Doga hesa wain gabuna ya umahi na ya ganai.* Buka Beyabeyana yai wain gabuna mate Isalaela dodogadi tautaudi. (Isaiya 5:1-2) Wain aba folona ya ginauli yo gati lumana hewana lofalofa ya faꞌobiyo. Muliyai dodoga haisa ya toledi be gabu sa ita watan na ya lau ya lauwasi. 2 Wain ena fuya anaho yai mate gabu tanuwagana ena tau lau fayofayo ya dui lawen lisidi na iyen,

U lau u falibadi be wain monina egu tefa ti felem, be u leyama.

3 Tau itaꞌita wata fayofayo dogana sa tohai be sa talai na sa dui fafuyo ma nima afaꞌafana.

4 Habahim gabu tanuwagana tau lau fayofayo hesa hinaga ya dui, na kuluna sa dem tili yo sa liba fafaheyaya. 5 Fafaihonana ya dui mate sa wunui. Tau lau fayofayo peidi hinaga ya duidi. In moho Laulauna gonogonowana, haisa sa pidilidi, na haisa sa wunuidi.† Doha Diusi edi peloweta sa waiyoꞌoꞌedi be haisa sa wunudi. (Delamaiya 7:26, Eimosi 3:7 Sekalaiya 1:6).

6 Ofiꞌofina, natuna ya fanuha wananahai ya dui na iyen,

Natugu haba sa faꞌatitiyen.

7 Gabu tau ita watanina ibodi sa libaliba tiyen,

Gabu tanuwagana natuna itete. In haba tamana ena tanohi ya abidi. Ta wunui! Ena tanohi haba te abi!

8 Yo fede natuna sa tohai be sa wunui, na silanna sa pei lawen gabu mulimulina yai.

9  Gabu tanuwagana haba somo ya ginauli? Haba ya laoma be ya wunuidi na dodoga haisa ya ledima be wain gabuna sa ita watan.

10 Uliꞌuli te haꞌa ami fatili. “Tau abi luma umeꞌehu sa ꞌwaiyoꞌoꞌen mate muli yai ya famala umeꞌehu otaꞌotafahina.

11 “Itete Guyau ya ginauli be itaꞌitana mate ya loholoho wananaha!” (Samsi 118:22-23)

Tanuwaga, ꞌe sibai mate um doga dudulaina. Dodoga lalaꞌi yo kikiꞌina edi nuwatuhu heyaheyayadi ibege u lau watandi, in moho Yaubada ena liba, dudulai yai wa lau faꞌataen. Be, haga u falibamai, takesi ꞌe famaisa Loma edi Sisa ai lisina ya dudulai e hige? Haba ꞌe tole e hafena?

Sidohana be ami fasai bulubuluhigu? Haga moni au leyama be ya ita.

Sai tautauna yo hesana moni yai te?

Sisa, Loma edi Kin.

Somo Kin Sisa ena, mate au felen. Na Yaubada ena, mate Yaubada au felen.

19 Tanuwaga, Mose ya uli mate yena taumoho ma lahuna hige nanatudi na taumoho ya peꞌi, hidana hwabuna haba ya fai na ya fanatu mate sa famala tau peꞌi nanatuna. (Diutelonomi 25:5, Luta 2:20, Luta 4:4-8)

20 Doga hesa nanatuna tatau faligigi luwaga. Tau tuwaha ya nahi be hige nanatuna na ya peꞌi. 21 Fafaluwagana hwabu wa ya fai, be hige natuna na hinaga ya peꞌi. Fafaihonana hinaga hwabu ya fai be hige natuna.

22 Doha, na ya lau wee–, waihin wa, tatau faligigi luwaga ya fai ofinidi, mate hige natudi, na sa peꞌi. Ofiꞌofina mate waihin hinaga ya peꞌi. 23 Obiyo fuyo lahaina yai, waihinna ni haba sai lahuna? Paꞌana tataudi faligigi luwaga waihinina haꞌa sa fai.

Ami lau pono paꞌana Buka Tabuna yo Yaubada ena gigibwali hige au sibai. 25 Tau peꞌipeꞌi sa obiyo fiyo, iti mate doha anelu galewa yai. Ibege ti nahi boda.

26 Obiyo fuyo libana Mose ena buka yai ami fatili e higeꞌe? Somo yai Yaubada ya libalau Mose lisina oyagi ala balebalelemna ganahewana yai, fuyanna iyen, “Abelaham, Isako yo Iyakobo edi Yaubada mate Yau.” (Auꞌaulaha 3:16; 1 Kin 19: 1-18)

27 Ami lau pono wananaha! In mate tau mwahumwahuli edi Yaubada. Hige tau peꞌipeꞌi edi Yaubada. (Diyon 11)

Laugagayo mahudoꞌina ganahewana yai tausomo ya hasai wananaha?

Esega ya hasai wananahana mate itete:

“Isalaela au ataꞌatahi! Guyau in iyabona eda Yaubada.

31 Laugagayo fafaluwagana mate itete:

Laugagayodi luwaga te, sa hasai wananaha, habahim hahaisa.

Tanuwaga, wa liba dudulai mate,

Laugagayo luwaga te sa hasai wananaha, habahim yosiyosi gabugabudi yo ainauya hahaisa Yaubada te felen aba antalasam gabuna yai. (1 Samuwela 15:22)

Yaubada Ena Aba Baꞌisa hige i lofa lisim yai.

Sidohana be laugagayo tau lau faꞌataenna itiye, “Keliso mate Deiwidi laulauwewena?”§ Kelisomate “Tau Fasinabona.” 36 Yaluwa Tabuna nuwatuhu Deiwidi ya felen be iyen,

“Guyau ya libalau egu Guyau lisina,

37 “Ibe Deiwidi iyen, ‘Um Guyau,’ haba sidohana be in Deiwidi laulauwewena?”

Laugagayo tau lau faꞌataedi, au ita sipoꞌidi! Salumadi sa fanuha bena edi leli lofalofadi na sa leu yo sa sai ai maketi be haba dodoga sa laulautoꞌiyedi. 39  Aba oiꞌoigogo lumadi yai yo mataꞌasi ganahewadi yai sa fanuha bena aba taꞌai loholohodi yai sa taꞌai. 40 Hwabuhwabu edi luma ginaulidi sa bwalafahidi be ai edi, sa abidi, yo lauꞌuꞌula sa falofadi. Lau bwalabwala te lisidi yai haba kamkamna lalaꞌi sa fahoinadi.

E faliba dudulaimiu! Hwabuhwabu tau gogo gesagesana te, ainauya laꞌilaꞌi ya tole aba husanina yai, na habahim hahaisa. 44 Tau fafagogo mate edi tefa sa ota, na waihin ni ena moni ofiꞌofina. Ana kalahe edaꞌedana logena, ya tole ofiꞌi.