1 Ǹ sã kpá ma yãi, Dikiri,

ǹ laakari dↄ ma ndanaaa.

2 Ma Kína, ǹ ma ↄ́ↄdↄna ma,

ma Luda, matɛn wɛ́ kɛmma.

3 Dikiri, ndì ma kòto ma gudↄo,

madì ma yãnↄ dↄdↄnnɛ kↄnkↄ,

ma wɛ́ dìgↄ̃ dↄnyĩ.

4 Mↄkↄ̃n Luda ń ye yã vãniiro,

ndìgↄ̃ kú lɛɛlɛ kũ gbɛ̃ vãnioro.

5 Ĩadãrii dì le à zɛ n arɛro,

n zã yãvãnikɛrinↄi ń pínki.

6 Dikiri, ndì ɛ́kɛdenↄ mì dɛ,

ń ye gbɛ̃dɛrinↄ kũ gbɛ̃blerinↄ kãiro.

7 Makũ sↄ̃, mani gɛ̃ n ↄnn n gbɛ̃kɛ zↄ̃kↄ̃ yãi,

mani kútɛ mà arɛ dↄ n kpɛ́a mà mì natɛnnɛ.

8 Dikiri, ǹ ma da zɛ́n n náanikɛna yãi,

ǹ zɛ́ poromɛnɛ ma wɛtɛrinↄ yãi.

9 Zaakũ ń yãke náani vĩro,

ń nɛ̀sɛ de lán kaka bɛ bàmɛ,

ń kòto de lán mira wɛ̃naa bàmɛ,

òdi lɛ́nna kɛńnɛ.

10 Ǹ tó yã vutɛḿma Luda,

ǹ tó yã vãni kũ òtɛn kpákpanↄ wí ń musu.

Ǹ pɛ́ḿma n arɛ ń taari dasinↄ yãi,

zaakũ ò gì n yã mai.

11 Ǹ tó gbɛ̃ kũ ò utɛna n kĩnaanↄ yáa dↄ,

ògↄ̃ lɛ̀ sí kũ pↄnnao gↄrↄ sĩnda pínki.

Ǹ ↄ kú gbɛ̃ kũ ò yenyĩnↄa,

de ò pↄnna kɛ n yã musu.

12 Dikiri, ndì arubarika da gbɛ̃ mananↄgu,

ndì likańyĩ kũ yenyĩo lán sɛ̃gbako bà.