1 DUNGKROEKHAIH
Dung kroekhaih cabu maeto haih hoi hnetto haih loe Samuel cabu hoi Siangpahrang cabu thungah thuih tangcae thuih let ih lok ah oh. Toe David siangpahrang ah ohhaih kawng to lokpui koekah amtueng. Hae cabu thungah loe acaeng anghumhaih kawng doeh oh; David ukhaih hoi anih mah toenghaih hoiah prae to uk naah lokpui ah kaom muithla kawng to doeh a thuih. Dung kroekhaih cabu 1 - 2 to thungah loe misong ohhaih prae thung hoi kamlaem Judah kaminawk tha angthawkhaih kawng to thuih moe, Sinai mae ah paek ih lokkamhaih to pazui hanah thuih ih thapaekhaih lok to oh. Hae cabu tarik koehhaih takung pui hnetto oh. Maeto haih loe, Israel hoi Judah prae loe amro boeh, toe Sithaw loe a lokkamhaih to phrae ai, a lokkamhaih akoepsak hanah Judah prae thungah kaom kami to patoh vop tih. Hnetto haih loe, Jerusalem ah Sithaw bok amtonghaih kawng to thuih; bokim ah toksah kaminawk, qaimanawk hoi Levinawk hanah pazet ih tok kawng doeh a thuih. Bokhaih im sak hanah amtong kami loe David ni, toe Solomon mah ni sak tangtang. Hae cabu mah kricaanawk doeh toenghaih loklam ah caeh ai nahaeloe, natuek naah doeh khosak hoihhaih hnu thai mak ai, tiah amtuengsak.
1
Zaehoikungnawk dung kroekhaih
1 Adam, Seth, Enosh, 2-4 Kenan, Mahalalel, Jared, Enok, Methuselah, Lamek, Noah. Noah, Shem, Ham hoi Japheth.
Japheth acaengnawk
5 Japheth ih caanawk loe, Gomer, Magog, Madai, Javan, Tubal, Meshek hoi Tira. 6 Gomer ih caanawk loe, Ashkenaz, Riphath hoi Togarmah. 7 Javan ih caanawk loe, Elishah, Tarshish, Kittim hoi Rodanim.
Ham acaengnawk
8 Ham ih caanawk loe, Kush, Mizraim, Put hoi Kanaan. 9 Kush ih caanawk loe, Seba, Havilah, Sabta. Raamah ih caanawk loe, Sheba hoi Dedan. 10 Kush ih capa loe Nimrod, anih loe long nuiah misatuk thacak kami ah oh. 11 Mizraim mah Ludim, Anamim, Lehabim hoi Naphtuhim, 12 Pathrusim, Kasluhim (hae kami khae hoiah Philistin hoi Paphtorim acaengnawk anghum o). 13 KanaAn mah capa kacoeh koek Sidon hoi Hetht to sak; 14 anih loe Jebus, Amor, Girgash, 15 Hiv, Arkat, Sina, 16 Arvad, Zemar hoi Hamath acaengnawk ih ampa ah oh.
Shem ih acaengnawk
17 Shem ih capanawk loe, Elam, Asshur, Arphaxad, Lud hoi Aram, Uz, Hul, Gether hoi Meshek ah oh. 18 Arphaxad loe Shelah ih ampa ah oh moe, Shelah mah Eber to sak. 19 Eber mah capa hnetto sak; capa maeto tapen naah long tapraekhaih ah oh pongah, Peleg, tiah ahmin sak moe, amnawk loe Joktan, tiah ahmin sak. 20 Joktan mah Amodad, Sheleph, Hazar-Maveth, Jerah, 21 Hadoram, Uzal, Diklah, 22 Ebal, Abimael, Sheba, 23 Ophir, Havilah hoi Jobab to sak; hae kaminawk boih loe Joktan ih caa ah oh o. 24 Shem, Arphaxad, Shelah, 25 Eber, Peleg, Reu, 26 Serug, Nahor, Terah, 27 Abram (Abraham) cae hae ni.
Abraham caanawk
28 Abraham capa hnik loe, Issak hoi Ishmael. 29 Hae kaminawk loe nihnik ih caa ah oh o; Ishmael ih calu loe Nabaioth; to pacoengah Kedar, Adbeel, Mibsam, 30 Mishma, Dumah, Massa, Hadad, Tema, 31 Jetur, Naphish hoi Kedemah; hae kaminawk loe Ishmael ih caa ah oh o.
Keturah ih caanawk
32 Abraham ih zula Keturah mah sak ih caanawk loe, Zimran, Jokshan, Medan, Midian, Ishbak hoi Shuah. Jokshan ih caanawk loe, Sheba hoi Dedan. 33 Midian ih caanawk loe Ephah, Epher, Henok, Abida hoi Eldaah; hae kaminawk loe Keturah ih caa ah oh o boih.
Sarah ih caanawk
34 Abraham loe Isaak ih ampa ah oh; Isaak ih caa hnik loe, Esau hoi Israel.
Esau ih caanawk
35 Esau ih caanawk loe, Eliphaz, Reuel, Jeush, Jalam hoi Korah. 36 Eliphaz ih caanawk loe Teman, Omar, Zephi, Gatam hoi Kenaz, Timna hoi Amalek. 37 Reul ih caanawk loe Nahath, Zerah, Shammah hoi Mizzah cae hae ni.
Edom ah kaom Seir kaminawk
38 Seir ih caanawk loe Lotan, Shobal, Zibeon, Anah, Dishon, Ezar hoi Dishan. 39 Lotan ih caa hnik loe, Hori hoi Homam; Timna loe Lotan ih tanuh ah oh. 40 Shobal caanawk loe Alian, Manahath, Ebal, Shephi hoi Onam; Zibeon capa hnik loe, Aiah hoi Anah. 41 Anah capa loe Dishon; Dishon ih caanawk loe, Amram, Eshban, Ithran hoi Keran. 42 Ezer ih caanawk loe Bilhan, Zavan hoi Jakan; Dishan caa hnik loe, Uz hoi Aran.
Edom siangpahrangnawk
43 Israel kaminawk siangpahrang tawn o ai naah, hae kaminawk loe Edom prae ah siangpahrang ah oh o; Beor capa Bela, anih ih vangpui ahmin loe Dinhabah. 44 Bela duek pacoengah, Bozrah ah kaom Zerah capa Jobab to siangpahrang ah oh. 45 Jobab duek pacoengah, Teman prae ih Husham to siangpahrang ah suek o. 46 Huhsam duek pacoengah, Bedad capa Hadad, Moab prae ih Midian kaminawk pazawkkung to, anih zuengah siangpahrang ah oh; anih vangpui ih ahmin loe Avith. 47 Hadad duek pacoengah, Masrekah prae ih Samlah to siangpahrang ah oh. 48 Samlah duek pacoengah, vapui taeng Rehoboth ah kaom, Shaul to siangpahrang ah oh. 49 Shaul duek pacoengah, Akbor capa Baal-Hanan to siangpahrang ah oh. 50 Baal-Hanan duek pacoengah, anih zuengah Hadad to siangpahrang ah oh; anih ih vangpui hmin loe Pai; anih zu ih ahmin loe Me-Zahab canu Matred, Matred canu Mehetabel. 51 Hadad doeh duek. Edom ih kacoehtanawk loe, Timna, Aliah, Jetheth, 52 Aholibamah, Elah, Pinon, 53 Kenaz, Teman, Mibzar, 54 Magdiel hoi Iram; hae kaminawk loe Edom prae kacoetanawk ah oh o.