1 Kũ Yesu kà Yɛriko, àtɛn gɛ̃tɛ a gũn. 2 Gbɛ̃ke kú gwe a tↄ́n Zakeusi. Bɛ'ↄgↄsirinↄ gbɛ̃ zↄ̃kↄ̃ↄmɛ, akũsↄ̃ aruzɛkɛdemɛ. 3 Àtɛn wɛtɛ à e gbɛ̃ kũ Yesu de a ũ, ama gbɛ̃ kutuumɛ, adi fↄ̃ à a èro pari yãi. 4 Akũ à bàa lɛ̀ à gɛ̀ɛ arɛ à dìdi síri lía de à Yesu e, zaakũ ani gɛ̃tɛ gwe kpamɛ. 5 Kũ Yesu kà gwe, akũ à wɛ́ sɛ̀ musu à pìnɛ: Zakeusi, ǹ kipa likalika. Séde mà kipa n bɛa gbãra. 6 Akũ Zakeusi kìpa likalika, à gbãnakɛ kpài kũ pↄnnao. 7 Kũ gbɛ̃nↄ è lɛ, akũ òtɛn yãkete ká ò pì: À gɛ̀ɛ kipa durunnakɛri bɛa. 8 Akũ Zakeusi fùtɛ à zɛ̀ à pì Dikirinɛ: Dikiri, mani ma aruzɛkɛ kpado kpaatɛ takasidenↄnɛ. Tó ma gbɛ̃ke blè sↄ̃, mani ɛra mà a gɛ̃nɛ kpáa lɛu siikↄ̃mɛ. 9 Akũ Yesu pìnɛ: Ɔn dí denↄ surabanaa è gbãra. Zaakũ gbɛ̃ díkĩna se bi Ibrahĩ burimɛ. 10 Bisãsiri Nɛ́ sù de à gbɛ̃ kũ à sã̀tɛ wɛtɛ à a sura bamɛ.

11 Gↄrↄ kũ òtɛni a yã pì ma, akũ à ɛ̀ra à yã kàrańnɛ dↄ. Lákũ à kà kãni kũ Yurusalɛmuo nà, òtɛn da kpata kũ à bò Luda kĩnaa ni bo gupuraa gↄ̃̀nↄmɛ, akũ à yã lɛ̀kↄ̃ańnɛ 12 à pì: Kína buri ke mɛ́ àtɛn gɛ́ kpata ble bùsu zã̀zãn, ani ɛra à su. 13 Akũ à a zĩkɛrinↄ sìsi gbɛ̃nↄn kuri, à andurufu ↄgↄwapu kpà ń baadia mɛ̀n basↄsↄↄro à pìńnɛ: Àgↄ̃ laga táo ari màgↄ̃ gɛ́ su. 14 A bùsudenↄ sↄ̃ ò zã̀agu, akũ ò zĩ̀rinↄ zĩ̀ a kpɛ ò pì: Óni we gbɛ̃ pì kí blewɛrɛro. 15 A suna kũ kpatablenaao gbɛra, à pì ò zĩkɛri kũ a ↄgↄ kpàḿma pìnↄ sísi, de à le à dↄ̃ lákũ ò àree lè nà. 16 Gbɛ̃ káaku sù à pì: Dikiri, n ↄgↄ pìi àree kàramɛnɛ lɛu kuri. 17 Akũ à pìnɛ: N kɛ̀ zĩkɛri mana. Lákũ ń náani vĩ kũ a fítio nà, ĩnigↄ̃ gbãna vĩ wɛ̃tɛ mɛ̀n kurinↄa. 18 Gbɛ̃ plade sù à pì: Dikiri, n ↄgↄ pìi àree kɛ̀ lɛu sↄↄro. 19 Akũ à pìnɛ: Mↄkↄ̃n sↄ̃, ĩnigↄ̃ gbãna vĩ wɛ̃tɛ mɛ̀n sↄↄronↄa. 20 Akũ gbɛ̃ pãnde sù à pì: Dikiri, n ↄgↄn la. Ma ùtɛ kokona bizakasa gũn. 21 Má n vĩna vĩ, zaakũ n yãnↄn zĩ'ũ. Ndì pↄ́ kũ ńdi ditɛro sɛ́, ndì pↄ́ kũ ńdi tↄ̃ro kɛ̃. 22 Akũ à pìnɛ: Zĩkɛri zara, n lɛ́ mɛ́ à n karii kɛ̀. Ń dↄ̃ kũ ma yãnↄn zĩ'ũ, madì pↄ́ kũ mádi ditɛro sɛ́, madì pↄ́ kũ mádi tↄ̃ro kɛ̃. 23 Kũ ń dↄ̃ lɛ, bↄ́yãin ńdi ↄgↄda kɛońnɛroo, de tó ma su, mà a pↄ́ sí kũ a àreeo? 24 Akũ à pì gbɛ̃ kũ ò kú gwenↄnɛ: À a ↄgↄ pì sía à kpá gbɛ̃ kũ à àree lè lɛu kuriia. 25 Akũ ò pìnɛ: Dikiri, à àre lɛu kuri kũna kↄ̀. 26 Akũ à wèḿma à pì: Matɛn oárɛ, gbɛ̃ kũ à pↄ́ vĩn Luda ni karanɛ. Gbɛ̃ kũ à vĩro sↄ̃, bee pↄ́ kũ à vĩ Luda ni síamɛ. 27 Ma ibɛrɛ kũ ò ye mà kí bleńnɛronↄ sↄ̃, à mↄ́ kũńwo la à ń dɛdɛ ma arɛ.

28 Kũ Yesu yã pìi ò à làka, akũ à dà zɛ́n, àtɛn gɛ́ Yurusalɛmu. 29 Kũ à kà kãni kũ Bɛtɛfageo kũ Bɛtanio, sĩ̀sĩ kũ òdi pi Kùkpɛ gɛrɛɛi, akũ à a ìbaa zĩ̀ gbɛ̃nↄn pla 30 à pìńnɛ: À gɛ́ lakutu kũ à kátɛ á arɛ direkũ gũn. Tó a gɛ̃, áni zaakinɛ bↄ̀rↄ e bàdↄna gwe, gbɛ̃ke dí dia zikiro. À poro à suo. 31 Tó ò á lá ò pì, à kɛ̀ deran átɛn poroo, à pi Dikiri mɛ́ à yei. 32 Akũ zĩ̀rinↄ gɛ̀ɛ, ò è lákũ à òńnɛ nà. 33 Kũ òtɛn zaaki pì poro, akũ a dikirinↄ ń lá ò pì: Dí mɛ́ à pì à zaaki pìi poroo? 34 Ò wèḿma ò pì: Dikiri mɛ́ à yei. 35 Akũ ò sù kũ zaaki pìio Yesunɛ, ò ń utanↄ kpàtɛa, akũ ò Yesu dìa. 36 Lákũ àtɛn gɛ́ nà, gbɛ̃nↄ tɛni ń utanↄ kpátɛ zɛ́n.

37 Kũ à kà kãni kũ gu kũ zɛ́ pìi mìi pɛ̀tɛ Kùkpɛ sĩ̀sĩ guvutɛnwo, akũ pↄnna gũn a ìba kũ ò tɛ́inↄ pínki nà Luda sáabukpanaaa kũ kòto gbãnao daboyã kũ ò ènↄ musu pínki 38 ò pì:

41 Kũ à nà Yurusalɛmui, à gwà, akũ à ↄ́ↄ dↄ̀ a musu 42 à pì: Tó n yã kũ ani sunnɛ kũ aafiaaoo dↄ̃̀ gbãra yã dé, de à kɛ nna. Tera sà à utɛnannɛmɛ. 43 A gↄrↄ ni su kũ n ibɛrɛnↄ ni su ò gbà leinↄ dↄ ò likanyĩ ò n kagura kɛ 44 oni n gboro oni n gbɛ̃nↄ ú lↄ́ zĩtɛa. Bee gbɛ̀ ken oni tó didikↄ̃aro, kũ ńdi gↄrↄ kũ Luda wɛ́ kpàtɛnyĩ dↄ̃ro yãi.

45 Kũ Yesu gɛ̃̀ Luda ↄnn, akũ à pɛ̀ lagayarinↄa. 46 À pìńnɛ: Ò kɛ̃̀ Luda yãn ò pì: Ma kpɛ́ nigↄ̃ de aduakɛkpɛ ũmɛ, akũ a lìtɛ gbɛ̃blerinↄ tò ũ.

47 Lákũ gu dìgↄ̃ dↄ nà Yesu dìgↄ̃ yã dańnɛ Luda ↄnn. Akũ sa'orikinↄ kũ ludayãdannɛrinↄ kũ gbɛ̃ zↄ̃kↄ̃nↄ tɛn zɛ́ wɛtɛ ò a dɛ, 48 ama odi a kɛna zɛ́ ero, kũ gbɛ̃ sĩnda pínki sã kpá òtɛni a yã ma yãi.