1 Yinni Gusunɔ u nɛɛ, 2 tɔnun bii, resɛm dɑ̃ɑ yɑ dɑ̃ɑ ye yɑ tie bɛɛrɛ kere? Yen dɑ̃ɑ kɑ̃ɑsɑ yɑ dɑ̃ɑ kɑ̃ɑsi yi yi tie kere? 3 Bɑ koo kpĩ bu ye dendi bu kɑ sɔmburu gɑru ko? Bɑ koo kpĩ bu kɑ ye gɑbɑtiɑ ko? 4 Geemɑ yɑ wɑ̃ɑwɑ bu kɑ ye dɔ̃ɔ sɔ̃re ɑdɑmɑ yen nɔsu yiru kpuro kɑ yen suunu sɔɔ yɑ̀ n dɔ̃ɔ mwɑɑrɑ sɔmbu terɑ̀ yɑ koo mɑɑ kpĩ yu ko. 5 Sɑnɑm mɛ yɑ ǹ dɔ̃ɔ mwɑɑre bɑ ǹ kɑ ye gɑ̃ɑnu kue. Kɑɑ sere gere ye yɑ den dɔ̃ɔ mwɑɑrɑ, yɑ ǹ mɑɑ gɑru koorɔ?

6 Wee ye nɛ, Yinni Gusunɔ nɑ gerumɔ. Nge mɛ dɑ̃nu sɔɔ resɛm dɑ̃ɑ bɑ rɑ dɔ̃ɔ doke, nge mɛyɑ kon mɑɑ Yerusɑlɛmugibu sɛɛyɑsiɑ. 7 Kon bu wɔrimɑ. Bɑ tɑmɑɑ bɑ yɑrɑ dɔ̃ɔn di. Adɑmɑ dɔ̃ɔ wi, u koo nɑ u bu di, kpɑ bu giɑ mɑ nɛnɑ nɑ sɑ̃ɑ Yinni Gusunɔ. 8 Kon de ben tem mɛ, mu ko bɑnsu, domi bɑ mɑn mɛm nɔɔbu sɑriru koosi. Nɛ, Yinni Gusunɔwɑ nɑ yeni geruɑ.