17
Sibasiba Yaubada Lisina yai
Delamaiya 17:5-10
5 Guyau ya liba doha ite, iyen,
Yena sai laꞌi tanoꞌubu dogana ya sunumaꞌen,
yo ena fanufanuha moho ya laulau watanidi,
na Yau, Guyau, ya sana mulimuliyegu mate haba E kaumananaen.
6 Itaꞌitana haba doha oyagi hige i in loholoho nuꞌu pitapitalina yai,
e doha tano aliꞌalitana yai, hige dodoga ti miyai, mate ya miya amainiya.
Bobonna asubena, ibege somo hesa loholohona i lobahi.
7 Sai ya sunusunumaꞌegu haba loholoho E felen.
8 In haba itaꞌitana doha oyagi hoꞌowa sadaina yai ya in hasa,
be lamna mate sa susu lau hoꞌowa.
Siuhwalo yai hige i mode.
Luguna mate sa lau idahe.
Yena hige usa mate ibege i mode.
Ya fuwa moho. (Samsi 1:3)
9 Sai gonowana dodoga nuwadi ya sibaidi?
Fuya ouꞌouli sa buibuinidi,
be heyaya yo laulau bwalabwala doha bonu laꞌilaꞌidi,
na hige gonowana sai haba i faloholohodi.
10 In moho Yau, Guyau, dodoga nuwadi E sibaidi.
Edi nuwatuhu yo edi amna E mainene komakomanidi,
Habahim esega - esega ena miyamiya yo ena paipaisowa, maisana E felen.