33
Yaubada, Diyodan Gayogayona yai Mose ya Fatalaha.
Namba 33:50-56
50 Mowabi Gonna yai Diyodan Hoꞌowana sadaina yai na Diyeliko mate tefa yai, amainiya Guyau, Mose ya faliba iyen,
51 Isalaela dodogadi u fatalahadi doha ite: Yena Diyodan ami gayo dohe ami lau Kanana Nuꞌuna, 52 dodoga amainiya sa miyamiya bena ami falakodi. Edi oitau umeꞌehu yai yo powati yai sa ginaulidi, yo edi aba fafadebasae mahudoꞌidi au lau kwayaidi.
53 Edi nuꞌu haꞌa E felemiu, au abi be ainiya au gogo. 54 Pelei yai, tanohi au daili, sulu hesa - hesa laꞌina yai. Boga laꞌilaꞌi edi tefa laꞌilaꞌi na boga kiukiu edi tefa kiukiu.
55 Yena dodoga nuꞌu yai ni sa miyamiya hige au weꞌadi, safalumadi ami famiyadi haba sa famala doha muꞌali matamiu ganahewadi yai e nulinulidi lisilisimiu yai. Iti haba sa fapilipilimiu ai tanohina ni.
56 Yena hige au weꞌaidi, haba somo haꞌa E nuwatuhui bena E ginauli ai lisidi, haba E ginauli ai lisimiu.