1 Angraeng im ah caeh o si, tiah ang thuih o naah, anghoehaih ka tawnh.

2 Aw Jerusalem, kaicae ih khoknawk loe na khongkha thungah angdoet boeh.

3 Jerusalem, nang loe kacakah sak ih, kranghoih vangpui ah na oh!

4 Acaeng kaminawk loe caeh o tahang moe, Israelnawk mah thuih ih baktih toengah, Angraeng ih acaengnawk loe Angraeng ih ahmin pakoeh hanah caeh o tahang.

5 To ah lokcaekhaih angraeng tangkhangnawk hoi David im ih angraeng tangkhangnawk to oh.

6 Jerusalem monghaih tawnh hanah lawkthui oh; nang palung kaminawk loe khosak hoih o nasoe.

7 Na sipae thungah monghaih to om nasoe loe, na angraenghaih imthung ah khosak hoihaih om nasoe.

8 Kam nawkamya hoi ampuinawk pongah, na thungah monghaih om nasoe, tiah ka thuih han.

9 Aicae Angraeng Sithaw ih im pongah, na hoihaih to ka pakrong han.