2
Raraŋ Aetaniaca aimo mac nda aŋgɨrinanna anna reac aniac ŋgoin
1 Na Raraŋ Aetaniacna Nuoca ma i aniac ŋgoinna aŋgɨrenan. Ainda moca an kamma aia waracrinanna, aia ndorita nikinik iroar inkarmo utiŋ gagraca mamo matau raŋgai. Moca aia ŋateca an kam laŋmo mba raŋgaiit, na aia ndarekrekke nari. 2  Ŋap 68.17Na atu ŋgoinna Raraŋ Aetaniaca ma kammo aina nicarmo, mbaiŋna aiŋa morena ŋerŋgaurta para tɨkca mina minmo neaŋrinanna, na an kamma ma gagraca eacrinanna. Te, meikramtaɨra mandaia an kammo waracna karirinan, na an kammo nda mboprinanna, mina an opoik ŋgoreaca mina morena tɨpemb ŋgorikta mɨnna mina maaŋgɨat.* Na an kam tɨpca Raraŋ Aetaniaca Mosesmo neaŋrina Tɨp Wandɨkna kambca mina an ndoprena. Na anna timbigta kap, Nda Aŋgɨatna sapta 19 taŋca sapta 20na mɨnna wat. Na an Nda Aŋgɨatna timbigta kapna inikca mbaiŋna aiŋa morena ŋeroŋna kambca mba mbopri, na Iudanaŋgepca mina gainda rɨpacrina, Raraŋ Aetaniaca ma mbaiŋna aiŋa morena ŋeroŋmo Tɨp Wandɨkmo mina para tɨkca mina Mosesmo neaŋrinan. Na Iesusna Up Aŋgɨrena Ramtaɨrta Aiŋna Nininina Timbigta Kap sapta 7 wes 38, na sapta 7 wes 53, na Galesia sapta 3 wes 19 tocmo u watnandet, an kam tɨp toco an ndeacrena. 3  Mt 4.17, na Mk 1.14, na Lk 1.2, na Ib 10.28-29, na 12.25Aintik Raraŋ Aetaniaca ma aimo mac nda aŋgɨna aiŋ ianna morenanna, na an mana aiŋa anna reac aniac ŋgoin. Ainda moca aia mana aiŋmo iŋ neaŋ te, aia titoca kɨpcarica tɨp ŋgoreacna opoikca mba aŋgɨit? Aia towanaiŋ ŋgoin.
Na atua Kacootta ma ndo ŋgoinna aimo mac nda aŋgɨna kammo ma wiwitiatna. Na ramtaɨra mana kammo waracrinanna, mina aimo gaindopatna, “An kamma ma wandoŋ niŋgik.” 4  Mk 16.20, na Up 2.22, na 14.3, na 1 Ko 2.4, na 12.4, na 12.7, na 12.11, na Epe 1.5, na 1.9Aintik Raraŋ Aetaniaca ma ainta ŋgagatracarapa, ainta aiŋir anikca mina tamtam ndamŋirenanna morinan. Na Ŋeroŋ Ratna opotacna reac laŋ, ma ndona toŋgorina mɨnna ma meikramtaɨrmo biŋaia neaŋrinan. Na an tɨpna kirar mbuŋa ma ndo Nuocna kammo wandacrinan, na anna wandoŋ, wandoŋ ŋgoin.
Iesus niŋgikca ma ndo aimo mac nda aŋgɨna ramoot
5  Ib 6.5, na 2 Pi 3.13Na tiacarpaik ŋgamma Raraŋ Aetaniaca mo ndoprinanna aia lamŋinandet, ma mbaiŋna aiŋa morena ŋerŋgaurmo anna bubuocna mba tɨkatke. Wanaiŋ. 6  Iop 7.17, na Ŋap 144.3 Ŋap 8.4-6Na Raraŋ Aetaniacna timbigta kapna inikca ramoot ianna aindopatna,
 
“Na ramootta kaina reac,
na u manmo lamŋirenan?
Na kaina moca u manmo matau bubuocrenan?
7 Na kɨdrɨk tekemmotemma
u ramootmo mbaiŋna aiŋa morena ŋerŋgaurta kaŋgaukca tɨkrinan.
Na u manmo aŋgɨ ŋgeprinan,
na u manmo i aniacapa gargar neaŋrinan.
8  Mt 28.18, na 1 Ko 15.25-27, na Epe 1.22Na u ramootmo larapacrinan,
na ma an un morina reikmo muruŋcamiŋa bubuocna.
Na reikmo u muruŋcamiŋa mana kaŋgaukca tɨkrinan.”
 
Ainda moca an kamma Raraŋ Aetaniaca reikmo mana kaŋgaukca tɨkrinanna, anna ma ainda wandacrinan, ma reac ianna wanaiŋa mba tɨkca mana kaŋgaukca mba eacrenanna. Aintik mandeaca reikca mana kaŋgaukca mba eacrenanna, na aia mba watreke. Wanaiŋ.† Gan kamma ma Ŋaparta timbigta kapna inik ndeacrena, na ma meikramtaɨr muruŋcamiŋna kamb ndoprena. Na an ramootta Iburuna timbiŋ rapara tirrinan, ma gaind ndamŋirina, Iesusa ma ramootna kirar toc ndaruca, ma meikramtaɨr muruŋna taup aŋgɨrina. Ainda moca an Ŋaparta timbigta kapna kambca ma Iesusmo larurina reikta kambmo wandoŋa mboprina. 9  In 3.16, na Ro 5.18, na Pil 2.7-9, na 1 Ti 2.6, na 1 Io 2.2, na KIEK 5.9Ainda moca aia watrinanna, Iesusa i aniac ŋgoinna aŋgɨatna. Na atuna, kɨdrɨk motemma ma mbaiŋna aiŋa morena ŋerŋgaurta kaŋgauk ndeacrina. Te, ma meikramtaɨrmo mina muruŋcamiŋna taup aŋgɨca menac te, Raraŋ Aetaniacna kakadmaica meikramtaɨrmo muruŋcamiŋ ŋgotacnandet. Ri, Iesusa gɨrgɨr aniaca aŋgɨca mamenacat, ainda moca Raraŋ Aetaniaca manmo aŋgɨ ŋgepca mamo i aniacapa gargar neaŋgatna.
10  Lk 24.46, na In 20.17, na Up 3.15, na Ro 8.29, na 11.36, na Ib 5.9, na 10.10Na Raraŋ Aetaniaca ma reikmo muruŋcamiŋa morinan, na an reikca anna manan. Ainda moca ma ndona mombonik wɨtmo reik laiŋ, laiŋ koind neaŋga, mina laŋ ndeacnandet. Na Raraŋ Aetaniaca ma toŋgorinanna, Iesusa ma meikramtaɨrmo nda aŋgɨna aiŋa mo ŋgepnan, ri, ma wattacarica Iesusa gɨrgɨrna makukara mbukatna, na an gɨrgɨr mbuŋa ma Iesusmo outta riaca larapaca ma meikramtaɨrmo otacatna. Na an tɨpna kirara Raraŋ Aetaniaca morinanna anna wandoŋ ŋgoin. 11  Mt 25.40, na Mk 3.35, na In 20.17, na Up 17.26, na Ro 8.29, na Ib 10.10Na aia lamŋirenan, an ramoot Iesus, ma meikramtaɨrmo moca mina Raraŋ Aetaniacna wiwitta larurinanna, ma an meikramtaɨrmo moca mina rat mac nda malaruri, na minapa, manap, mina muruŋa aet kabe niŋgikap. Ainda moca ma minmo aind ŋgacrenan, “Laiplacar.” Na ma minmo ainda ŋgacrenanna ma numbira mba morenan. 12  Ŋap 22.22Ri, ma gaindoprinan,
 
“Aku una imo
aukna laiplacarmo wiwitinandet.
Na mina una mbendeina mo te,
aku mina rɨkmo
una i aŋgɨ ŋgepna ŋap ŋgumnandet.”
 
13  Ŋap 18.2, na Ais 12.2, na In 17.6, na 17.9-12Ri, ma gaind mac mbopatna, “Raraŋ Aetaniacmo, mo ndoprina reik, aku mana para tɨkcarica lambica, watna.” Na ma gaind mac mbopatna, “An mombonikca Raraŋ Aetaniaca aukmo neaŋrinanna, aku minap eacnandet.”
Iesusa ma ramoot ndaruca ma aimo otacatna
14  In 1.14, na 12.31, na Ro 8.3, na Pil 2.7, na Kol 2.15, na 1 Io 3.8, na KIEK 12.10Ainda moca an mombonikca Iesusa mboprenan, anna mina meikramtaɨr tiŋgik. Aintik Iesusa ma toco, ma mina kirar toco ndarurina, na ma menacna mɨn. Na an tɨp kirar mbuŋa ma Paparuna Ramootmo, mo ŋgocraina mɨn. Na Paparuna Ramootta ma meikramtaɨra mo menacna gargarap. 15  Ro 8.15, na 2 Ti 1.7Ainda moca meikramtaɨra mina memenacna nanambirenan, na memetmbaca mina gan tiacarpaikca eacrenanna, an namnaimbca minmo moca mina Paparuna Ramootna kac ŋgoreaca eacrena kirar. Na Iesusa menacrinanna, ma minmo an kac ŋgoreac tɨkcarina morinan.
16  Ais 41.8-9Na gidik ŋgoin, Iesusa mbaiŋna aiŋa morena ŋerŋgaurmo otacna aiŋa mba morinanna, wanaiŋ. Ma Abraamna wiwitna nicar ŋgamrirmo otacna aiŋa morinan. 17  Pil 2.7, na Ib 2.14, na 4.15, na 5.1-2, na 1 Io 2.2, na 4.10Na anna mɨnɨŋa gaind, an reikca muruŋcamiŋa mana laiplacarta kirar toca larunandet. Te, ma mina taup ndamoot paŋan aniac ndeaca Raraŋ Aetaniacna aiŋa moraŋnandet. Na ma taup ndamoot paŋan aniac ndaruca meikramtaɨrmo kadmaica, Raraŋ Aetaniacna kammo muruŋa raŋgairenanna, ma mana aiŋira morenan. Na an aiŋa meikramtaɨrta tɨpemb ŋgorikta makukara mo kecarina aiŋ. Te, Raraŋ Aetaniaca minmo mba nikkatitndai. 18  Ib 4.15-16, na 5.2, na 7.25Na totowaira manmo larurinan, na ma an gɨgɨrar aŋgɨrinan. Aintik meikramtaɨrmo totowaira laru te, ma minmo otacna mɨn.

2:2 Ŋap 68.17

*2:2 Na an kam tɨpca Raraŋ Aetaniaca Mosesmo neaŋrina Tɨp Wandɨkna kambca mina an ndoprena. Na anna timbigta kap, Nda Aŋgɨatna sapta 19 taŋca sapta 20na mɨnna wat. Na an Nda Aŋgɨatna timbigta kapna inikca mbaiŋna aiŋa morena ŋeroŋna kambca mba mbopri, na Iudanaŋgepca mina gainda rɨpacrina, Raraŋ Aetaniaca ma mbaiŋna aiŋa morena ŋeroŋmo Tɨp Wandɨkmo mina para tɨkca mina Mosesmo neaŋrinan. Na Iesusna Up Aŋgɨrena Ramtaɨrta Aiŋna Nininina Timbigta Kap sapta 7 wes 38, na sapta 7 wes 53, na Galesia sapta 3 wes 19 tocmo u watnandet, an kam tɨp toco an ndeacrena.

2:3 Mt 4.17, na Mk 1.14, na Lk 1.2, na Ib 10.28-29, na 12.25

2:4 Mk 16.20, na Up 2.22, na 14.3, na 1 Ko 2.4, na 12.4, na 12.7, na 12.11, na Epe 1.5, na 1.9

2:5 Ib 6.5, na 2 Pi 3.13

2:6 Iop 7.17, na Ŋap 144.3

2:6 Ŋap 8.4-6

2:8 Mt 28.18, na 1 Ko 15.25-27, na Epe 1.22

†2:8 Gan kamma ma Ŋaparta timbigta kapna inik ndeacrena, na ma meikramtaɨr muruŋcamiŋna kamb ndoprena. Na an ramootta Iburuna timbiŋ rapara tirrinan, ma gaind ndamŋirina, Iesusa ma ramootna kirar toc ndaruca, ma meikramtaɨr muruŋna taup aŋgɨrina. Ainda moca an Ŋaparta timbigta kapna kambca ma Iesusmo larurina reikta kambmo wandoŋa mboprina.

2:9 In 3.16, na Ro 5.18, na Pil 2.7-9, na 1 Ti 2.6, na 1 Io 2.2, na KIEK 5.9

2:10 Lk 24.46, na In 20.17, na Up 3.15, na Ro 8.29, na 11.36, na Ib 5.9, na 10.10

2:11 Mt 25.40, na Mk 3.35, na In 20.17, na Up 17.26, na Ro 8.29, na Ib 10.10

2:12 Ŋap 22.22

2:13 Ŋap 18.2, na Ais 12.2, na In 17.6, na 17.9-12

2:14 In 1.14, na 12.31, na Ro 8.3, na Pil 2.7, na Kol 2.15, na 1 Io 3.8, na KIEK 12.10

2:15 Ro 8.15, na 2 Ti 1.7

2:16 Ais 41.8-9

2:17 Pil 2.7, na Ib 2.14, na 4.15, na 5.1-2, na 1 Io 2.2, na 4.10

2:18 Ib 4.15-16, na 5.2, na 7.25

© 2016 PBT