54
Guyau ena Gadosisi Isalaela Enehedi
Isaiya 54:5-10
5 Tau Ginaulim mate doha lahum.
Hesana mate Guyau Gigigibwalina.
In tau une fahim,
Yaubada fafatabuna Isalaela enehem.
Hesana mate “Tanoꞌubu mahudoꞌina edi Yaubada.”
6 Isalaela, um doha waihin hasahasalana,
lahuna ya lau afulen be nuwana ya heyaya.
In moho Guyau em Yaubada ya yoga fafuyom na iye,
7 “E ꞌwaiyoꞌoꞌem maihala tupotupo.
In moho E fanuwatohatohaem,
Be haba E fafuyom.
8 E manabala heyaya be E sana mulimuliyem fuya tupotupo.
In moho egu gadosisi otaꞌota fahina debana yai
haba E fanuwatohatohaem!
Yau em Guyau, tau fofofahim E falibam doha ite.”
9 “Nowa ena fuya yai E angwala mate
ibege tanoꞌubu ya faheyaya bodai ai utufi.
Be aho te E angwala mate
ibege ya manabala be ya faheyayam.
10 Tuꞌa lalaꞌi sa dihodiho,
yo kikiꞌina sa tauyamuhi,
in moho egu gadosisi, enehem,
haba ya ota esegahi lisim yai.
Nuwa talu angwalana E ginauli
haba ya ota esegahi.
Yau, Guyau, tau fafanuwatohatohaem E falibam doha ite.”