1 Ludan ó utɛki ũ kũ ó gbãnao,

àdigↄ̃ kpáwái gↄrↄ sĩnda pínki ó warikɛnaa gũn.

2-3 A yã mɛ́ à tò bee tó andunia yàka

akũsↄ̃ kpinↄ lɛ̀tɛ ò sì ísiran,

bee tó í pì kĩni kà à fùtaa bò

akũsↄ̃ kpinↄ dège kũ kĩnio,

swɛ̃̀ ni kɛ̃óguro.

4 Swa ke kun kũ a í dì su kũ pↄnnao Luda wɛ̃tɛ gũn,

Luda Musude kúki kũ à kú adonaa pìi.

5 Luda kú wɛ̃tɛ pìi gũn, ani gↄ̃ bɛzĩ ũro,

Luda ni kpái gudↄo.

6 Burinↄ tɛn wiki lɛ́, kpatanↄ tɛn yĩgã,

Luda pũ̀tã, akũ andunia yↄ̀.

7 Dikiri Zĩ̀karide kú kũoo,

Yakubu Ludan ó utɛki ũ.

8 À mↄ́ à Dikiri yãkɛnanↄ gwa,

lákũ à yã yìa anduniaa nà.

9 Àkũ mɛ́ àdi zĩ̀i mì dɛ ari andunia lɛ́n,

àdi sánↄ ɛ́'ɛ àdi sárinↄ dúgu zↄ̃,

àdi tɛ́ sↄ̃ sɛ̃gbakonↄa.

10 À zɛ tɛɛnɛ àgↄ̃ dↄ̃ kũ makũmɛ Luda ũ.

Burinↄ ni ma tↄ́ sɛ́ lei,

oni ma tↄ́ kpá andunia gũn pínki.

11 Dikiri Zĩ̀karide kú kũoo,

Yakubu Ludan ó utɛki ũ.