1 Lamhma kah bangla hmueihtuk a thoh tih a nawn te kaepvai kah Gentile rhoek loh a yaak vaengah bahoeng a thintoek uh. 2 Te dongah amih taengkah kho aka sa Jakob cadil te thup hamla caii uh tih pilnam te koe a ngawn uh. 3 Judas long he Idumea kah Esau cadil taengah khaw, Akrabattene khaw rhal la thoo. Amih long te Israel a rhongngol thil tih a tawt dongah. 4 A nih long he Bean koca kah a halangnah khaw a poek. Amih long te khohla long puei ah pilnam ham hlaeh neh pael a tung tih a rhongngol thil uh. 5 Amih te rhaltoeng im ah a tlaeng uh tih a rhaeh thil uh. Boeip poci sak hamla ol a hlo uh. Amih a omnah rhaltoeng im khaw hmai neh a hlup pa uh. 6 Te phoeiah tah Ammoni te tloek hamla kat phai, te vaengah rhoihui thaom neh pilnam te a hmuh tih, Timothy te amih mawtkung la ana om pah. 7 Amih taengah caemtloeknah muep om nih a mikhmuh amih te a paep hil amih te a tloek. 8 Jazer neh a vangca rhoek te khaw a loh pah phoeiah Judea la mael.

9 Gentile rhoek te Gilead ah tun tingtun uh tih a khokhuikah Isareal rhoek te phae hamla a taeng uh. Tedae amih te Dathema kah hmuencak la yong uh. 10 Judas neh a boeinaphung taengla ca a pat uh tih, “Kaimih kaepvai kah Gentile rhoek tah kaimih phae hamla tingtun uh coeng. 11 Kaimih paan tih tuuk hamla a rhuengphong uh dongah hmuencak aka lam te ka yong uh coeng. A rhalkap te timothy loh a mawt lah ko. 12 Halo lamtah kaimih he n'hul laeh, kaimih muep ka cungku uh coeng. 13 Tob khohmuen kah mah huiko rhoek khaw a ngawn uh coeng. Rhal loh a yuu a ca khaw hnopai khaw a rhawt pa tih hlang thawngkhat tluk tah a thup coeng,” a ti nah.

14 Ca a tae li vaengah te a tloe puencawn te Galilee lamkah long khaw a himbai a phen tih amah hmueh yaksaknah a khueh. 15 Plotemais, Tyre neh Sidon kah pilnam khaw, Galilee kah Gentile rhoek khaw tun coeng. Kaimih aka nen hamla,” a ti nah.

16 Judas neh a pilnam loh te ol te a yaak vaengah rhaengpui te muep a hueh tih rhal loh a nen tih khodaeng aka ing a manuca rhoek hamla metlam n'saii eh a ti uh. 17 Judas loh amana Simon te, “Na hlang rhoek te coelh lamtah Galilee kah na huiko hlawt hamla cet laeh. mana Jonathan neh kai tah Gilead la ka cet eh,” a ti nah. 18 Tedae Zekhariah capa Joseph neh pilnam mawtkung Azariah neh a tloe rhalkap tah Judea aka tawt la a khueh. 19 Te vaengah a mih te, “Pilnam he hutnah, tedae kamih ka mael hlan hil Gentile te ngainah boeh,” a ti nah. 20 Simon te hlang thawng thum he Galilee la caeh ham a tueih tih, Judas te hlang thawng rhet neh Gilead la cet.

21 Te dongah Sion te Galilee cet tih Gentlile rhoek te muep rhoek uh thae. Te vaengah a mikhmuh Gentile te muep a phop. 22 Amih te Ptolemai vongka duela a hloem. Gintile rhoek te thawngthum tluk hil muep cungku tih anih loh a poel a yoe. 23 Galilee neh Arbatta kah Judah rhoek te a loh tih a yuu a ca khaw, a hnopai khaw Judea ah omngaih la a mael puei.

24 Judas Maccabeus a namana Jonathan tah Jordan te kat tih hnintun caeh kah khosoek la cet rhoi. 25 Nabateans te kak a toh dae amih te rhoepnah a doe. Te phoeiah Gilead kah amah huiko taengah aka thoeng te khaw a thui pah. 26 Amih te Bozrah neh Bosor ah khaw, Alema neh Chaspho ah khaw, Maked neh Carnaim,” ah khaw muep a tlaeng coeng. Te tah khopuei kholen neh vongcak kak la om. 27 A ngen tah Gilead kah khopuei a tloe ah a tlaeng uh coeng. Rhal he thangvuen ah hmuencak muk tih pilnam boeih he hnin at rhenten thup hamla sikim uh coeng,” a ti nah.

28 Te dongah Judas neh a rhalkap rhoek tah Bozrah kah khosoek longpuei la koep mael uh tih khopuei te a loh uh. Tongpa boeih te cungha ha dongah a ngawn uh. A kutbuem boeih te a loh pah tih hmai neh a hoeh uh. 29 Te hmuen lamloh khoyin ah nong tih Dathema hmuen cak la caehlong a hoi uh. 30 Khothaih ah a sawt hatah rhoihui muep a hmuh, te te tae lek pawh. Amih long te kuihlak neh, hmuencak muk tih a khuikah Judah rhoek tloek hamla seh khaw a khuen uh. 31 Te caemtloeknah te Judas loh a tong vaengah khopuei kah a pang ol neh, tuki ol khaw, a len la a thangthuinah te khaw Vaan la cet. 32 A rhalkap rhoek te khaw na huiko ham tihnin ah caemtloek uh laeh,” a ti nah. 33 Te phoeiah anih te a hnukah rhoihui pathum a khueh tih, tuki ol the a len la thangthui. 34 Timothy kah rhalkap rhoek loh Makkabeus om tila a ming dongah a hmai la yong uh. Makkabeus loh amih te muep ngawn tih hnin at dongah hlang thawng rhet cungku.

35 Te phoeiah Maapha la mael tih a tloek bal. Te vaengah tongpa te boeih a ngawn tih a poelyoe phoeiah hmai neh a hlup. 36 Te lamloh thoeih bal tih Chaspho, Maked, Bosor neh Gilead khopuei a tloe rhoek khaw boeih a loh.

37 Te phoeiah tah Timothy lolh a tloe la caem a hueh bal tih Raphon imdan kah tuiva rhal ah rhaeh. 38 Judas loh rhaehmuen la rhalyuep a tueih pah. Te vaengah anih taengah, “Mamih khaepdan kah Gentile boeih tah anih tengla om uh coeng a tha khaw muep om uh. 39 Amih aka bomkung la Arabs hlang khaw a coep uh tih amih te sok taengah rhaeh uh. Nangming te paan tih tloek ham oepsoeh uh coeng,” a ti nah. Te dongah Judas tah amih doe hamla cet.

40 Judas neh a rhalkap rhoek te sok kah tui taeng a pha vaengah tah, Timothy loh a rhalkap boei rhoek te, “Lamhma lat kat u pawn sih, amih n'na mahpawh, mamih rhep n'hnah pawn ni. 41 Tedae anih te aka rhi bangla om tih tui rhal aha rhaeh atah kat sih lamtah anih te ngawn sih,” a ti nah. 42 Judas loh sok kah tui te a paan tih rhalkap boei rhoek te a khue tih, “Pakhat khaw rhaeh sak boeh, amih te caemtloek la caeh sak,” a ti nah. 43 Amah te lamhma la kat tih a rhalkap pum loh anih te a vai. Gentiles boeih ta anih hmai yawk uh. Te dongah a pumcu te a voeih uh tih Caranaim kah hmuen cim la yong uh. 44 Tedae khopuei te a loh a hmuencim te khaw a khuikah aka om neh rhenten a hoeh pah. Caraim te a ta coeng dongah Judas hmai ah pai uh thai voel pawh.

45 Judas loh Gilead kah Israel ca te boeih a coi. A yit a len khaw, a yuu, a ca nhe, hnopai neh, hlangping lambong neh Judah la mael. 46 Ephron a pha uh coeng dae longpuei ah om khopuei khaw cak. Banvoei bantang ah a rhaelnah om pawh, te long te a caeh a ngoe. 47 Tedae a pilnam loh khopuei te khoep a khaih tih vongka te lungto neh a tlaeng uh.

48 Judas long tah paya la om ham, “Kamah kho la na khohmuen long ka pah phai mai eh, nangmih soah thae ka saii mahpawh, ka kho neh duem ka cet mai eh,” a ti nah. Tedae thohka ong paham te ngaih uh pawh. 49 Judas loh a rhalkap boeih te a omnah kung kungah a rhaeh hamla olhoenah a khueh pah. 50 Te dongah caem la aka cet hlang rhoek tah rhaeh uh tih, khothaih puet neh, khoyin khin khopuei a tloek uh. Te dongah khopuei te amih kut dongah tla. 51 Tongpa boeih te cunghang ha dongah a kaeh pah tih khopuei te khaw a hlaih tih a poelyoe pah. Te daengah khopuei hlang rhok soah a pah phai.

52 Te phoeiah Jordan te kat uh tih Bethshan hmai kah kolvan a len te a pha uh. 53 Lambong khuikah a caehnawt pilnam te Judas loh a khool tih Judah khohmuen a pha duela a thaphoh. 54 Te dongah Zion tlang la omngaih konoe neh cet uh. Amih khuikah pakhat khaw a talae kolla sading la a mael uh dongah hmueihhlutnah khaw a nawn uh.

55 Judas neh Jonathan te Gilead aha a om vaengah a manuca Sion tah Ptolemais hmaikah Galilee om. 56 Te vaengah Zekhariah capa Joseph neh rhalboei Azariah loh amanuca rhoekah rhalthen bibi la thinom rhal a ta te a yaak. 57 Te dongah, “Mamih rhoi ham ming khueh van sih, cet sih lamtah mah kaepvai kah Getiles rhoek ke tloek sih,” a ti rhoi. 58 Te dongah a taengkah hlang rhoek te caem la a hueh tih Jania la cet h. 59 Gorgias neh a hlang rhoek loha khopuei lamloh coe tih amih caemtloeknah neh a doe. 60 Te vaengah Joseph neh Azriah kil balkhong dae Judea khorhi hil a hloem uh. Israel pilnam he hlang thawng hnih tluk hnin at dongah duek. 61 Pilnam loh patang mat a khang. Thinom hlang bangla ngai uh tih kho a boe tih a manuca Judas kah ol te hnatun pawt dongah ni. 62 Te dongah amih rhoi te Israel aka loeih sak hlang kah imkhui cako la a khueh uh moenih.

63 Tongpa khaw Judas neh a boeinaphung tah Israel khuiah bahoeng a thoeng pom uh. Gentile boeih long khaw anih ming aka ya long a hin coeng. 64 Pilnam te a taengla cet uh a oep uh.

65 Judah neh a manuca rhoek te thuitim khohmuen ah aka Esau cadil te koep a tloek tih Hebron neh a vangca boeih khaw, a hmuencak khaw a palet pah, a kaep kah rhaltoengim khaw a hoeh pah. 66 Philistia la cet tih Marisa khaw a poeng. 67 Te khohnin ah khosoih rhoek khaw thinom bibi saii a ngaih uh dongah caemtloek vaengah cungku uh. Amih te anglat neh caemtloek la a caeh dongah ni. 68 Tedae Judas te Philistines khohmuen Azotus la cet ih a hmueihtuk te a palet pah. A pathen la a khueh vaito muei te a hoeh pah. Khopuei te a poelyoe pah phoeiah Judah la mael.