagrirta Ramoot Paŋan, na ma kacootarta Kacoot Paŋan, 16 NA 33.20, na In 6.46, na Pil 4.20, na Iu 1.25na ma mba menacrenan, na ma memetac aniacap eacrenan, na ramoot ianna manmo mba watri, na mamo watna mɨnna wanaiŋ. Aintik aia muruŋa mana i aniacmo aŋgɨ ŋgepraŋ, na mana gargara iarwara eacraŋnandet. Anna gidik.
Meikramtaɨra lamin wɨt aniacap, mina Raraŋ Aetaniacmo rɨpaca, kabena meikramtaɨrmo otac
17 Ŋap 62.10, na Mk 10.24, na Lk 12.20-21, na 1 Te 1.9Gan tiacarpaikna lamin aniacapna meikramtaɨrmo, u minmo matau mbopi gagraca, mina ndorita irembmo, tamuŋa kai aŋgɨ ga teac. Na mina ndorita lamin aniacna moca kai rɨpac teac, anna ma memetmbaca mba eacitndai. Mina Raraŋ Aetaniacmo ndorita rɨtɨpaik tɨk te, ma ndo aina toŋtoŋgarta landamŋiarta reikca ma neaŋnandet. 18 Ro 12.13, na Gal 6.6, na Ta 3.8, na Ib 13.16, na Ie 2.5Na minmo matau mbopi gagraca, mina tɨpemb kirarir laiŋga moraŋ, na meikramtaɨra reik ŋgocortanmo otac, na ndorita reikmo biŋai. 19 Mt 6.19-20Na mina ainda mo te, iŋmbaia min ŋgopotacna reik wɨt aniaca, mina aŋgɨ wembacnandet. Na mina an kɨpekna iarwarna eteacna watta, mina anmo aŋgɨca utiŋnandet.
Timoti, ma ndona aiŋmo matau raupŋi
20 1 Ti 4.6-7, na 2 Ti 1.14, na 2.14, na Ta 1.9, na KIEK 3.3Na Timoti, an reaca mina una para tɨkrinanmo u matau raupŋi. Na an kambca mɨniŋ kocortanna, u anmo iŋ neaŋ, na meikramtaɨra Raraŋ Aetaniacna kammo raŋgai ŋgocortanmo u mina kambca kai warac teac. Na an meikramtaɨra ndorimo gainda morena, mina landamŋi laiŋgap nandmo u minmo tawan ndeac. Na mina kam kambca muruŋa ipuŋga mbopreke, mina Raraŋ Aetaniacna riptimo ndarena. 21 1 Ti 1.16, na 1.19, na 2 Ti 2.18Ainda moca ramtaɨr ndeida an landamŋia raŋgaia, mina rɨtɨpacna iroar aŋtaŋgɨa mina mandarekrekeri.
Na Raraŋ Aetaniacna kakadmaina opotaca nenap eacnandet.
6:1 Ro 2.24, na Epe 6.5, na Kol 3.22, na Ta 2.5, na 2.8-9, na 1 Pi 2.18
6:2 Kol 4.1, na 1 Ti 4.11, na Pm 1.16
6:3 Gal 1.6-9, na 2 Ti 1.13
6:4 1 Ko 8.2, na 1 Ti 1.4, na 1.7, na 2 Ti 2.23, na Ta 3.9
6:5 1 Ko 11.16, na 2 Ti 3.8, na 4.4, na Ta 1.11, na 1.14, na 2 Pi 2.3
6:6 Ŋap 37.16, na ML 15.16, na Pil 4.11-12, na 1 Ti 4.8, na Ib 13.5
6:7 Iop 1.21, na Ŋap 49.17, na ML 27.24, na LR 5.15
6:8 ML 30.8, na Ib 13.5
6:9 ML 23.4, na 28.22, na Mt 13.22, na 1 Ti 1.19, na 3.7, na Ie 5.1
6:10 NA 23.8, na TW 16.19, na Epe 5.5
6:11 2 Ti 2.22
6:12 1 Ko 9.25-26, na 1 Ti 1.18, na 2 Ti 4.7
6:13-14 In 5.21, na 18.36-37, na 19.11, na Pil 1.6, na 1.10, na 1 Te 3.13, na 5.23, na 1 Ti 5.21, na KIEK 1.5
6:15 TW 10.17, na 1 Ti 1.11, na 1.17, na KIEK 17.14, na 19.16
6:16 NA 33.20, na In 6.46, na Pil 4.20, na Iu 1.25
6:17 Ŋap 62.10, na Mk 10.24, na Lk 12.20-21, na 1 Te 1.9
6:18 Ro 12.13, na Gal 6.6, na Ta 3.8, na Ib 13.16, na Ie 2.5
6:19 Mt 6.19-20
6:20 1 Ti 4.6-7, na 2 Ti 1.14, na 2.14, na Ta 1.9, na KIEK 3.3
6:21 1 Ti 1.16, na 1.19, na 2 Ti 2.18