Aia Karais Iesusna tik toc ndeaca Raraŋ Aetaniacna tɨpemb kirarirmo raŋgairaŋna
4
(4—6)
Aia Iesusna rɨtɨpacna meikramtaɨra aia Karaisna tik toc
1 Epe 3.1, na Pil 1.27, na Kol 1.10, na 1 Te 2.12, na Pm 1.1, 9Aku Pol, aku Kacootna aiŋa morenan, aintik aku kac ŋgoreaca eacrenan. Na aku nenmo gagraca mambopek, Raraŋ Aetaniaca nena ŋgacrina ataca ne manmo matau ŋgoinna raŋgai, na ma toŋgorena tɨpna kirara, ne wandoŋa taŋraŋ. 2 Up 20.19, na Gal 5.22-23, na Kol 3.12-13Na ne kabena rɨtɨpaikta meikramtaɨrmo, ndorita irembmo kai aŋgɨ ŋgep teac, ne mina kaŋgauk ndeac, na minmo kaega kai mo teac, minmo laŋan wetwetta mo, na mina nenmo makukca neaŋ te, ne nikca kai tawi kat teac, na mina nenmo makukca neaŋ te, ne kabe, kabea minmo mamatŋina tɨp kirara moraŋ, na mina nenmo neaŋrina mitkarmo ne mbuk. 3 Kol 3.14-15Na nikinik iro kabena eteacna tɨpna kirarapa, nikinik iro wetwetta eacrenan tɨp kirara Ŋeroŋ Ratta aimo neaŋrina, na an tɨpna kirara ma ŋgatɨkna kirara aimo leaca aia wiwit kabe mamoat. Ainda moca ne gagaraca an tɨp kirarmo utiŋ. 4 Ro 12.5, na 1 Ko 12.4, na 12.11-12, na Epe 1.18, na 2.16-18Na Ŋeroŋ Rat kabe niŋgikapa, tik umbum kabe niŋgikca eacrenan. Ainda moca Raraŋ Aetaniaca nenmo aca ne reac kabe niŋgikna lambi, na reik laiŋga ma aimo monanna, ma moca mɨnna tɨknandet. 5 In 10.16, na 1 Ko 1.13, na 2 Ko 11.4, na Gal 3.27-28, na Ib 6.6Na Kacoot kabe niŋgikca eacrenan, na rɨtɨpacna tɨp kirar kabe niŋgikapa kɨtac puk kabe niŋgikca eacrenan. 6 Ro 11.36, na 1 Ko 12.6Na Raraŋ Aetaniac kabe niŋgikca eacrenan, na ma aina muruŋcamiŋna Aet kabe. Ainda moca ma meikramtaɨrmo muruŋcamiŋa tamuŋmbai, na ma meikramtaɨrmo muruŋcamiŋna rɨkca aiŋa morenan. Na meikramtaɨrmo, ma muruŋcamiŋa mina inkar teacrenan.
7 Ro 12.3, na 12.6, na 1 Ko 12.11Na Karaisa aimo kabe, kabemo reac aniac laŋ ŋgoinna wanaiŋa neaŋrinan, aintik Raraŋ Aetaniaca aimo kabe, kabemo kakadmai aniac ŋgoin neaŋrina. 8 Ŋap 68.18, na Kol 2.15Ainda moca Raraŋ Aetaniacna timbigta kapca gaindoprinan,
“Ma tamuŋ ŋgoin nagarinan,
na ma tuombnaŋgepta meikramtaɨrap
aŋgɨca manap mataŋgat.
Na meikramtaɨrmo
ma reik laiŋga wanaiŋa neaŋrinan.”
9 In 3.13Na gan kamma, “Ma tamuŋa gacatna” mana mɨnɨŋa gaind, ma aimo Karaisa tamuŋa gaga niŋgikca mba wandacrina. Wanaiŋ. Outta Karaisa tamuŋna auŋ ndeacri, na ma gan tiacarpaik mairikat. Na iŋmbaia ma tamuŋ mac nda gacnandet. 10 Ib 4.14, na 9.24Na gan ramoot, ma ŋgaua gan tiacarpaikca irikatnanna, ma toco ma tamuŋa gacnandet. Na ma tamuŋna riacapa guiarmo kunda tamuŋna auŋmo gacatna, te, ma reikmo moca mɨnna tɨknandet. 11 Ro 12.7, na 1 Ko 12.28, na 2 Ti 4.5Na ma ndo an reik laiŋga meikramtaɨrmo wanaiŋa neaŋrinan, ndeidmo ma up aŋgɨrena ramtaɨrta aiŋira neaŋrina, na ndeidmo rambca morena ramtaɨrta aiŋira neaŋrina, na ndeidmo ma kam wembaŋ laŋa wiwitia auŋembca taŋna aiŋira neaŋrina, na ndeidmo ma rɨtɨpacna tumbunna ŋginaŋna aiŋa monanapa, ririptina aiŋira neaŋrina. 12 1 Ko 12.7, na Epe 1.23, na 2 Ti 3.17Na Karaisa aimo Raraŋ Aetaniacna meikramtaɨrmo, an aiŋir laiŋga ma wanaiŋa neaŋrinan, na aimo otaca aia mana aiŋmo laŋa monan. Te, Karaisna tikca ma gagaraca laŋ ndeacnande. 13 1 Ko 14.20, na Kol 1.28, na 2.2Na an aiŋa ma aimo moca taŋi aina rɨtɨpaikca gidik ŋgoin ndarunandet, te, aia nikinik iro kabe ŋgoinna eacnandet, na aia muruŋcamiŋa Raraŋ Aetaniacna Nuocmo matau ŋgoinna lamŋinandet. Na aina rɨtɨpaikca ma meikramtaɨr anik toc ndaruca, aimo moi gagranandet, te, Karaisa ndo aŋgɨrina tɨpna kirar laŋa aia aŋgɨnandet. 14 Ais 28.9, na 1 Ko 14.20, na 2 Ko 2.17, na Ib 13.9Na aia mombonik tekernoikca, mba mac eacitndai, na an wai aoca meikramtaɨrmo matau ŋgoinna paparuna kam mbuŋa mboprena ramootna kamma, ma watapa macaitta kormo rukria taŋrena kirara mba rukri taŋitndai. Na kora tamtamca utia, mana tataŋna taupca wandoŋa mba taŋitndai. Na aia ainda mba eacitndait. 15 Epe 1.22, na 4.25, na Kol 1.18, na 1 Io 3.18Ainda moca ainta kamb ŋgorikmo, aia ndorita kourmo kai tɨki warac teac. Kari ŋgoin ndacari. Na aia kabena meikramtaɨrmo, mamatŋina tɨpna kirarmo raŋgairaŋ, na minmo kamb gidkar tiŋgikca mbopraŋ. Te, aia meikramtaɨr gagrarca laruca aia Karaismo matau mɨkna, na ma aina paŋan. 16 Kol 2.19Na aina kabe, kabena tikemb umbumbura ma moca, mina mɨkca aiŋira morenan. Na aina tikca gagrirapa budira utiŋga gagaraca eacrenan. Ainda moca aina tik umbumbura ndorimo, kabe kabea ndorita aiŋira morena, na an tɨpna kirara aina tikca ma gagaraca acnairenan, na kabena meikramtaɨra mamatŋina tɨpna kirara ma raŋgairena.
Rɨtɨpacna meikramtaɨra Karaisna tɨp kirar ŋgammo raŋgairaŋ
17 Ro 1.21, na 1 Pi 1.14Ainda moca aku nenmo kam gargar mbuŋa Kacootna i mbuŋa mambopek, ne an Iudana meikramtaɨr wanaiŋa rɨpac ŋgocorta tɨpemb kirarira kai raŋgaica taŋ teac. Mina iroara rorerina. 18 Up 26.18, na Gal 4.8, na Epe 2.12, na 1 Te 4.5Na mina iroara ŋgorik, na mina neaup maeacreke. Na mina iroar laiŋ kocor, aintik mina iroar inkara mboraca mina Raraŋ Aetaniacna eteacna watmo raekmbaia eacrenan. 19 Kol 3.5Na mina morena tɨpembta kirarira mina numbira mba morenan. Na mina an tɨpemb kirarir ŋgorikta inikca mbukca, mina iroar inkara ŋgepca, mina ainta tɨpemb ŋgadudukar ŋgorikmo, memetmbaca mona iroarap.
20-21 Na aku lamŋirena, ne Karaisna kammo ne waracrina, na mina nenmo Iesusna kam gidikca riptirinan. Na aku lamŋirena, mina nenmo an tɨpemb kirarir ŋgorikca, an rɨpac ŋgocorta meikramtaɨra morenan mbuŋa, mba riptirena. 22 Ro 6.6, na 8.13, na Epe 2.2-3, na 4.17, na Kol 3.9, na Ib 12.1, na 1 Pi 4.3Na ŋgaua ne toco, an nena nikinik iroar bagrar puŋga taŋrinan, na mana tɨpemb kirarira, paparurenan, na nikinik iro ŋgoreaca ŋgepca tɨp kirar ŋgoreaca monandet, na an tɨp kirara ndo unmo taup ŋgoreaca warkica taŋca ŋgocrairena. Aintik mandeaca ne an tɨpemb kirarir bagrarmo, mo kecari. 23 Ro 12.2, na Kol 3.10Na ne Raraŋ Aetaniacmo wattacarica, ma nena iroarmo moi ŋgaib tarunandet. 24 RL 1.26, na Ro 6.4, na Epe 2.10, na Kol 3.10Te, ne meikramtaɨr ŋgaib laiŋ ndarunandet. Na meikramtaɨra Raraŋ Aetaniaca riacrinanna, mina meikramtaɨr ŋgaib ndaruca mina Raraŋ Aetaniacna kirar toc ndeacnandet. Na an tɨpna kirar mbuŋa mina tɨpemb kirarira wandoik koind, na rat ŋgoin.
25 Sek 8.16, na Ro 12.5, na Kol 3.8-9Ainda moca ne paparuna tɨpemb kirarirmo tɨkcari. Na aia muruŋcamiŋa tik kabena tɨp kirar ndeacrenan, aintik ne muruŋcamiŋa kabena rɨtɨpacna meikramtaɨrmo kam gidik niŋgikca mbopraŋ. 26 Ŋap 4.4, na Ie 1.19-20Na ne nikkat te, ne ndorimo wat. Moca ne tɨpemb ŋgorikta makukara mo nari. Na moca nena nikkakatta eaca ra irik nari. 27 2 Ko 2.10-11, na Ie 4.7, na 1 Pi 5.9Na moca ne Paparuna Ramootmo taup tɨk nari. 28 1 Te 4.11, na 2 Te 3.8, na 3.11-12Ainda moca reik macmakɨmna meikramtaɨra, mina reikca kai makɨm teac, kari ŋgoin. Na mandeaca mina aiŋira moraŋ. Aintik mina aiŋirmo ndorita par mbuŋa moraŋ te, mina reik wɨt laiŋ aŋgɨnandet. Na an reik matpirina meikramtaɨrmo, mina minmo otacna mɨn. 29 Epe 5.4, na Kol 3.8, na 3.16, na 4.6, na 1 Te 5.11Na nena upembta kambca, kamb ŋgorik koinda kai mbop teac. Kari ŋgoin ndacari. Na ne kamb laiŋ tiŋgik topraŋ te, ne kabena meikramtaɨrmo moi gagranandet. Na ainta kambca, ma Raraŋ Aetaniacna kakadmaimo, meikramtaɨra mana kamb mbaracrenanmo aŋgɨca taŋrena. 30 Ais 63.10, na Ro 8.23, na Epe 1.13-14, na 1 Te 5.19Na ne Raraŋ Aetaniacna Ŋeroŋ Ratmo, kakadmaina makukca kai neaŋ teac. Na Raraŋ Aetaniac, ma nenmo Ŋeroŋ Ratta neaŋrinanna, anna ne mana larapacatna meikramtaɨr koinda wandacrena, na an ra ma nenmo mac nda aŋgɨna kɨp te, ne mitkar kocor koinda wanaiŋa eacnandet. 31 Kol 3.8, na 3.18-19, na Ta 3.2-3, na 1 Pi 2.1Na ne nikinik iro ŋgoreacapa, nikkakatapa, tɨpemb ŋgorikmo muruŋcamiŋmo, mo kecari, na runduŋapa, nikkatca kam aniaca kerenanapa, peperena kam ŋgoreac tocmo, mo kecari. 32 Mt 6.14, na 18.22-35, na Mk 11.25, na 2 Ko 2.10, na Kol 3.13Aintik ne kabena rɨtɨpacna meikramtaɨrmo, tɨpemb kirarir laiŋga mo, na mimo iroar nikinikar wetwet laiŋga mo. Na ne mina tɨpemb ŋgorikta makukarmo, mo kecari. Na an tɨpna kirara Raraŋ Aetaniaca nena tɨpemb ŋgorikta makukarmo Iesusna i mbuŋa moca kecaririnan, ainda moca ne toco, mina tɨpemb ŋgorikta makukarmo, mo kecari.
4:1 Epe 3.1, na Pil 1.27, na Kol 1.10, na 1 Te 2.12, na Pm 1.1, 9
4:2 Up 20.19, na Gal 5.22-23, na Kol 3.12-13
4:3 Kol 3.14-15
4:4 Ro 12.5, na 1 Ko 12.4, na 12.11-12, na Epe 1.18, na 2.16-18
4:5 In 10.16, na 1 Ko 1.13, na 2 Ko 11.4, na Gal 3.27-28, na Ib 6.6
4:6 Ro 11.36, na 1 Ko 12.6
4:7 Ro 12.3, na 12.6, na 1 Ko 12.11
4:8 Ŋap 68.18, na Kol 2.15
4:9 In 3.13
4:10 Ib 4.14, na 9.24
4:11 Ro 12.7, na 1 Ko 12.28, na 2 Ti 4.5
4:12 1 Ko 12.7, na Epe 1.23, na 2 Ti 3.17
4:13 1 Ko 14.20, na Kol 1.28, na 2.2
4:14 Ais 28.9, na 1 Ko 14.20, na 2 Ko 2.17, na Ib 13.9
4:15 Epe 1.22, na 4.25, na Kol 1.18, na 1 Io 3.18
4:16 Kol 2.19
4:17 Ro 1.21, na 1 Pi 1.14
4:18 Up 26.18, na Gal 4.8, na Epe 2.12, na 1 Te 4.5
4:19 Kol 3.5
4:22 Ro 6.6, na 8.13, na Epe 2.2-3, na 4.17, na Kol 3.9, na Ib 12.1, na 1 Pi 4.3
4:23 Ro 12.2, na Kol 3.10
4:24 RL 1.26, na Ro 6.4, na Epe 2.10, na Kol 3.10
4:25 Sek 8.16, na Ro 12.5, na Kol 3.8-9
4:26 Ŋap 4.4, na Ie 1.19-20
4:27 2 Ko 2.10-11, na Ie 4.7, na 1 Pi 5.9
4:28 1 Te 4.11, na 2 Te 3.8, na 3.11-12
4:29 Epe 5.4, na Kol 3.8, na 3.16, na 4.6, na 1 Te 5.11
4:30 Ais 63.10, na Ro 8.23, na Epe 1.13-14, na 1 Te 5.19
4:31 Kol 3.8, na 3.18-19, na Ta 3.2-3, na 1 Pi 2.1
4:32 Mt 6.14, na 18.22-35, na Mk 11.25, na 2 Ko 2.10, na Kol 3.13