1 Ni nton Kimayi Hiridus ana chu nda wo ikpye wa ba'tre ni tu Yesu a. 2 Ahla ni ba gran ma “Iwayi ahi Yohana u tie batisma; a tashme. A to kima mba wa he ni ngbengblen u tie bi ndu bayi. 3 Ana Hiridus yi vu Yohana tro ni tu Hirudiya iwa vayi ma Filibo. 4 Niwa ahla niwu “ Anabi ndu ban wa tie wame na” 5 Hiridus ana wuu wa a klu sisri ndi wa mba kpawu nyme ndahi anebi. 6 Niwa ivi wa ba ngrji Hiridus a tie a, ivrenwa Hiruduja a to nglu nzan wa abi kpukpome ni Hiridus. 7 A hla niwu nda shirji nha tia ndi ani mye wu ko ngyeri, ani nnowu 8 Wa awo ni yima ikpye wa ani myea a tre, “Ne niwa itu Yohana u tie batisma nimi tere” 9 Ichu a tie nfu ni mye maa, uni tu wa ana shirji niwu ye nha bi ni indi wa baye rli niwu'a a yo ba ndu ba tie tokima. 10 A ton mba ka cu toh Yohana ni mi koh u troa. 11 Nikiyi, ba nji tohma ye nno vrenwa ni mi tere a wa a kpa nji hi ka nno yima. 12 Nikiyi mrli koma baka ye ban ikmo karju bahi ka hla Yesu. 13 Wa Yesu awo towa a wlu niki ndra (tuka) ni ghwu hi wrji ri ni kankle ma. Wa jbu ndi ba ba wo towa baka zren rji ni mi gbu ba ni za huhi. 14 Nikiyi Yesu aye ni shishi mba nda to jbu ndi mba. Isronma ka tie wie ni ba nda den indi mba bi lilo 15 Wa yalu ye tie a mrli koh ma baye niwu nda tre “Bubuyi ahi miji u iton a gbronhiye. Cu ndi mba cuwo ndu bahi ni mrli gbu nda le birli rli” 16 U Yesu hla bawu, “Ihi mba megyen na bi na nno ba ikpye wa ba rlia” 17 Ba hla niwu,”kie he ni gble bredi ton u lambe harli” 18 Yesu ka tre, “Nji ba yene” 19 Nikiyi Yesu a hla ni j'bu ndi ba ndu ba kuson ni tu giga. A vu ngble bredi ton ba u lambe harli ba nji. A nzu ya shulu, nda tie lulu bawu nda nfu bredi ka nno mrli koh ma u ba kpa nno j'bu ndi ba. 20 Ba ton nda hwrji. U kpunkpu bredi mba lambe wa a don a bavu shu nimi sisen tso. 21 U biwa ba tan-a, lilon dubu ton mu, imba na mrli bana blayona. 22 A tiegbla ndu mrli koh ma rini mi ghwu nda dran ru' hi gran rima guciwu, wawu a krli gbyen j'bu ndi ba nda kaye cu ba cuwo. 23 Niwa a ndu j'bu ndi ba hia, a hon hi ngblu nda ka tie a duwa. Yalu yetie wa ahe ni nklen ma. 24 Ni ntonyi ighu'a he ni mi tsutsu maa u dakpyren maa u kiekle nghu nghu ba wru ka'da tie dii u dran wu. 25 Ni bwuh mble (krifi tra u mble), Yesu ka zren ni tu maa siye ni ba. 26 Wa mrli ko ma to si zren ni tu maa, ba ka tie sisri nda tre “Iwayi hi brji”, nda yragro ni sisri. 27 Yesu ka gble tre ni ba nda hla, “Vu sron! ahi me! Na klu sisri na”. 28 Bitru a saa niwu nda tre, “Baci ani ta hiwu, yome ndu me ye niwu” 29 Yesu a tre, “Ye” u Bitru ka rju ni ghua nda zren ni tuma sihi ni Yesu. 30 Ni' wa Bitru to sen nghunghua, a tie sisri. Wa a gle sihi ni mi maa, a kpagro nda tre, “ Baci kpame cuwo!” 31 Yesu katie gbla rima wo ma vu Bitru nda hla ni wu, “Iwu u tsitsa suron, ahi ngye yo ni kay'me?” 32 Niwa Yesu mba Bitru ba ri ni mi ghu'a nghunghua kukli nda na la fu na. 33 Nikiyi mrli koh ma ni mi ghua baka ku khu niwu nda tre, “Njanjimu u vren Rji”. 34 Wa ba rugran, bahi ni gbu Janisarata. 35 Wa indi bi wrji kima bato Yesu, ba tru cu ma hi ni ba nklan bi bubu ki, nda nji bi lilo bla san ye niwu. 36 Ba breu ndi ndu ba' kpre nyu nklon ma, u biwa ba kpreu a ba fe den.