1 Te phoeiah Rhaphael te a khue tih, 2 “Manuca Azariah, sal pali neh kalauk pum nit he namah neh Rages la na caeh vaengah kue. Gabael im la cet lamtah anih te cungah la paek. Tangka te lo lamtah nang khuen phoeiah yuluei poei saii sih. 3 Na ming bangla a pa loh khohnin te puet a tae pawn ni. Kai he hnin at ka uelh koinih anih te a ko muep thae ni. 4 Namah khaw Raguel kah olhlo dongah laipai la na om coeng. A olhlo te ka poe thai moenih,” a ti nah.

5 Te dongah Rhaphael tah sal panit, kalauk pumnit neh Media Rages la cet tih Gabael taengah om. Raphael oh anih te cungah te a paek. Te phoeiah Tobit capa Tobias tah yuu a loh coeng tih yuluei poei la caeh ham a coep te a yaak sak. Te dongah Gabael te thoo tih sungkoi dongah tangka te a tae. Kutnoek te a khueh. Te phoeiah te rhoek te kalauk dongla a tloeng. 6 Mingcang ah yue thoo rhoi tih yuluei poei la cet. Rafuel im a pha uh vaengah tah Tobias loh caboei a vael te a hmuh. Anih te thoo hang te Gabael te a doe. Te vaengah a rhah neh a uem ol loh, “A pa hlang then neh hlang rhoei capa tah hlang then neh hlang rhoei la om. Hlang dueng neh moeihoeih hlang pai ni he. Boeipa loh vaan lamkah yoethennah te nang neh na yuu soah m'pae saeh. Na yuu kah a napa neh a manu soah khaw. Pathen tah a yoethen pai saeh. Tobias kah cahlo muei la phek ka hmuh,” a ti.