2
Hlangboel Parhih Ham Capat
Ephisa ham Capat
1 Ephisa hlangboel kah puencawn te daek pah. He he a bantang ah aisi parhih aka pom tih sui hmaitung parhih lakli ah aka pongpa long ni a thui. 2 Na khoboe neh thakthaenah khaw, na uehnah khaw, boethae rhoek na doe uh thai pawt ham khaw, amamih caeltueih rhoek ni aka ti rhoek te a hong a tak khaw na noem uh tih, amih kah laithae na ming uh khaw ka ming. 3 Uehnah khaw na khueh uh tih kai ming ham na yingyawn vaengah na thakthae uh pawh. 4 Tedae nangmih ah ka khueh tah nangmih kah lungnah lamhma te na hnawt uh. 5 Te dongah me lamkah na tlak uh khaw poek uh. Yut uh lamtah lamhma kah khoboe te saii laeh. Te pawt koinih nang kam paan vetih na hmaitung te a hmuen lamkah ka khoe ni. Na yut pawt koinih ne. 6 Tedae Nikolaitan kah khoboe hmuhuet ham na khueh uh. Te te ka hmuhuet van. 7 Suen 2. 9; Olph 22. 2; Ezek 28. 13; 31. 8. Mueihla loh hlangboel taengah a thui te hna aka khueh loh ya saeh. Aka noeng tah Pathen kah Paradai ah aka om hingnah thing te caak ham ka paek ni.
Smyrna ham Capat
8 Isa 44. 6; 48. 12; Olph 1. 17; 22. 13. Smyrna hlangboel kah puencawn te khaw daek pah. He he lamhma neh lamhnuk loh a thui. Amah tah aka duek la om tih hing coeng. 9 Nang kah phacip phabaem neh khodaeng te ka ming tedae kuirhang la na om. Te phoeiah amamih te Judah hlang la ka om aka ti rhoek kah soehsalnah khaw ka ming. Tedae om uh hae pawt tih Satan kah tunim la poeh uh. 10 Patang ham te rhih boeh. Nangmih noemcai ham nangmih khuikah te rhaithae loh thongim ah a hlak pawn ni ke. Khohnin hnin rha phacip phabaem na yook uh ni. Duek due uepom la om lah, hingnah rhuisam te nang kan paek ni. 11 Olph 20. 14; 21. 8. Mueihla loh hlangboel taengah a thui te hna aka khueh loh ya saeh. Aka noeng tah paibae dueknah loh thae thil loengloeng mahpawh.
Pergamum Hlangboel Ham Capat
12 Pergamum hlangboel kah puencawn te khaw daek pah. Thunglang voeivang a haat la aka khueh loh he rhoek he a thui. 13 Mela na om, Satan kah ngolkhoel tah mela a om te ka ming. Te phoeiah kai ming te na pom uh tih kai ah uepom ka laipai Antipa tue ah pataeng kai dongah tangnah te na hnawt pawh. Amah te nangmih taengah a ngawn coeng. Te ah te Satan loh kho a sak. 14 Lam 22. 5,7; 31. 16; Olr 23. 5; Lam 25. 1-3. Tedae nangmih taengah bet ka khueh. Balaam kah thuituennah te aka pom rhoek te na om. Anih loh Israel ca rhoek hmaiah thangkui tung ham, mueirhol buh caak ham neh cukhalh ham te Balaak a caemtuh. 15 Nangmih khaw Nikolaitan rhoek kah thuituennah banghuila aka pom rhoek te na om uh van. 16 Te dongah yut laeh. Te pawt koinih na taengah tlek ka pawk vetih kamah kah thunglang neh amih te ka tloek ni. 17 Sung 16. 14,15; 16. 33,34; Jn 6. 48-50; Isa 62. 2; 65. 15. Mueihla loh hlangboel rhoek taengah a thui te hna aka khueh loh ya saeh. Aka noeng tah a thuh khuikah manna te amah ka paek ni. Lungcang bok khaw anih ka paek ni. Te lungcang soah ming thai a daek te aka doe rhoek pawt long tah a ming moenih.
Thyatira ham Capat
18 Thyatira hlangboel kah puencawn te khaw daek pah. He he Pathen capa long ni a thui. A mik te tah hmai tak bangla, a kho tah rhohum ngo phek la a khueh. 19 Nang kah khoboe te khaw, lungnah te khaw, tangnah khaw, bibi neh na uehnah khaw, na khoboe te lamhma lakah hnukkhueng te muep ka ming. 20 1 Mang 16. 31; 2 Mang 9. 22,30. Tedae Jezebel nu na hlapham uh te nangmih taengah toel ham om. Anih loh amah te tonghmanu ni a ti. Te dongah ka sal rhoek te cukhalh sak ham neh mueirhol buh cah ham a thuituen tih a rhaithi thil. 21 Yut ham a tue khaw anih ka paek dae amah kah Cukhalnah te yut ham ngaih pawh. 22 Anih te thingkong dongla ka voeih coeng he. Anih taengah aka samphaih rhoek te khaw, anih khoboe lamkah a yut uh pawt atah aka nah phacip phabaem khuiah ka pha sak ni. 23 Tgt 7. 10; Jer 17. 10. A ca rhoek te khaw dueknah neh ka ngawn vetih a kuel neh a thin aka khe te kai ni tila hlangboel rhoek loh boeih a ming uh ni. Nangmih khaw namamih kah khoboe tarhing la rhip kan paek ni. 24 Tedae nangmih Thyatira kah aka hoei rhoek taengah ni ka thui. He kah thuituennah he hlang boeih loh a khueh moenih. Amih loh Satan kah oldung te a ming uh moenih. A ti uh bangla nangmih te hnorhih pakhat khaw kan naan thil moenih. 25 Tedae na khueh uh te ka pawk hil atah ana tuu uh. 26 Tgt 2. 8,9. Aka noeng neh kai kah khoboe hmakhah duela aka ngaithuen tah namtom rhoek soah saithainah ka paek ni. 27 Te vaengah amih te dikpo am a thaeh bangla thi conghol neh a dawn ni. 28 Kai khaw a pa taengkah ka dang vanbangla anih khaw aisi thuipa te ka paek ni. 29 Mueihla loh hlangboel rhoek taengah a thui te hna aka khueh loh ya saeh.
2. 7 Suen 2. 9; Olph 22. 2; Ezek 28. 13; 31. 8.
2. 8 Isa 44. 6; 48. 12; Olph 1. 17; 22. 13.
2. 11 Olph 20. 14; 21. 8.
2. 14 Lam 22. 5,7; 31. 16; Olr 23. 5; Lam 25. 1-3.
2. 17 Sung 16. 14,15; 16. 33,34; Jn 6. 48-50; Isa 62. 2; 65. 15.
2. 20 1 Mang 16. 31; 2 Mang 9. 22,30.
2. 23 Tgt 7. 10; Jer 17. 10.
2. 26 Tgt 2. 8,9.