1  Pathen loh ol cungkuem he a thui tih, 2  Kai na Pathen Yahweh loh nang te Egypt kho kah sal im lamloh kang khuen. 3  Ka mikhmuh ah a tloe pathen te nang ham om boel saeh. 4  Sung 34. 17; Tho 19. 4; 26. 1; Olr 4. 15-18; 27. 15. Namah ham mueithuk neh vaan so lamkah khaw, diklai hman neh a dang lamkah khaw, tui khui neh a dang lamkah muei cungkuem te diklai ah saii boeh. 5  Sung 34. 6,7; Lam 14. 18; Olr 7. 9,10. Te rhoek taengah bakop boel lamtah amih taengah thothueng boeh. Kai Yahweh, nang kah Pathen, thatlai Pathen loh kai aka hmuhuet taengah tah, pa rhoek kathaesainah te ca rhoek soah khongthum neh khongli hil ka cawh. 6  Kai aka lungnah tih ka olpaek aka tuem taengah tah a thawng thawng la sitlohnah tueng. 7  Tho 19. 12. Na Pathen Yahweh ming te a poeyoek la muk boeh. A ming a poeyoek la aka muk te BOEIPA loh a hmil moenih. 8  Sung 16. 23-30; 31. 12-14. Sabbath hnin te ciim hamla poek. 9  Sung 23. 12; 31. 15; 34. 21; 35. 2; Tho 23. 3. Hnin rhuk thotat lamtah na bitat te boeih saii. 10  Tedae a rhih hnin tah na BOEIPA Pathen ham Sabbath ni. Na bitat cungkuem dongah, na capa khaw, na canu khaw, na salpa khaw, na salnu khaw, na rhamsa khaw, na vongka kah yinlai khaw tueih boeh. 11  Suen 2. 1-3; Sung 31. 17. BOEIPA loh vaan neh diklai, tuitunli neh a cungkuem he hnin rhuk ah a saii dae a rhih hnin ah duem. Te dongah BOEIPA loh Sabbath hnin te yoethen a paek tih a ciim. 12  Olr 27. 16; Mat 15. 4; 19. 19; Mark 7. 10; 10. 19; Luke 18. 20; Eph 6. 2; Eph 6. 3. Na nu neh na pa te thangpom. Te daengah ni na Pathen Yahweh loh nang taengah m'paek diklai ah na hinglung a vang eh. 13  Suen 9. 6; Tho 24. 17; Mat 5. 21; 19. 18; Mark 10. 19; Luke 18. 20; Rom 13. 9; Jm 2. 11. Hlang ngawn boeh. 14  Tho 20. 10; Mat 5. 27; 19. 18; Mark 10. 19; Luke 18. 20; Rom 13. 9; Jm 2. 11. Samphaih boeh. 15  Tho 19. 11; Mat 19. 18; Mark 10. 19; Luke 18. 20; Rom 13. 9. Huen boeh. 16  Sung 23. 1; Mat 19. 18; Mark 10. 19; Luke 18. 20. Na hui te laithae laipai neh doo boeh. 17  Rom 7. 7; 13. 9. Na hui kah im te nai boeh. Na hui kah a yuu, a sal neh a salnu khaw, a vaito neh a laak khaw, na hui kah boeih te nai boeh,” a ti.

18  Heb 12. 18,19. Te vaengah pilnam boeih loh olthang neh hmaithoi, tuki ol neh tlang kah a khuu te a hmuh uh. Pilnam loh a hmuh vaegah hinghuen uh tih a hla la pai uh. 19 Te phoeiah Moses taengah, “Namah loh kaimih taengah thui lamtah ka hnatun uh bitni. Pathen loh kaimih taengah thui boel saeh, ka duek uh ve,” a ti uh. 20 Te dongah Moses loh pilnam te, “Nangmih noemcai ham Pathen ha pawk kong ah rhih uh boeh. Te kong nen ni na maelhmai ah amah hinyahnah om vetih na tholh uh pawt eh. 21 Te vaengah pilnam a hla la pai tih Moses tah Pathen om nah yinnah taengla thoeih.

22 Te phoeiah BOEIPA loh Moses te, “He he Israel ca rhoek taengah thui pah, vaan lamloh nangmih taengah ka thui te na hmuh uh. 23  Kai neh thuidoek ham te saii uh boeh. Cakben pathen neh sui pathen khaw namamih ham saii uh boeh. 24  Kai hamla diklai hmueihtuk saii lamtah a soah na hmueihhlutnah neh na rhoepnah khaw, na boiva neh na saelhung khaw nawn uh. Hmuen cungkuem ah ka ming ka thoelh vaengah nang taengla ka pawk vetih nang yoethen kam paek ni. 25  Olr 27. 5-7; Josh 8. 31. Kai hamla lungto hmueihtuk na saii atah a soah lungrhaih khoeng boeh. A soah na cunghang na hnonah koinih hmueihtuk ni na poeih eh. 26  Ka hmueihtuk kah tangtlaeng soah yoeng boeh. A soah na yah te poelyoe boeh.