90
Mose ena Lauꞌuꞌula
1 Aee–, Guyau, hitina yo hitina,
um tau ita watanimai.
2 Tuꞌa yo tanoꞌubu hola hige ti tubu,
na um ibom Yaubada ota otafahina.
3 Dodoga wa bui fafuyodi afusa.
Uwen, “Umi tau peꞌi, au fafuyo afusa!” (Aba Fatubu 3:13, Diyobi 1:21)
4 Boliman tausan-esega um matam yai
mate doha bon moho, haꞌa ya ofi,
e doha iꞌipa esega tuhulina.
5 Dodoga edi mwahuli wa tomo feulaidi
doha eno suwai ya ofi.
Iti doha hawahawa hesa hwalahwalaladi ya in,
6 na maimailafidi ya hohoya be ya peꞌi,
7 laulauna doha manabalam ya fadawa wunumai,
haba em manabala ꞌe ꞌwasabuwen.
8 Ema heyaya wa famahatadi, simosimodi hinaga wa itadi.
9 Ema miya lahaidi mahudoꞌidi yai wa manamanabalaꞌemai,
ema mwahuli wa tomo feulaidi doha yahafuwa.
10 Gonowana te miya boliman 70,
na yena te fulufuluga haba 80, in moho ema miya lahaidi yai
pilipili yo kamkamna ꞌe fafahoinadi,
na hige walolona ꞌe peꞌi.
11 Hige sai em manabala laꞌina i sibai,
na ibe ꞌe siba haba ꞌe ꞌwasabuwem.
12 U fatalahamai be em sibasiba ai abi,
ema lahai ya tupo.
13 Aee–, Guyau, u feulama.
Em tau lau fayofayo ai, u nuwatohatohaimai.
14 Hwalahwalaladi em gadogadosisi otaꞌotafahina lisina yai u famohafumai
be ema miya lahaidi mahudoꞌidi yai haba ma kwademai ꞌe wana.
15 Boliman lofadi somo wa fafapilipilimai
mate bolimandi lofadi hinaga nuwamai u fakwadedi.
16 Em paisowa gigibwalina u faꞌitamai, ai em tau laufayofayo lisimai yai,
yo em gigibwali namanamalina, nanatumai u faꞌitadi.
17 Guyau ema Yaubada, u ainauyaimai;
ema paisowa hinaga ti loholoho.