1 Yeoba kwatobalan.

Komiu kwamiyamiya bulibuli mena, Yeoba kwatobalan.

2 Komiu ana tokaleyayao anelose meuloimiu, Yeoba kwatobalan.

3 Komiu dabwelo, waikena yo utu lalalalali Yeoba kwatobalan.

4 Komiu bulibuli kewasosina mena yo komiu waila yaloyaloi pwatali mena Yeoba kwatobalan.

5 Sowasowana meuloili Yeoba esana sitobalan, kaiwena ana loina mena iyamayaleli, 6 kabo ipeili ali kaba miya mena simiyayai na loinane kani nige sikekele-gabaen.

7 Komiu yamayamayale lalakiliyao kwamiyamiya yanuwa yaulina yo kalita kalona mena, Yeoba kwatobalan.

8 Komiu pigabu yo galewa patupatuna, sinou yo yaloyaloi, yo wowoli meyauyaumaina meuloimiu ana loina kwaobigai, Yeoba kwatobalan.

9 Komiu koya lalakili yo kikiuli, komiu mayau uweuwe yo gunuwala mayauliyao meuloimiu Yeoba kwatobalan.

10 Komiu yakayakan sokasokali yo manamanasamli, komiu weso yo man, meuloimiu Yeoba kwatobalan.

11 Komiu kinyao, toloinao, towasawasao yo tomo meuloimiu Yeoba kwatobalan.

12 Komiu kilakaiwo yo vesalao, tautaubalao, kedukedulumao yo melumeluwo, meuloimiu Yeoba kwatobalan.

13 Sowasowana tomo meuloili Yeoba esana sitobalan kaiwena iya esana esa meuloili ilalaki-gabaegili yo iya ana wasawasa bulibuli yo yanuwa yaulina ali wasawasa iwasawasa-gabaegili.

14 Ana tomoyao boda Isileli, siya imulolo kolili, ikabi-yakaiweli sikaiwe na mesabana sitobalan.

Yeoba tatobalan.