Luda yã takada kũ Bisã yão ZABURA 43

43

1 Ǹ ma yã nna kpáma Luda,

ǹ zɛ kũmao buri ludadↄ̃risarinↄ yã musu,

ǹ ma bo gbɛ̃ vãni manafikidenↄ ↄĩ.

2 Luda, mↄkↄ̃mmɛ ma utɛki ũ,

bↄ́yãin n gimaii?

À kɛ̀ dera n tò ma gↄ̃ tɛ́ kũ pↄsirao

ma ibɛrɛ wɛ́tãmmana yãii?

3 Ǹ n gupura kũ n yãpurao zĩma,

à domɛnɛ arɛ n kpi musu,

à gɛ́ kũmao ari n kúkia gwe.

4 Gbasa mà gɛ́ n gbagbakia Luda,

ma pↄ ni kɛmma nna, Luda ma pↄnna,

mani n tↄ́ kpá kũ mↄrↄↄo,

Luda ma Luda.

5 Bↄ́yãin ma nɛ̀sɛɛ yàkaa?

À kɛ̀ dera ma laakarii fùtɛɛ?

Manigↄ̃ wɛ́ dↄ Ludai,

zaakũ mani ɛra màgↄ̃ a sáabu kpá,

ma Surabari, ma Luda.