1 Abire yãi ma gbɛ̃nↄ, lákũ Luda ó wɛ̃nda dↄ̃̀ lɛ nà, ma wɛ́ kɛ̀áwa à á zĩda kpáa sa'opↄ bɛ̃nɛ mamberusari kũ àdi káagu ũ. Àkũmɛ á donyĩkɛna a zɛ́a ũ. 2 Àsun tɛ́ andunia tera dí ágbairo. À tó Luda á dà litɛ, á laakari le à gↄ̃ dufu de à le à a pↄyenyĩna dↄ̃, yã kũ à mana, akũ à nna, akũ à papana.

3 Gba kũ Luda dàmɛnɛ yãin matɛn o á pínkinɛ, àsun á zĩda mana bo de a mana lɛ́laro. Á baadi a zĩda ditɛ a yãpura lɛ́n, lákũ Luda a gbà zɛ́ à a náani kɛ nà. 4 Bisãsiri mɛ̀ mɛ̀n do gunↄ vĩ dasi, ń baadi kũ a zĩomɛ. 5 Lɛmɛ, bee kũ ó dasikɛo, ó mɛ̀ dokↄ̃nↄ Kirisi gũmmɛ, mɛ̀gu dakenↄn ó ũ.*1Kↄ 12:12 6 Ó gba bò donadona kↄ̃nɛ lákũ Luda dàwɛrɛ nà a gbɛ̃kɛ gũn.†1Kↄ 12:4-11 Tó annabikɛyã'ona gban ń vĩ, ǹ kɛ n ludanaanikɛna lɛ́n. 7 Tó zĩ̀rikɛnaamɛ, ǹ kɛ. Tó yãdannɛnaamɛ, ǹ dańnɛ. 8 Tó lɛ́dammanaamɛ, ǹ daḿma. Tó gbadanaamɛ, ǹ da araga. Tó don'arɛdekɛmɛ, ǹ kɛ kũ kokario. Tó wɛ̃ndadↄ̃nnɛnaamɛ, ǹ dↄ̃ńnɛ kũ pↄnnao.

9 À kũ̀ yenyĩ gↄ̃ manafiki sari. À kpɛ li yã vãninɛ, à zɛ kũ yã manao. 10 Àgↄ̃ nna kũ kↄ̃o kↄ̃ gbɛ̃nↄ ũ. Àgↄ̃ wãna kũ bɛ̀ɛrɛlikↄ̃nɛnaao. 11 Àgↄ̃ kokari vĩ ma'ã sari, á mɛ̀ gↄ̃ wãna Dikiri zĩ gũn. 12 À pↄnna kɛ yã kũ á wɛ́ dↄi yã musu. À mɛna fↄ̃ warikɛnaa gũn. À mɛ̀ kpá wɛ́kɛnaaa. 13 À kpányĩ kɛ Luda gbɛ̃ kũ pↄ́ tɛn kĩaḿmanↄnɛ. Àgↄ̃ nibↄ kɛ. 14 À sa mana o á wɛ́tãmmarinↄnɛ. À sa mana ońnɛ, àsun ń káro.‡Luk 6:28 15 À pↄnna kɛ kũ pↄnnakɛrinↄo. À ↄ́ↄ dↄ kũ ↄ́ↄdↄrinↄo. 16 Àgↄ̃ kú kũ kↄ̃o nna. Àsun á zĩda biro. À gbɛ̃nna kpá kũ takasidenↄo. Ásun á zĩda ditɛ yãdↄ̃rinↄ ũro.§Yaa 3:7 17 Ásun yã vãni fĩna bo kũ a vãnioro. Àgↄ̃ yã kũ à mana gbɛ̃ sĩnda pínkinɛ kɛ. 18 Tó ani sí kɛ, tó á a zɛ́ vĩ, àgↄ̃ nna kũ gbɛ̃ sĩnda pínkio. 19 Ma gbɛ̃ yenyĩdenↄ, àsun mↄra ká gbɛ̃aro, à a tó kũ Ludao. À kɛ̃na Luda yãn ò pì: