1 Te phoeiah hekah he tah Noah ca rhoek Shem, Ham neh Japheth neh tuilii phoeiah amih loh a sak a ca rhoek kah rhuirhong ni. 2 Japheth ca rhoek la Gomer, Magog, Madai, Javan, Tubal, Meshek neh Tiras om. 3 Te phoeiah Gomer ca rhoek la Ashkenaz, Riphath neh Togarmah om. 4 Te phoeiah Javan ca rhoek la Elishah, Tarshish, Kittim neh Dodanim om. 5 Amih lamkah ni sanglak kah namtom loh amah khohmuen la amah ol neh amah huiko loh amah namtu khuiah rhip a caeh uh. 6 Te phoeiah Ham ca rhoek la Khusah, Mizraim, Put neh Kanaan om. 7 Te phoeiah Khusah ca rhoek la Seba, Havilah, Sabtah, Raamah neh Sabteka om tih Raamah ca rhoi la Sheba neh Dedan om. 8 Te phoeiah Kusah loh Nimrod te a sak tih anih te diklai hmankah hlangrhalh lamhmacuek la om. 9 Anih te BOEIPA mikhmuh ah sayuep hlangrhalh la a om van dongah, “BOEIPA hmai ah sayuep hlangrhalh Nimrod van ni,” a ti. 10 Te dongah anih kah khohmuen a tongnah tah Babylon, Erek, Akkad neh Shinar ram Kalneh ni. 11 Te khohmuen lamkah Assyria la cet tih Nineveh, Rehobothir neh Kalah te a thoh. 12 Te phoeiah Nineveh laklo neh Kalah laklo kah Resen te tah khopuei len la om. 13 Te phoeiah Mizraim loh Ludim khaw, Anamim khaw, Lehabim neh Naptuhim khaw, 14 Pathrusim neh Philisti lamkah aka lo Kasluhim neh Kapthorim khaw a sak. 15 Kanaan loh a caming la Sidon phoeiah Kheth, 16 Jebusi, Amori, Girhashi, 17 Khivee, Arkit, Sinih, 18 Arvadi, Zemari neh Hamathiti te a sak tih a hnukah Kanaan koca la taekyak uh. 19 Te phoeiah Kanaani kah khorhi aka om te Sidon lamkah Gerar benkah Gaza due na cet ni. Sodom taengkah Gomorrah, Admah, Zeboim neh Lasha due na cet ni. 20 Hekah he amah khohmuen ah amah namtu kah ol, amah huiko neh aka om Ham ca rhoek ni. 21 A ham Japheth mana Eber ca rhoek boeih kah a napa Shem long khaw ca a sak. 22 Shem koca ah Elam neh Assyria, Arphaxad, Lud neh Aram om. 23 Aram ca rhoek la Uz, Huul, Gether neh Mash om. 24 Arphaxad long khaw Shelah a sak tih Shelah loh Eber te a sak. 25 Eber te ca panit a sak dae anih tue vaengah khohmuen a tael dongah pakhat kah a ming te Palak la om tih a mana ming te Yoktawn la om. 26 Yoktawn loh Almodad, Sheleph, Hazarmaveth, Jerah, 27 Hadoram, Uzal, Diklah, 28 Obal, Abimael, Sheba, 29 Ophir, Havilah neh Jobab a sak. Te rhoek te Yoktawn kah a ca boeih ni. 30 Te dongah Mesha lamkah Sephar khothoeng tlang due na caeh vaengah amih kah tolrhum la om. 31 Hekah rhoek he amah namtu neh amah khorhi ah amah ol la amah huiko neh aka om Shem ca rhoek ni. 32 He tah amah namtu ah amamih kah rhuirhong la aka om Noah ca rhoek kah a huiko rhoek ni. Te dongah tuilii phoeiah he lamkah ni namtom rhoek loh diklai hmanah a yaal uh.